💠 ЮРИСТ СҮБЭТЭ: Кулун тутартан киирэр сокуоннар, уларыйыылар

Бу туһунан юрист Тихон Дормидонтов хоруйдуур.

@nvk_sakha

✅Ульяна Винокурова киин болуоссакка өрөспүүбүлүкэ аатын биэрэр туһунан санаатын эттэ

Учуонай уонна уопсастыбаннай диэйэтэл Ульяна Винокурова Ленин болуоссата саҥардыллыбытын кэнниттэн Саха сирин дьонун-сэргэтин култууратын, үтүө үгэстэрин билиһиннэрэрин туһунан эттэ.

«Болуоссат саҥардыллыбыт өттө олус хатыламмат уонна өрөспүүбүлүкэ олохтооҕун сайдыытын бэлиэтиир, дьон-сэргэ аныгы сайдыылаах олоххо тардыһыытын көрдөрөр.

В.И Ленин уобараһыгар олохтоохтор, куорат уонна өрөспүүбүлүкэ салалталара харыстабыллаахтык сыһыаннаһаллар. Ол иһин, дьоҥҥо эрэннэрбиттэрин курдук, саҥардыллыбыт пааматынньыгы миэстэтигэр туруорбуттара.

Аны билигин өрөспүүбүлүкэ инники сайдыытыгар дьулуһуубут биһиги тутаах сорукпут буолар. Саха Өрөспүүбүлүкэтин сайдыыта Россия Федерациятын кытары ситимнээх. Оттон В.И. Ленин уобараһынан ССРС уонна РСФСР кэмнэригэр биһиги олус эрэллээхтик олорбуппут», – диэн Ульяна Винокурова кэпсээтэ.

@nvk_sakha

🇷🇺Биһиги дьоруойдарбыт - Филипп Евсеев

Сунтаар улууһуттан төрүттээх, Россия «Алеша» тааҥкатынан дьоруойдуу кимэн киирии кыттыылааҕа, танкист, Россия Дьоруойа Филипп Евсеев туһунан кэпсиибит.

@nvk_sakha

⚡️❗️Дьокуускай куоракка Өрөспүүбүлүкэ болуоссата тэрилиннэ. Ленин болуоссата оннунан хаалар

Дьокуускай куораттааҕы Дуума депутаттара Өрөспүүбүлүкэ болуоссатын тэрийэр туһунан быһаарыыны ылыннылар. Ол курдук, депутаттар мунньах кэмигэр ааты иҥэрии боппуруоһун көрдүлэр.

Ленин болуоссата каартаҕа эмиэ оннунан хаалар. Проспект Сэбиэскэй Сойуус бастакы салайааччытын паамытынньыктаах арҕаа өттүгэр баар буолуоҕа.

@nvk_sakha

✅Быһах киһиэхэ харысхал буолар дуо?

«Быһах харысхал буоларын анал байыаннай дьайыы көрдөрөн турар. Холобур, СВО толоонугар буойуттарга саха быһахтаах киһи тыыннаах хаалар диэн өйдөбүл хаалбыт. Ол иһин нууччалар кытта саха быһаҕын атыылаһар буоллулар», - диэн Саха сирин уустарын түмсүүтүн салайааччыта, тимир ууһа Александр Терентьев-Айгын Уус эттэ.

Ону тэҥэ Айгын Уус саха быһаҕа төһө өр сулууспалыырын билиһиннэрдэ.

@nvk_sakha