Божхона ходимлари томонидан мамлакатимида экспорт ҳажмини оширишга кўмаклашиш борасида тадбиркорларимизга “Божхона ҳудудида қайта ишлаш” режимини тарғиб қилиш ишлари кучайтирилди. Натижада ўтган бир йилнинг ўзида ушбу режимдан фойдаланган тадбиркорлар 355 тани ташкил этиб, 40 фоизга ёки 101 тага ошди.

Бу борада Самарқанд вилояти божхона бошқармаси ходимлари ҳам жойларда тадбиркорлар билан учрашувлар ўтказиб, мазкур режимнинг афзалликлари тўғрисида тарғибот қилиб бормоқда.

Хусусан, вилоят божхона бошқармаси бошлиғининг биринчи ўринбосари А.Мухаммадиев қуруқ меваларни (писта, бодом, кунгабоқар уруғи) қайта ишлаш фаолияти билан шуғулланувчи “Star roasted chickpeas” қўшма корхонасида бўлиб, тадбиркорнинг фаолияти билан ҳамда келгусидаги режалари билан танишди.

Агар корхонанинг фаолиятига эътибор қаратсак, ўтган 2024 йилдан бугунги кунга қадар оғирлиги 581 тонна, қиймати 348 минг АҚШ долларлик қуруқ мевалар хориждан олиб келиниб, қайта ишланиб, вазни 435 тонна, қиймати 553 минг АҚШ долларилик маҳсулотлар дунёнинг турли мамлакатларига экспорт қилинган.

Ҳозирда мазкур корхонада ўртача 45-50 нафар маҳаллий аҳоли доимий иш билан таъминланган.

KUN XABARLARI

BOJXONA MAS'ULLARI ISHLAB CHIQARISH KORXONALARIDA BO‘LISHDI

#samarqandmtrk

Telegram | Facebook | Youtube |Admin

Тадбиркорлар ва божхона расмийлаштируви бўйича мутахассислар диққатига!

Самарқанд вилояти божхона бошқармаси томонидан 2025 йил 22 февраль куни соат 11:00 да “Самарқанд” ташқи иқтисодий фаолият божхона постида тадбиркорлар, божхона расмийлаштируви бўйича мутахассислар ҳамда вилоят божхона бошқармаси раҳбарияти ва тегишли таркибий тузилма раҳбарлари иштирокида давра суҳбати бўлиб ўтади.

Тадбирда божхона қонунчилигидаги сўнгги янгиликлар ҳамда божхона расмийлаштирувидаги имтиёзлардан хабардор қилинади.

Шунингдек, учрашувда соҳадаги муаммо ва таклифлар тингланади ҳамда тегишли чора-тадбирлар белгилаб олинади.

Мазкур тадбирга вилоятда фаолият олиб бораётган барча ташқи иқтисодий фаолият иштирокчиларини таклиф этамиз.

Манзил: “Самарқанд” ташқи иқтисодий фаолият божхона пости.

"Самарқанд" ташқи иқтисодий фаолият божхона постида божхона ходимлари учун ўқув-семинар ташкил этилди

"Самарқанд" ташқи иқтисодий фаолият божхона пости ходимлари учун Ўзбекистон Республикаси Вазирлар Маҳкамасининг 801-сон «Радиочастота спектридан фойдаланиш соҳасида рухсат етиш ҳамда радиоэлектрон воситалар ва юқори частотали қурилмалардан фойдаланишни тартибга солиш тўғрисида»ги қарорнинг янги таҳрири ҳамда Радиочастоталар бўйича Республика Кенгашининг 2024 йил 13 июндаги 787-сон «Кичик радиусда ишлайдиган қурилмалар учун радиочастоталар полосасини ажратиш тўғрисида»ги қарори юзасидан «Ўзкомназорат» инспекциясининг Самарқанд вилояти ҳудудий шуъбаси ва вилоят Электромагнит мослашув хизмати мутахассислари томонидан ўқув-семинар ташкил этилди.

Унда мутахассислар томонидан мавзу юзасидан божхона ходимларига батафсил тушунтиришлар бериб, радиоэлектрон воситаларининг турлари намойиш қилинди.

Масалан, вилоят ҳудудига божхона постлари орқали радиоэлектрон воситалар ва юқори частотали қурилмалар олиб кирилиш ҳолати аниқланганда ходимлар вилоят Электромагнит мослашув хизматига мурожаат этишлари лозимлиги ҳамда ушбу қурилмалардан фойдаланиш мумкин ёки тақиқланганлиги юзасидан хулосалар берилиши тушунтирилди.

Шунингдек, қонунчиликда белгилаб ўтилган вазифалар эслатиб ўтилиб, келажакда ҳамкорликда амалга ошириладиган чора-тадбирлар юзасидан келишиб олинди.