group-telegram.com/viasna_brest/4443
Last Update:
У Мікашэвічах затрыманы Алег Стахаевіч — былы лідар незалежнага прафсаюзу на прадпрыемстве "Граніт". Адбыў 15 сутак, але пасля на волю не выйшаў
Па інфармацыі @viasna_brest, з 2020 году мужчына жыў у Літве, часам ездзіў у Беларусь. У Беларусі прымаў удзелы ў розных забегах. Вось і ў лістападзе ён паехаў на радзіму "на тры тыдні" (як сказаў сябрам).
12 лістапада ў Сілічах прыняў удзел у кросе Bison XC на 5000 метраў. Прыбег 7-ым, вынікае з сайту мерапрыемству.
А недзе праз тыдзень быў затрыманы. Спачатку па адміністрацыйным артыкуле на 15 сутак. Але па сканчэнню тэрміна не выйшаў. Па інфармацыі ад блізкіх, у дачыненні да Алега Стахаевіча распачалі афіцыйную праверку "на магчымую датычнасць да экстрэмісцкай дзейнасці".
Нагадаем, што у пачатку 2010-х Стахаевіч працаваў на мікашэвіцкім прадпрыемстве "Граніт". У 2011 годзе рабочыя спрабавалі зладзіць незалежны прафсаюз, Стахаевіч стаўся лідарам гэтай суполкі. Хутка яго звольнілі з прадпрыемства, як і іншых актывістаў.
📸 Фота: Алег Стахаевіч / Вконтакте
BY Вясна | Брэст
Share with your friend now:
group-telegram.com/viasna_brest/4443