group-telegram.com/yevropa_sarguzashtlari/2413
Last Update:
Qanday qilib bolaga til o'rgatding? degan savolga ham javob shu: o'zbek tilini qamday o'rgansa, bola boshqa tilni ham shunday o'rganadi. Bolalarga dars berish, lug'at yodlatish orqali o'rgatib bo'lmaydi. Ya'ni bu usul ularni ravon gapirishiga yordam bermaydi.
Til o'rgatish ucbun chaqaloqligidan o'sha o'rgatmoqchi bo'lgan tillaringizda o'zingiz ravon gapirishingiz kerak. Masalan, Komil bilan tug'ilganidan beri ingliz va o'zbek tillarida gaplashamiz, ingmizcha kitoblar o'qiymiz, multfilmlarni inglizcha ko'radi.
Nemis tilini esa asosan bog'chada o'rgangan. Hali tili chiqmasidan to'liq nemischa gapiradigan bog'chaga borgani uchun tarbiyachilar va bolalar bilan nemischa gaplashish kerakligi miyasiga singib qolgan. Bog'cha ham nemischani dars qilib o'rgatmagan, shunchaki, kun bo'yi nemischa gapirishgan. Bola esa kuzatib, eshitib, so'zlar va grammatik tuzilmalarni "shimib" olgan.
Lekin o'zingiz yaxshi bilmagan tilni bolaga o'rgatishdan tiyilgan ma'qul. Chunki bola tilni sizdan xatolari bilan birga qabul qilib oladi va keyinchalik u xatolardan qutilishi deyarli imkonsiz.
Shuningdek, bola bilan aralash, bo'tqa tilda gaplashish ham zararli. Bu unga bitta tilda gapira olish qobiliyatini shakllantirishga to'sqinlik qiladi. Miyasi aralash gapirishga ko'nikib qoladi. Shu bois hikoya aytayotganda to'liq bitta tilda, boshqa mavzuga o'tganda to'liq boshqa tilda gapirgan ma'qul.
Xullas, shunaqa gaplar.
BY Yevropa sarguzashtlari
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/yevropa_sarguzashtlari/2413