group-telegram.com/tealkramm/332
Last Update:
بواجي عليك ترزقني بخدمتك فدوه وفقني
اموتن بيك تعرفني. حبيبي
يضامي كلبي ضميته يحبك انه وصيته
عله اسمك ابني سميته حبيبي
____________________________
سوالف مال فطره بقلبي عايف
دمع عاشور لسه بعيني واكف
يضحكت شيخ ومحلي المضايف
عليك اوياك مملوحه السوالف
سوالف مالحه وفطره. نسولفهن يبو الفقره
اجيتك روحي منكسره حبيبي
هوا اعتابك يفرحني. يطشرني ويجمعني
ضعت بس انته تندلني حبيبي
____________________________
عليك ام البنين وكل ولدها
اجتك روحي تندب لاتردها
بضريحك روحي رايه جيت اشدها
اضيعن كون بيبانك تسدها
تلمني بجنتك ارضه. بتراب اجدامك اتوضه
ش عليه المارضه يرضه حبيبي
تسامحني رغم ذنبي. واحس بروحي متربي
اذا ترضه رضه ربي. حبيبي
_____________________________
مثل ام البنين شلون اسوي
ولاعندي ولد خاطر اضحي
يقبلت ديني وبابك اصلي
مادام انته سالم خل اولي
مثل شيبك صبح كلبي. ولامره عفت دربي
ولايكفي الك تعبي. حبيبي
جنوني وعاقل اتسمه يحسدوني عل النعمه
جبيره نعمه الخدمه حبيبي
_____________________________
اذا شيطان اجاني وراد اعوفك
اجيك اركض وبوسك من جفوفك
حلم يحسين بس ياريت اشوفك
اجيتك وانته مترجع ضيوفك
كريم وعل كرم جيتك. افتحت كلبك قبل بيتك
عله هاي الفطره حبيتك حبيبي
خدمتك والله موذله. يعوفك هذا شتكله
يموت هوايه احسله حبيبي
_____________________________
اوفي شلون كل فضلك عليه
جبير انته وزغيره الغاضريه
مثل عباس كون اكطع اديه
عبد تقبلني ياروحي الزجيه
احس مقصر هوايه. اجيك ازحوف مشايه
كتبت اسمك عله الرايه. حبيبي
لورجليني ماهنه. زحف للحضره اتعنه
اليزورك يدخل الجنه حبيبي
_____________________________
اضل اشتم هواك الحد دفنتي
انه اخلافك اضل عايش غربتي
اضل اهواك يارزقي ودمعتي
علئ بنتك رقيه مسمي بنتي
عله الطف انه اقريها عليك تنوح اخليها
العزائك راح اوديها حبيبي
تضل تبجي تضل تنحب. اذ تسمع بسم زينب
هضيمه بت. علي تنسب حبيبي
______________________________
محمود الساعدي
BY محمود الساعدي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/tealkramm/332