group-telegram.com/hussein_hider/383
Last Update:
مگطوع نحره وماگطع خيره
السواه ماسوه بعد غيره
ماشفت سلطان يدلل عبيده
والطينه بالخد يخليها بيده
…………………………………
انه واحد ضاع عمره.. ابين زلات ورديه
فجئه ياناس ولگيته.. مچلب بأبن الزچيه
من العدم والظلمه اخذني .. النور گبته الخياليه
من ايدي اخذني من الجهل.. والعقل والدين اكتمل
بهاي الحياه خير العمل.. حب علي وهاي العزيه
شنهو حياتي من چنت طايش
وشلون چنت بلا عزه عايش
الماباچي لحسين عيونه شتفيده
والطينه بالخد يخليها بيده
…………………………………
جيت اله وصفيت گلبي.. وهوه يعرف زين ربعه
ادخيل بخته حسين يعزل.. ابوالدمعه وابوالسمعه
النزّله الملّاچ بيده..يبقه ناصي شماترفعه
كل العمل بيده يظل.. هذا صعد هذا نزل
واليحج وابگلبه هبل.. گبال هالوادم يطلعه
لاحيل تكشخ هو يندلك
يعاين الگلبك مومهم شكلك
وحسين صياد والاعوج يصيده
والطينه بالخد يخليها بيده
…………………………………
خدمة حسين السفينه.. الواسعه بگد رحمة الله
حسين فاضت سمه بخيره.. وغرّگ الكونين فضله
الراد يوصل لله ماكو.. غير ابواليمه يوصله
بلاخدمته يضيع العبد.. باچر اذا طب للحد
من ينسئل بالله شيرد.. وإن صام ووإن صله
باجر اعمالك كلها متفيدك
لوماتدگ اعله الصدر ايدك
ماتنفعك غير خدمته الوحيده
والطينه بالخد يخليها بيده
…………………………………
نحمدالله الف مره.. والسبب خالقنه شيعه
سهله لوبعنه عمرنه.. والصعب حبه نبيعه
خلف ابوفاضل نصلي.. فرض عشگه اعله الشريعه
ندعي لبن مكه ومنه.. ايوفقنه ربه كل سنه
الخدمته وبالخدمه الهنه.. انحلّفه بضلع الوديعه
مغطي الكواكب كلها بفيايه
هو الوسيله حسين والغايه
امه الزجيه وابوه الصميده
والطينه بالخد يخليها بيده
…………………………………
حسين ومصابه فجعني.. وخله بالدلال جمره
شنهو الطم بيدي صدري.. وحافر يدوس اعله صدره
وشنهو بالقامه ادگ راسي.. ومنحره الطبره اعله طبره
لحسين وشلت الدمع.. من مابگه بصدره ضلع
وزينب الطگهن تستمع .. بالخيم تسمع الكسره
من طاح كل جسمه صفه مگطع
ليش الشمر عالصدر يتربع
ومن الگفه ليش يحز بوريده
والطينه بالخد يخليها بيده
…………………………………
الشاعر
حسين حيدر الكربلائي
كربلاء المقدسة٢٠٢٤/٦/١١
BY الشاعر حسين حيدر الكربلائي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/hussein_hider/383