#күһүҥҥүдьаарбаҥка

Бүгүн улуустааҕы тыа хаһаайыстыбатын управлениетын тэрийиитинэн Олоҥхо дьиэтин тэлгэһэтигэр күһүҥҥү быйаҥ быыстапка-дьаарбаҥката бэрт элбэх киһини үмүрү тарта.

Жатайтан кэлбит куулунан хаппыыста атыытыгар ойоҕос тостор уочарата тардыллан, маппыт дьон үгүс. Маны сэргэ "Үөһээ Бүлүү" ас-үөл комбината олохтоох арыыта былдьаһыгынан барда. Үүт ас бары көрүҥэ хамаҕатык атыылана турар. Хомойуох иһин, эт атыыта бу сырыыга суох. Сыаналаах балык тууһаммыта, ыыһаммыта хоточчу тардылынна

Сатабыллаах хаһаайкалар бэйэлэрин оҕуруот, бурдук астарын, клюкваны, мүөтү, тууһаммыт луугу удамыр сыанаҕа атыылаан, дохуот оҥоһуннулар.

Уйгу-быйаҥ түһүлгэтэ тыа кулууптара туруорбут кэнсиэртэринэн доҕуһуолланна.

"Үөһээ Бүлүү" хаһыат