✅Маълумки, темир йўл транспорти мамлакат иқтисодиётининг энг муҳим драйверларидан бири бўлиб, унинг асосий мақсади йўловчи ва юк ташувчиларнинг оғирини енгил қилиш, уларга аъло даражадаги хизмат кўрсатиш ҳисобланади. Барқарор макроиқтисодий ўсишни таъминлаш, аҳоли турмуш даражасини ошириш ҳамда хорижий сайёҳлар сонини кўпайтиришда “Ўзбекистон темир йўллари” АЖнинг ўрни беқиёсдир.

❇️Шу кунларда, Тошкент шаҳрида бўлиб ўтаётган Мустақил Давлатлар Ҳамдўстлигига аъзо давлатлар темир йўл транспорти бўйича Кенгашнинг 81-йиғилиши билан бир қаторда, “Ўзбекистон темир йўллари” АЖ ташкил топганлигининг 30 йиллик байрам тантанали бўлиб ўтмоқда.

🔰Хусусан, жорий йил 6 ноябрь куни “Қуюв-механика заводи” АЖ катта мажлислар залида “Ўзбекистон темир йўллари” АЖ ташкил топганлигининг 30 йиллиги муносабати билан катта тадбир бўлиб ўтди. Тадбирда “Қуюв-механика заводи” АЖ бошқарув раиси в.б Б.Д.Каримов бошчилигидаги ўрта ва юқори бўғин раҳбарлари, Касаба уюшма қўмитаси раиси У.М.Каххаров ва жамият фаоллари иштирок этишди.

🔰Табдир давомида дастлаб бошқарув раиси в.б. сўзга чиқиб – “30 йиллик давр мобайнида “Ўзбекистон темир йўллари” АЖ томонидан йирик лойиҳа ва бунёдкорлик ишларини амалга оширилди. Республикада ягона темир йўл тармоғи яратилди. Шунингдек, аҳоли турмуш даражасини ошириш, йўловчи ва юк жўнатувчилар учун қулайлик яратиш мақсадида бир қатор рақамли дастурлар ишлаб чиқарилди. Шу билан бир қаторда, “Қуюв-механика заводи” АЖ ҳам темир йўл транспорти ривожига улкан ҳисса қўшган ҳолда, юк вагонларига бўлган эҳтиёжни қондириш бўйича ишлар амалга оширилди. Хусусан, 2023-2024 йиллар давомида 1 000 га яқин янги юк вагонлар ишлаб чиқарилиб, эксплуатацияга топширилди. Шубҳасиз, бундай катта натижаларга эришишда, “Қуюв-механика заводи” АЖнинг ҳар бир ходимининг бирдек ўрни бор” – деди Б.Д.Каримов.

🔰Шундан сўнг, “Ўзбекистон темир йўллари” акциядорлик жамияти ташкил этилганлигининг 30 йиллиги муносабати билан, темир йўл соҳасидаги узоқ йиллик самарали ва унумли меҳнатлари, соҳа ривожига қўшган муносиб ҳиссаси ҳамда жамоат ишларидаги фаол иштироки учун бир гуруҳ ходимлар фахрий ёрлиқ, эсдалик ҳамда қимматбаҳо совғалар билан тақдирландилар.

Site | Telegram | Facebook | Instagram | Youtube