group-telegram.com/hossword/328
Last Update:
الفرق بين إنك أعزب وإنك زوج هو إنك مسؤول عن حد.
والمسؤولية دي مش إنفاق وبس. المسؤولية دي لها شق نفسي.
أنت مسؤول إنك بعد ما ترجع من الشغل تتكلم مع زوجتك اللي كنت بعيد عنها عشر ساعات. أنت مسؤول إن وقت استخدامك للموبايل يكون محسوب مش تقعد بالساعات ماسكه وزوجتك بتتحايل عليك تكلمها كلمتين.
أنت مسؤول إنك تحسس زوجتك إنها أهم من القهوة (المقهى) ومن الموبايل ومن أي حاجة. عشان في اليوم التالي لما تروح شغلك - الزوجة دي يبقى عندها طاقة تقعد مع عيالك وتطبخ وتشتغل في الشقة أو على الأقل تصبر على عشر ساعات تانيين بعيد عنك.
لو زوجتك من النوع اللي مابتغضبش وتسيب البيت رغم محاولاتها الفاشلة إنها تخليك تقول لها كلمة حلوة أو تقعد معاها - فالمفروض إنك ماتعاقبهاش على إنها محترمة وصابرة وإنك تكافئها بدل ما تحسسها إن هي دي حياتي واضربي دماغك في الحيط.
لو كانت احتياجاتك كراجل إنك تطلب زوجتك للفراش وترمي لها مصاريف الأكل - فأنت كده مش بتتعامل مع زوجة. أنت كده بتحسسها إنها واحدة متأجرة من شارع جامعة الدول. هي احتياجاتها مختلفة.
قال النبي ﷺ: اللهم إني أُحَرِّج حق الضعيفين، اليتيم والمرأة.
حسام عبد العزيز
#أدمن
BY حسام عبد العزيز
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/hossword/328