group-telegram.com/pressmfakz/18688
Last Update:
🎄 Құрметті достар!
Сіздерді шын жүректен келе жатқан Жаңа 2025 жылмен құттықтаймыз!
Өтіп бара жатқан 2024 жыл Қазақстан үшін ауқымды жетістіктер мен халықаралық аренада белсенді қызмет атқарған жыл болды. Еліміз ШЫҰ, ТМҰ, АӨСШК, ҰҚШҰ, ОАМБКК және ХАҚҚ секілді алты көпжақты ірі форматта табысты төрағалық етті. Қазақстанның жаһандық сын-қатерлерді шешудегі сенімді әріптес ретіндегі рөлін арттыра отырып, біз маңызды халықаралық іс-шараларды өткіздік және орнықты даму мақсаттарын ілгерілетуге сүбелі үлес қостық.
Жаңа 2025 жыл бізге жаңа мүмкіндіктерге жол ашады. Қазақстан Республикасының Президенті Қасым-Жомарт Тоқаевтың басшылығымен біз халықаралық ынтымақтастықты одан әрі кеңейтіп, инвестициялар тартуды жалғастырамыз және еліміздің әлемдік аренадағы позицияларын күшейтеміз.
Қазақстан әрдайым жаһандық процестерге белсене қатысып, өңірлік тұрақтылық пен бейбітшілікті нығайтуға үлес қосуда. Сындарлы диалогқа және жарқын болашақ құру жолындағы шешімдерді бірге табуға бейілдіміз.
Осы мерекелік күндері әрбір қазақстандыққа зор денсаулық, отбасылық бақыт, шабыт пен барлық бастамаларға сәттілік тілейміз! 2025 жыл Сіздерге және жақындарыңызға амандық пен қуаныш әкелсін!
Ізгі тілекпен,
Қазақстан Республикасының Сыртқы істер министрлігі
@PressMFAKZ
BY MFA Qazaqstan 🇰🇿
Share with your friend now:
group-telegram.com/pressmfakz/18688