✔️21 снежня: прэзентацыя альманаха літаратурнага аб'яднання "EHU OKTAVA" ў Вільні
Літаратурныя гульні, дэкламацыя твораў і выкананне песень ад аўтараў альманаха.
📍21.12 (сб), 12.00, CreateCulture Space (Karmelitų g. 5). Уваход вольны па рэгістрацыі.

✔️21 снежня: прэзентацыя перакладу Толкіна "Валадар Пярсцёнкаў. Вяртанне Караля" з удзелам Ігара Кулікова ў Варшаве.
📍21.12 (сб), 16.00, "Кнігаўка" (ul. Kłopotowskiego 4). Уваход вольны.

✔️26 снежня: прэзентацыя кнігі вершаў Андрэя Хадановіча да оперы “Дзікае паляванне караля Стаха” ў Беластоку.
Падчас прэзентацыі аўтар раскажа пра стварэнне оперы і кнігі вершаў да яе.
📍26.12 (чц), 17.00, хаб "Новая Зямля" (ul. Wyszyńskiego 6A). Уваход вольны.

✔️28 снежня: прэзентацыя кнігі “Робіць Янка выцінанку” і майстар-клас па выцінанцы ў Мінску.
Удзельніцы сустрэчы: рэдактарка кнігі Алеся Чарнавокая і ілюстратарка выдання Наталля Сухая.
📍28.12 (сб), 14.30, музей Якуба Коласа (вул.Акадэмічная, 5). Уваход 6,50 рублёў па рэгістрацыі.
#афіша

Выдавецтва “Лысы чэрап” выпусціла дзве кнігі і анансавала навінку 💀

Выдавецтва “Лысы чэрап” надрукавала кнігі Ігара Саўчанкі "Доказательство" і Гані Фак’ю "Мужыкі", а таксама анансавала выхад навінкі — зборніка мініятур Сяргея Краўчанкі "Крестик".

Падрабязней пра кнігі ⬅️

Выходзіць арт-кніга “Доўгая дарога дамоў” беларускай мастачкі Машы Мароз 📒

Маша Мароз напрацягу дзесяці гадоў фатаграфавала і даследавала беларускае Палессе. Вынік гэтай працы аформіўся ў трохмоўную арт-кнігу “Доўгая дарога дамоў” (Le long chemin du retours. Long way home).

Тэкставая частка кнігі належыць куратарцы Ганне Карпенцы, філософу і пісьменніку Ігару Бабкову і гісторыку Валеру Марозу.

🗓 Прэзентацыі кнігі пройдуць 18 снежня ў Парыжы і 20 снежня ў Варшаве.

Падрабязней 👈

Якія беларускія выдавецтвы праводзяць калядныя акцыі для сваіх чытачоў?

🎄Выдавецтва Gutenberg праводзіць у сваім інстаграме адвэнт са зніжкамі: кожны дзень з'яўляецца акцыя на канкрэтную кнігу ці гульню, якую можна купіць танней пры заказе менавіта ў гэты дзень. Ёсць вельмі выгадныя прапановы 😉

🎄Выдавецтва Рамана Цымберава таксама праводзіць зніжкавы адвэнт у інстаграме — сачыце ўважліва за пастамі і сторыз, каб не прапусціць цікавую кніжку па прыемным кошце.

🎄Выдавецтва "Тэхналогія" прапануе зніжку ў 10% на ўсе кнігі! Прапанова дзейнічае да 24 снежня. А яшчэ выдавецтва зрабіла вялікія зніжкі на некаторыя кнігі — ад 20% да 50% (калі вы яшчэ не маеце "Нашу крыжаванку", то цяпер яна каштуе ўсяго 6 рублёў!). Усе акцыі можна паглядзець на сайце "Тэхналогіі".

🎄Выдавецтва "Кніжны рысь" робіць зніжку ў 10% тым, хто да 31 снежня купіць выданні "Дадзены мне" і "Заўрык і яго старэйшы брат" у мінскай "Акадэмкнізе".

У лістападзе ў Вільні адзначылі скарынаўскія дні — больш за 500 гадоў таму Францыск Скарына выдаў тут першую друкаваную кнігу Вялікага княства Літоўскага.

З гэтай нагоды мы ўзгадваем пра вуліцы, на якіх размяшчаліся вядомыя віленскія друкарні, а таксама пра месцы, звязаныя з кнігамі і кнігадрукаваннем.

Лонгрыд 👈

Раман Юлі Арцёмавай "Я и есть революция" перакладуць на нямецкую 📓

Выдавецтва “Пфляўмбаўм” паведаміла, што прадало правы на выданне нямецкага перакладу кнігі беларускай пісьменніцы Юлі Арцёмавай “Я и есть революция”.

Нямецкамоўная версія твору пабачыць свет у выдавецтве Mauke ўжо ў наступным годзе.

Падрабязней ⬅️

Эсэ Насты Манцэвіч і пераклады Алок Вайд-Мэнан — пад адной вокладкай 📕

У выдавецтве “Пфляўмбаўм” навінка — “Цела таксама архіў” аўтарства беларускай літаратаркі Насты Манцэвіч. У гэтай кнізе Наста выступае не толькі як аўтарка, але і як перакладчыца — у выданні прадстаўлены яе беларускамоўныя пераклады твораў Алок Вайд-Мэнан (ЗША).

У кнізе праз літаратурнае выказванне адбываецца пошук (патрабаванне) свайго месца, свабоды для слова (тэксту) і цела.

Падрабязней 👈

📘Паэт Павел Капанскі выдаў кнігу вершаў пад назвай "Акрамя".

"У выпадку з паэзіяй Паўла Капанскага ў вочы кідаецца цікавы інгрыдыент — шматмоўнасць. Вершы з кнігі "Акрамя" напісаныя трыма мовамі: беларускай, украінскай і польскай — задоўга да таго, як гэтыя мовы пачалі рабіцца звыклымі для нашага вуха. І калі раней гэткае натуральнае паліглоцтва падавалася пэўнай экзотыкай, то цяпер цалкам лагічная частка жыцця многіх чытачоў", — піша пра кнігу паэт Віталь Рыжкоў.

***
ці не твае рукі
габлююць з майго
драўлянага сэрца
бяскрылых галубоў?

Дзе набыць ⬅️

Кнігі выдавецтва "Мяне няма", якія мы разыгравалі ў нашым Інстаграме, дайшлі да сваёй адрасаткі! 💌

Пераможца вырашыла аддаць іх у познаньскую біблятэчку з беларускімі выданнямі — цяпер кнігі Валянціна Акудовіча, Таццяны Заміроўскай і Сяргея Краўчанкі можна ўзяць пачытаць, пазычыўшы ў "Кніжнай палічкі ў Познані"!

А мы запрашаем падпісацца на наш інстаграм — мы рыхтуем яшчэ некалькі кніжных разыгранак 🎁

📖 26 снежня: прэзентацыя кнігі вершаў Андрэя Хадановіча да оперы “Дзікае паляванне караля Стаха” ў Беластоку.

Падчас прэзентацыі аўтар раскажа пра стварэнне оперы і кнігі вершаў да яе. Чаму Караткевіч і сёння найактуальнейшы для нас аўтар? Ці адгукнулася “Дзікае паляванне” на рэпрэсіі ў Беларусі і вайну супраць Украіны? Як класічная проза пераўвасаблялася ў вершы, а ўкраінскія зоркі вучыліся спяваць па-беларуску?

Бонусам спаткання будуць калядныя вершы, пераклады і песні паэта. Падчас прэзентацыі можна будзе набыць кнігу “Дзікае паляванне караля Стаха: вершы да оперы”, а таксама іншыя паэтычныя кнігі Андрэя Хадановіча.

📍26 снежня, чацвер, 17.00, хаб "Новая Зямля" ((ul. Wyszyńskiego 6A). Уваход вольны.

Сёлета мы працягваем традыцыю, якую наш сайт запачаткаваў у 2023 годзе: прапануем паглядзець на кнігі, пра якія мы пісалі цягам дванаццаці месяцаў. Мы выбралі з іх найлепшыя, знакавыя і проста цікавыя кожнаму чытачу.

Далёка не ўсе выдадзеныя ў Беларусі і па-за яе межамі кнігі ўвайшлі ў наш рэйтынг. Выдаецца нямала, нават сотні найлепшых назваў будзе недастаткова, што, хутчэй, станоўчы момант, чым адмоўны 🙏

100 НАЙЛЕПШЫХ КНІГ 2024

♥️ Напішыце ў каментарах, якія кнігі 2024 году спадабаліся вам.

Перакладчыцкая майстэрня Беларускага ПЭНа адкрыла прыём заявак на другі сезон 📝

Вядоўца — паэт і перакладчык Андрэй Хадановіч. Сярод гасцей майстэрні — польская перакладчыца Яанна Бэрнатовіч, паэтка і перакладчыца Наста Кудасава, перакладчык Сяргей Сматрычэнка ды іншыя.

❗️Дэдлайн – 6 студзеня 2025 года (уключна).

📙Сустрэчы будуць адбывацца анлайн на платформе ZOOM з 23 студзеня да 3 красавіка, кожны чацвер з 19:00 да 21:00 па беларускім часе,

Удзел у майстэрні бясплатны, але колькасць месцаў абмежаваная, прыярытэт у заявак з перакладамі. Выпускнікі і выпускніцы папярэдняга сезона таксама могуць удзельнічаць.

Дзеля бяспекі можна ўдзельнічаць пад псеўданімам.

Падаць заяўку🖇

Дарагія нашыя чытачы, віншуем вас са Святамі! 🎄

Зычым вам здароўя, натхнення, радасці!
Хай будуць грошы, каб купляць кнігі, час, каб іх чытаць, і сябры, каб разам абмяркоўваць!

А мы ў 2025 годзе працягнем распавядаць вам пра навіны літаратуры — дзякуй, што вы застаяцеся з намі 💖

Яшчэ хочам прапанаваць вам падборку ўласных тэкстаў 2024 года, якія можна пачытаць паміж аліўе і "Адзін дома":

🎄11 фільмаў пра паэзію, паэтаў і паэтак

🎄Віленскія адрасы Мойшэ Кульбака

🎄Правілы жыцця ад Вацлава Ластоўскага

🎄Кніжная мапа беларусаў Вільні

🎄Падарожжы Юргіса Кунчынаса: шпацыр па мясцінах з кнігі "Туўла"