group-telegram.com/viasna_brest/3929
Last Update:
Баранавічы: чарговы прысуд за "абразу Лукашэнкі". Далі калонію машыністу буравой устаноўкі
16 жніўня разглядалася крымінальная справа 45-гадовага жыхара Баранавічаў Андрэя Халупкі. Ён рабочы — працаваў машыністам буравой устаноўкі. Мужчыну абвінавацілі ў "абразе Лукашэнкі" (ч.1 арт.368 КК). Ролю суддзі выконвала Вікторыя Пакунова. Пра прысуд паведаміла "Вясна".
Па матэрыялах справы, Халупка ў сацсетцы “Аднакласнікі” у 2020—2023 гадах паставіў 4 лайка пад карыкатурнымі выявамі А.Лукашэнкі, на якіх ён быў паказаны ў выглядзе клоўна, малпы, а таксама разам з Пуціным у катлаване. За гэтае суддзя прызначыла 1 год калоніі.
Таксама берасцейскай "Вясне" вядома, што над Халупкам у траўні прайшоў суд па ч.2 арт. 19.11 КоАП (распаўсюд экстрэмісцкіх матэрыялаў). Тады суддзя Паўлоўская прысудзіла яму 10 содняў за тое, што ён на сваёй ФБ-старонцы распаўсюдзіў відэа з лагатыпам "Рэальная Беларусь".
Адрас для падтрымкі:
📮 СІЗА-6, вул. Брэсцкая, 258В, г. Баранавічы, 225413
Андрэй Вадзімавіч Халупка
BY Вясна | Брэст
Share with your friend now:
group-telegram.com/viasna_brest/3929