🟥«Global Firepower» ռազմական հզորության վարկանիշում՝ աշխարհի 145 երկրների շարքում Հայաստանն զբաղեցրել է 90-րդ հորիզոնականը 2.0373 միավորով՝ նախորդ տարվա համեմատությամբ զգալիորեն բարելավելով իր դիրքերը։

🟥Նախորդ տարի Հայաստանը 2.0583 միավորով զբաղեցրել է 102-րդ տեղը։ Տարածաշրջանային երկրներից Ադրբեջանը զբաղեցրել է 60-րդ, Վրաստանը՝ 94-րդ, իսկ Իրանը՝ 16-րդ հորիզոնականը։ Առաջին հորիզոնականում ԱՄՆ-ն է, որին զիջում է Ռուսաստանը։

📱 @regionmonitor1

📱 🇦🇲 🇸🇰 ԵՄ-ում Սլովակիայի մշտական ներկայացուցչությունն X-ի էջում գրառում է կատարել՝ նշելով. «Հայաստանը կարող է ապավինել Սլովակիայի աջակցությանը ԵՄ-ում: ԵՄ-ում Սլովակիայի մշտական ներկայացուցիչ Յուրայ Նոցիարը ԵՄ-ում Հայաստանի դեսպան Տիգրան Բալայանի հետ քննարկել է Հարավային Կովկասի վերջին զարգացումները և Սլովակիայի ու Հայաստանի միջև երկկողմ համագործակցության ամրապնդման հնարավորությունները»։

📱 @regionmonitor1

🫣 🇬🇪 Բաթումիում հարձակվել են Վրաստանի նախկին վարչապետ, ընդդիմադիր «Գախարիան Վրաստանի համար» կուսակցության հիմնադիր Գիորգի Գախարիայի վրա։ Վրացական մեդիան հաղորդում է, որ դեպքը եղել է Բաթումիի հյուրանոցներից մեկում, որից հետո Գախարիան տեղափոխվել է հիվանդանոց։

🟥Նշվում է, որ վերջինս ստացել է քթոսկրի վնասվածք և ուղեղի ցնցում։ ՆԳՆ-ն քննություն է սկսել ՔՕ 126-րդ հոդվածով՝ բռնություն։

🟥Կուսակցությունից միջադեպի համար մեղադրում են «Վրացական երազանքի» հիմնադիր Բիձինա Իվանիշվիլիին։ Կուսակցության առաջնորդներից Նաթիա Մեզվրիշվիլին հայտնել է, թե հանցագործության վայրի պարագիծը չի պաշտպանվել և ոստիկանությունն ուշ է եկել։ Ըստ Մեզվրիշվիլիի՝ հանցագործության ապացույցները ոչնչացվում են։

📱 @regionmonitor1

🇮🇷 Իրանի նախագահ Մասուդ Փեզեշքիանը NBC-ին տված հարցազրույցում հայտարարել է, որ «Իրանն սկզբունքորեն դեմ չէ Թրամփի վարչակարգի հետ բանակցություններին, բայց խնդիրը ոչ թե բանակցություններն են, այլ դրանց արդյունքում ստանձնած պարտավորությունների կատարումը, որը Միացյալ նահանգները չի արել ու հետամուտ է եղել Իրանի վարչակարգի տապալմանը»։

💬 Փեզեշքիանը նաև շեշտել է, որ Իրանը պատերազմից չի վախենում, բայց պատերազմ էլ չի ցանկանում։ Նրա խոսքով՝ եթե Իրանի միջուկային օբյեկտների դեմ գործողություն լինի, Իրանը կպաշտպանի իրեն։

📱 @regionmonitor1

🟥Այսօր Վրաստանում ժամը 15։00-18։00-ը հայտարարված է նախազգուշական գործադուլ, որին աջակցել են մի շարք խոշոր ընկերություններ և կազմակերպություններ։

🟥Գործադուլի պահանջն է՝ նոր ընտրություններ և հանրահավաքների ժամանակ կալանավորվածների ազատ արձակում։

📱 @regionmonitor1

🇺🇦 🇵🇱 Ուկրաինայի նախագահ Վ. Զելենսկին մեկնել է Լեհաստան:

🟥Նշվում է, որ նա կհանդիպի Լեհաստանի նախագահ Անջեյ Դուդայի և վարչապետ Դոնալդ Տուսկի հետ։

📱 @regionmonitor1

🔴 Այսօր մեկնարկում է Արցախի ռազմաքաղաքական ղեկավարության՝ Արայիկ Հարությունյանի, Ռուբեն Վարդանյանի և մյուսների դատավարությունը։

‼️ Ադրբեջանի Պետական ​​անվտանգության ծառայության քննչական գլխավոր վարչությունը «քրեական հետաքննություն է անցկացրել ահաբեկչության, ահաբեկչության ֆինանսավորման, Ադրբեջանի Հանրապետության և նրա ժողովրդի դեմ խաղաղության և մարդկության դեմ հանցագործությունների, պատերազմի և բազմաթիվ այլ հանցագործությունների փաստերով»։

‼️ 15 անձի մեղադրանք է առաջադրվել Ադրբեջանի ՔՕ տարբեր հոդվածներով՝ ահաբեկչություն, ահաբեկչության ֆինանսավորում, հանցավոր համայնքի/կազմակերպության ստեղծում, զենքի ապօրինի ձեռքբերում, փոխանցում, վաճառք, պահեստավորում, փոխադրում կամ կրում, բնակչության տեղահանում կամ բռնի տեղափոխում և այլն:

📱 @regionmonitor1

🇦🇲 🇮🇹 Իտալական «Ինտեր»-ի կազմում հանդես եկող հայ կիսապաշտպան Հենրիխ Մխիթարյանն ինստագրամյան էջում կոչով դիմել է միջազգային կազմակերպություններին՝
📱 «Ազատությու՛ն Ռուբեն Վարդանյանին, ազատությու՛ն հայ բանտարկյալներին»:

📱 @regionmonitor1

🇮🇷🇷🇺Իրանի նախագահը պաշտոնական այցով մեկնել է Մոսկվա:

📱 @regionmonitor1

🇬🇪 🇦🇿 Ադրբեջանում Վրաստանի դեսպան Զուրաբ Պատարաձեն հայտնել է, որ Վրաստանի դեսպանատան նոր շենքը կտեղակայվի Բաքվի կենտրոնական շրջանում:

📱 @regionmonitor1

🇹🇷 🇦🇿 Թուրքիայի արտգործնախարար Հ․ Ֆիդանը հունվարի 18-ին աշխատանքային այցով մեկնելու է Ադրբեջան՝ հանդիպելու Ադրբեջանի արտգործնախարար Ջ․ Բայրամովի և Ադրբեջանի նախագահ Ի․ Ալիևի հետ:

📱 @regionmonitor1

🇮🇷🇷🇺Իրանի նախագահ Մասուդ Փեզեշքիանը հանդիպել և զրուցել է ՌԴ նախագահ Վլադիմիր Պուտինի հետ։

📱 @regionmonitor1

🟥Բաթումիում ադրբեջանական SOCAR ընկերության մոտ 200 աշխատակից գործադուլ է անում՝ ցածր աշխատավարձի պատճառով։ Աշխատակիցներին ասել են, որ աշխատավարձերը որոշվում են Վրաստանի էներգետիկայի և ջրամատակարարումը կարգավորող ազգային հանձնաժողովի (GNERC) որոշմամբ, և մինչև 2028 թվականը փոփոխություններ չեն լինի։

🟥Ընկերությունից էլ հայտնել են, որ առանց GNERC-ի համաձայնության չեն կարող փոփոխել աշխատավարձերը։

📱 @regionmonitor1