Габдулла Тукай исемендәге Татар дәүләт филармониясе Виртуаль концерт залларының иң яхшы практикалары бөтенроссия конкурсында «Виртуаль концерт залының иң яхшы проект офисы» номинациясендә җиңүче булды.

Бу хакта ТР Мәдәният министрлыгы матбугат хезмәте хәбәр итә.

Татарстанда «Цифрлы мәдәният» федераль проектын гамәлгә ашыру кысаларында Арча, Баулы, Спас, Алабуга, Мамадыш, Әлмәт, Буа һәм Менделеевск районнарында, шулай ук Чаллы һәм Түбән Кама шәһәрләрендә виртуаль концерт заллары булдырылган.

2024 елның беренче яртыеллыгында 124 трансляция булган, аларда 2914 кеше катнашкан. Узган 2023 елда 10 985 кешене колачлап, 268 трансляция үткәрелгән.

Быел конкурска федерациянең 47 субъектыннан 127 гариза бирелгән.

Чыганак: ТИ

🌟 TatNews Tatar

Алинә Заһитова кара аккош образында.

Ничек сезгә?

🌟 TatNews Tatar

2025 елда Татарстан мәдәнияте көннәре Мәскәүдә, шулай ук Иранда, Азербәйҗанда, Мисырда һәм Казахстанда узачак.

Бу хакта Татарстан Республикасы Рәисе каршындагы ватандашлар эшләре буенча координация советы утырышында Татарстан Республикасы мәдәният министры урынбасары Дамир Натфуллин хәбәр итте.

Ул билгеләп үткәнчә, министрлык милли мәдәниятне саклау һәм популярлаштыру, шулай ук ватандашларның татар мирасына булган рухи ихтыяҗларын канәгатьләндерү буенча эшне дәвам итә.

🌟 TatNews Tatar

Татар кызы шорт-трек буенча Россия Кубогында алтын медаль яулады.

Мәскәү өлкәсеннән Фаилә Аймалетдинова ярышларның өченче этабында җиңү яулады. Ул 1500 метрга узышта, дистанцияне 2 минут 28,645 секундта үтеп, иң яхшы нәтиҗә күрсәтте.

Шорт-трек буенча Россия Кубогы 14-17 ноябрьдә Смоленскида узды.

🌟 TatNews Tatar

🌟🌟🌟 Интернет челтәрендә Әлмәттә төшерелгән «Елки-11» фильмы трейлеры пәйда булды.

Кинотеатрларда фильмны 19 декабрьдән күрсәтә башлаячаклар.

Төп рольдә Рузил Минекаев һәм төрек актеры Бурак Озчивит төште.

🌟 TatNews Tatar

Кичәге концерт мизгелләре 🤍

Сәйдә Мөхәммәтҗанова – Нигә таңнар бик тиз ата икән

🌷Иптәшләр Татарлар

РФ мөселманнары Диния нәзарәте рәисе, мөфти шәех Равил Гайнетдин күрсәтмәсе белән аның урынбасары Рушан Әббәсов Татарстанның халык артисты Зәйнәб Фәрхетдиновага «Әл-Фәхр» Мактау орденын тапшырды.

Бу хакта РФ мөселманнары Диния нәзарәтенең матбугат хезмәте хәбәр итә.

Россия мөселманнарының югары бүләге җырчыга «татар милли җыр сәнгатен саклау һәм үстерүгә зур шәхси өлеш керткән өчен» тапшырылды.

Бүләкләү тантанасы 1 декабрьдә җырчының Дәүләт Кремль сараенда узган юбилей концертында булды.

Чыганак: ТИ

🌟 TatNews Tatar

🌟🌟🌟 Бәлеш турында сүз барганда без барыбыз да бераз Рузил Миңнекаев 🤭

🌟 TatNews Tatar

Түбән Кама балалар район хастаханәсендә намаз бүлмәсе ачылды.

Әлеге чарада Түбән Кама шәһәре һәм районы имам-мөхтәсибе Салих хәзрәт Ибраһимов, баш табибның медицина бүлеге буенча урынбасары Наил Фәйзрахманов, кунаклар һәм пациентлар катнашты. Бу турыда Татарстан Диния нәзарәте хәбәр итте.

Салих хәзрәт ассызыклаганча, намаз бүлмәсендә балалары белән хастаханәдә ятучы ата-аналарга да, медицина персоналына да уңайлы шартлар тудырылган. Келәм җәелгән, тәһарәтханәсе булган бүлмә дәвалау корпусының 1нче катында урнашкан.

Чыганак: ТИ

🌟 TatNews Tatar

Гүзәл Уразованың язылучылары Оксана Самойловадан плагиатта шикләнәләр.

Бүген блогер татар җырчысының сәхнә киеменә бик охшаган яңа күлмәген күрсәтте.

🌟 TatNews Tatar