🇪🇸🚌Гішпанскі панцыраваны аўтамабіль "Шнайдэр-Брылье ўзору 1909" быў пабудаваны на базе аднайменнага французскага пасажырскага аўтобуса, узмоцнены панцырам 5 мм і ўзброены двума кулямётамі "Максім". Выкарыстоўваўся гішпанскім войскам у Паўночнай Афрыцы ў 1910-1915

🇵🇱🪽Крылатыя гусары вяртаюцца! Т-55АМ польскага войска з прыладай для размініравання WŁWD.

🚜🛫Яшчэ адной цікавай машынай, зробленай на Магілёўскім аўтазаводзе, быў аэрадромны цягач МоАЗ-7915. Гэтая двухсекцыйная машына мела два рухавікі 600 к.с. і вагу каля 70 тон, што дазваляла буксіраваць усе тыпы тагачасных ваенна-транспартных самалётаў, уключна з Ан-124, для перавозкі якога МоАЗ-7915 і быў, дарэчы, створаны.
Першы цягач вырабілі ў 1983, а агулам створана каля 10 адзінак.

❄️🚢Зімовы дзень на лінкары "Гнейзенаў". Паўночная Атлтантыка, 1941