group-telegram.com/BeloyeChernoye/1930
Last Update:
(Пачатак👆)
✍ Факты з жыцця дэпутата Бярозаўскага раённага савета 47-гадовага Віталя Міхнюка.
❌Віталь Міхнюк нарадзіўся і жыў у горадзе Бяроза. У кар´еры рос, можна сказаць, не па днях, а па часах. Пасля заканчэння Брэсцкага палітэхнічнага інстытута, як піша ў перадвыбарчай сваёй праграме Віталь Міхнюк, 3 гады прапрацаваў на розных пасадах прамысловых прадпрыемстваў, а затым пераскочыў у крэсла намесніка старшыні па будаўніцтву Бярозаўскага райвыканкама, дзе ужо затрымаўся 9 гадоў з 2012 па 2021. За фальсіфікацыі на выбарах кар´ера дарасла да дырэктара аднаго з самых буйных прадпрыемстваў «Бярозабудматэр´ялы», адначасова ўзначаліў Бярозаўскае раённае аддзяленне партыі «Белая Русь».
🏡 Але не толькі кар´ерны рост аб´яднаў былога боса Бярозаўскага райвыканкама Юрыя Наркевіча і яго былога намесніка па будаўніцтву Віталя Міхнюка. Аб´яднала іх нашумелая справа па пазбаўленню ад зямельнага ўчастка з гаспадарчымі збудаваннямі сям´і Якушыкаў з двума дзецьмi. 🏘 На бяду жыхароў Бярозы Якушыкаў, якія набылі зямельны ўчастак з гаспадарчымі забудовамі па вуліцы Піянерскай 19, у канцы іх участка пабудавалі свае гмахі старшыня калгаса «Боркаўскі» Мікалай Дземідовіч, які ў гэты час быў дэпутатам Брэсцкага абласнога савета і дырэктар завода «Цеплапрыбор» Уладзімір Гоган. Для выезда на цэнтральную вуліцу Бярозы начальнікам трэба было рабіць невялікі аб´езд. І яны палажылі вока на сядзібу Якушыкаў. Калі выселіць і зрабіць алею, яна выведзе на цэнтральную вуліцу. Для гэтага гаспадары жыцця вялікія вароты ў сваіх дабротных платах вывелі прама на сядзібу Якушыкаў. У райвыканкаме былі падрыхтаваны хуценька патрэбныя дакументы, у якіх было сказана, што на сядзібе Якушыкаў будзе пабудаваны пяціпавярховы дом для тых, хто мае вострую патрэбу ў жыллі.🏚 Ад гэтага часу для сям´і Якушыкаў наступілі чорныя дні. Без іх ведама ўсе збудаванні былі знішчаны за адну ноч. Сям´я пачала судзіцца, змагацца за сваё нажытае дабро (гаспадар Якушык з 15 гадоў застаўся круглым сіратою, дапамагчы ў бядзе ці заступіцца не было каму, акрамя незалежных журналістаў).👨🎓За 5 гадоў судовых цяжбаў былi растрачаны на адвакатаў заробленыя на новы дом грошы.🏩 А старшыня райвыканкама Юрый Наркевіч і яго намеснік Віталь Міхнюк у адзін голас і на ўсіх узроўнях сцвярджалі, што хочуць ашчаслівіць шмат людзей, якія атрымаюць кватэры ў пяціпавярховым доме, збудаваным на участку Якушыкаў. А вось гэтыя эгаісты Якушыкі не разумеюць клопату аб людзях. Раённая газета «Маяк» травіла сям´ю, міліцыя збівала, мясцовае ЖКГ дапамагла спляжыць уласнасць Якушыкаў. Ніхто з вышэйстаячых дзяржаўных органаў не заступіўся за сям´ю, маўляў, што тут нейкая адна сям´я, калі на шалях стаяць інтарэсы многіх сямей. У выніку маладая, працавітая сям´я змушана была ў 2017 годзе эміграваць.
🏩 А пяціпавярховік для тых, хто меў вострую патрэбу ў жыллі быў збудаваны непадалёк ад Якушыкаў на свабоднай зямлі. У ім атрымаў кватэру сын Наркевіча, якую неўзабаве прадаў. А парушаная сядзіба Якушыкаў без гаспадароў зарасла. Але пасля 2020 года, мясцовая ўлада палічыла, што гісторыя іх беззаконня канула ў лету і на ўчастку Якушыкаў для Дземідовіча і Гогана была зроблена доўгачаканая імі алея. Пакуль, праўда, не асфальтаваная. Мажліва, прычына ў тым, што дакументы на сядзібу і прапіску ў пашпартах у разбураным уладамі доме Якушыкі маюць да гэтага часу. А калі раптоўна фартуна памяняецца і яны вернуцца?
⚡️Вам патрэбна галасаваць 25 лютага за такіх ілгуноў і карупцыянераў як Юрый Наркевіч і Віталь Міхнюк? Стаўце крыжык ❌ супраць усіх.
BY Белое и Черное
Share with your friend now:
group-telegram.com/BeloyeChernoye/1930