group-telegram.com/viasna_brest/4293
Last Update:
Стала вядома дата, калі будзе разглядацца апеляцыйная скарга на апошні прысуд Паліне Шарэнда-Панасюк. Да таго дня палітзняволеную можна падтрымаць грашовымі пераводамі, бандэролькамі і лістамі на СІЗА-3
Гомельскі абласны суд 15 снежня ў 10:30 будзе разглядаць апеляцыйную скаргу Паліны Шарэнды-Панасюк. Такім чынам палітзняволеная з Берасця не пагадзілася са сваім апошнім прысудам, які вынес рэчыцкі суд 9 кастрычніка.
Калі гэты апошні прысуд пакінуць без зменаў, то ён павялічыць агульны тэрміны Паліны яшчэ на 1 год (да 4 гадоў калоніі).
Нагадаем, што Паліне адзін раз ужо павялічвалі тэрмін такім жа чынам, па таму ж артыкулу 411 "Злоснае непадпарадкаванне адміністрацыі калоніі". Першапачаткова ж яе асудзілі на 2 гады пазбаўлення волі за тое, што падчас вобшуку ў яе кватэры яна плюнула ў твар аднаму міліцыянту, з іншага сарвала маску, нібыта абражала іх ды Лукашэнку.
Падтрымайце жанчыну (грашовым пераводам, лістом ці паштоўкай):
📮 СІЗА-3. 246003, г. Гомель, вул. Кніжная, 1А
Паліна Сяргееўна Шарэнда-Панасюк
BY Вясна | Брэст
Share with your friend now:
group-telegram.com/viasna_brest/4293