group-telegram.com/CabinetBelarus/3059
Last Update:
Дзейнасць Прадстаўніцтва па сацыяльнай палітыцы Кабінета ў 2024 годзе
Прадстаўніцтва па сацыяльнай палітыцы ужо больш за 90 дзён працуе на чале з новай прадстаўніцай Вольгай Зазулінскай. Адбыліся істотныя структурныя змены ў камандзе. Праца вядзецца па некалькіх кірунках: міграцыйная палітыка, сістэма аховы здароўя, дапамога палітзняволеным і іх сем’ям, дапамога былым добраахвотнікам (ветэранам), дасягненне гендарнага раўнапраўя і падтрымка ўразлівых груп.
☑️ Распрацоўваецца стратэгія міграцыйнай палітыкі з улікам заканадаўства розных краін. Аказаная адпаведная дапамога беларусам у складаных рэгіёнах, такіх як Грузія і Украіна.
☑️ Сфарміравана рабочая група па рэфармаванні сістэмы аховы здароўя. Падрыхтаваныя праекты рэформ, якія будуць прадстаўленыя ў 2025 годзе. Арганізуецца праграма навучання за мяжой для будучых кіруючых кадраў сістэмы аховы здароўя ў супрацоўніцтве з Прадстаўніцтвам па моладзевай палітыцы Кабінета.
☑️ Распрацаваныя і перададзеныя прапановы па дапамозе палітвязням у межах Стратэгічнага дыялогу «Беларусь – ЗША». Адвакатуецца дзейнасць Міжнароднага гуманітарнага фонду падтрымкі рэпрэсаваных.
☑️ Праведзеныя сустрэчы з прадстаўнікамі валанцёрскіх арганізацый па дапамозе добраахвотнікам ва Украіне, з прадстаўнікамі і камандзірам Палка Каліноўскага, вызначаны магчымы фармат супрацоўніцтва.
☑️ Створана каманда для прасоўвання гендарнай палітыкі. Вядзецца падрыхтоўка да правядзення Жаночага палітычнага форуму ў 2025 годзе. Распрацоўваюцца рэформы для абароны правоў ахвяр палітычных рэпрэсій, людзей з інваліднасцю, дзяцей і іншых уразлівых груп.
Вольга Зазулінская, прадстаўніца па сацыяльнай палітыцы: «Мы не пачалі з нуля, і разам з нашымі папярэднікамі зрабілі ўпэўненыя першыя крокі, каб закласці аснову для сацыяльных рэформ, якія будуць забяспечваць падтрымку і роўнасць для ўсіх беларусаў. Ужо сёння мы знаходзім рашэнні для дапамогі ўразлівым групам і тым, хто найбольш пацярпеў ад рэжыму. Гэтая праца патрабуе часу, але я ўпэўнена, што разам з нашай камандай і партнёрамі мы зможам пабудаваць сацыяльна адказную Беларусь. Асобна адзначу, што праект «Адно акно», створаны папярэдняй прадстаўніцай Вольгай Гарбуновай, цяпер атрымлівае сваё самастойнае жыццё. Мы ўдзячныя Вользе за яе каштоўны ўклад і не сумняёмся, што гэты праект працягне паспяхова развівацца і прыносіць карысць людзям».
#вынікі_працы_Кабінета_2024
@CabinetBelarus
BY Аб’яднаны Пераходны Кабінет Беларусі
Share with your friend now:
group-telegram.com/CabinetBelarus/3059