group-telegram.com/tsikhanouskaya/5156
Last Update:
Захаванне «Белсату» і змякчэнне ўмоваў правозу тавараў праз польскую мяжу: што Ціханоўская абмеркавала з Сікорскім
Беларуская лідарка сустрэлася з міністрам замежных справаў Польшчы Радаславам Сікорскім падчас Саміту НАТА ў Вашынгтоне. На сустрэчы Ціханоўская ўзгадала сітуацыю з «Белсатам» і заклікала міністра працягнуць падтрымку канала, захаваўшы яго незалежнасць. Лідарка падкрэсліла: тэлеканал крытычна важны для беларускай супольнасці.
Таксама палітыкі абмеркавалі сітуацыю на мяжы Польшчы з Беларуссю. Ціханоўская адзначыла важнасць захавання пасажырскага руху паміж краінамі і звярнула ўвагу міністра на неабходнасць удакладніць інструкцыі, каб зняць ці змякчыць абмежаванні для фізічных асобаў.
Акрамя таго, важнай тэмай дыялогу сталі візы для беларусаў і беларусак. Лідарка заклікала міністра працягваць іх выдачу: не толькі гуманітарных, але і звычайных.
Асобна бакі абмеркавалі становішча палітвязняў, у прыватнасці – Анджэя Пачобута. Ціханоўская заклікала трымаць пытанне палітвязняў на парадку дня і дабівацца вызвалення ўсіх рэпрэсаваных. Напрыканцы сустрэчы палітыкі размаўлялі пра правядзенне польска-беларускай канферэнцыі на пачатку наступнага году.
BY Светлана Тихановская
Share with your friend now:
group-telegram.com/tsikhanouskaya/5156