It's Tanzeel ♡.

بتزعلي ب اقل شي ؟ و بتهيجي بسرعه و ساهل اي زول يستفزك و يغضبك و يخرب ليك مودك؟


ما قادره تعملي كنترول علي زعلك؟؟ و بتزعلي من اتفه شي و اليسوي و ما يسوي بتعملي ليهو قيمه !!

بتفوري سريع زي حله اللبن و بتزعلي من تشغيلات ناس البيت او حتي تعليقاتهم السلبيه !؟

حاولتي كتير تغيري الحاجه دي ما قدرتي ؟
طيب ح تكوني كيف ملهمه اذا انتي بتغضبي ف اتفه شي؟!

بالمناسبه انا اكتر زول كنت عصبي و بزعل سريع و ف اتفه شي و دمعتي قريبه و بهول المواضيع شديد بس الحمدلله اشتغلت علي نفسي كتير و قدرت اغير الحاجه دي فيني 🥰 بقيت ما بزعل بسهولة لانو نفسي دي عزيزه علي ما اي شي يستاهل يعكر مودي .

يلا نشوف مع بعض العلاج شنو..

#العلاج :-

اول شي ختي ف بالك انو العصبيه الزايده بتخصم منك كتير و بتعبك انتي نفسيا و جسديا و انتي الخسرانه حتي لو الناس بزعلوك صدقيني يمكن زول يرمي ليك كلام عابر بهظار او غيرو و يمشي و لا يتذكرو تاني بس انتي الكلمه حقتو دي ممكن تخرب لي يومك او تنفسن بيك شهر شهرين او حتي تعمل ليك عقده من شي معين يبقي هو ما خسران انتي الخسرانه ...
طيب اذا كنتي انتي من النوع البتاثر بكلام الناس و بزعل اقل شي احب اقول ليك انتي ما ح تقدري انك تغيري الناس و تفرضي عليهم انهم ما يقولو ليك كلام بزعلك .. ابدا ابدا انتي ما ح تقدري تتحكمي ف الناس اطلاقااا بس ح تقدري تتحكمي ف نفسك تخليها ما تتاثر بكلام الناس 🙂 ....

اذا انتي كنتي من النوع الزعل وقت يقولو ليهو اي كلمه و كدا ... غالبا الحاجه دي بشتير لمشكله ف عدم الثقه ف نفسك ما دايما طبعا بس مرات بتدي احساس للطرف المستفز انك ما واثقه ف نفسك

طبعا ف ناس بحبو يستفزوووك و بتكيفو لمن انتي تزعلي و تبكي و تجوطي دا هدفهم انتي خليك ذكيه ما تزعلي و تتاثري اقل شي و توصليهم ل هدفهم😌✌🏻...

اي موقف بستفزك و بزعلك اذا حرقك و عاوزه تردي ما تردي بكواريك و ردحي و تصرخي زي المجنونه 😂 الحاجه دي بتخليك تنهاري و تفقدي سوائل و تمرضي عادي و يجيك قلب بعد الشر عليك حبيبتي😌 بس اتعلمي ردي و اردمي بفهم تحت تحت بكل هدوووء 😌 و بكل ثقه تختي الطرف المستفز في فتيييل كبير😂..


اذا حصل موقف زعلك و استفزاك و حسيتي نفسك عاوزه تبكي او تصرخي و خلاص ما قادره تتحكمي ف نفسك و قربتني تنفجري 🌚 ❌ اول شي انك تعمليهو قبل تتكلمي و تبدي العاصفه حقتك غيري وضعيتك الانتي فيها اذا راقده قومي و اذا قايمه اقعدي و يستحسن تستاذني و تطلعي او تزحي من محلك 🙂 و تبدي تستغفري و تعدي من ١ لحدي ١٠ بهدوء و ببطء ... لحدي م تروح موجه الغضب و تهدي شويه .... عشان حتي لو رديتي ردك يكون هادي بدون كواريك.


الغضب بسبب ليك امراض كتيره جدا عشان كدا ختي النيه انك تتخلصي منو عشان صحتك و نفسك ما عشان زول و بطلي عبارات سلبيه مع نفسك م تقولي انا عصبيه و انا بزعل سريع و كدا نو نو ادي افكار ايجابيه حتي لو ما فيك بس عشان تكسبيها قولي انا هاديه و طبيعيه و مرنه .


ابعدي من مثيرات الغضب يعني الحاجات البتغضبك قدر الامكان ابعدي منها.

اتعلمي البرود و الصمت ... و ثبل تزعلي و تغضبي اسالي نفسك قولي انا ح استفيد شنو لمن اغضب و اتناقش مع فلان و علان ... هل ح تلقي استفاده من ورا كشاكلك و نقاشاتك مع الناس ..؟؟؟ طبعا لا غير ما تزعلي و تحرقي دمك ساي ماف ح تستفيدي شي

عشان كدا استثمري ف نفسك ... حاجه بتخصم منك و من زمنك و نفسياتك ابعدي منهاا

م تكوني ساذجه و تستجيبي للناس العاوزه توترك.


طبعا الكلام دا ساهل و هين بس الفعل صعب ما ح تتغيري الا يكون عندك رغبه حقيقه ...... يعني كلامي ما ح ياثر فيك او ما ح تلقي نتايج اذا ما كان ف رغبه حقيقه من جواك ف التغير قد يكون كلامي تاثيرو لحظي عليك و ترجعي تاني لنفس المشكله


دايما استغفري و اقري سوره البقره كتير بتخفف شديد من الحاجه دي و بتخليك ريلاكسسس ... و ما تنسي تحكمك في غضبك و سيطرتك عليهو حاجه عظيمه ربنا بجازيك عليها يوم الحساب 🥰

عشان كدا هو ما حاجه هينه ولا ساهله بالعكس شي صعب و عاوز جهاد مع نفسك حتي تنجحي عشان كدا جهاد النفس اصعب انواع الجهاد.

اذا انتي من النوع العصبي شديد و بكسر حاجه قدامو او بضرب شي او بجدع حاجات و كدا قبل تعملي كدا فرغي غضبك اعملي مجهود جسدي عشان تخدعي دماغك انك بتفرغي ف غضبك .... نضفي مضافه او غسلي او اعملي اي نشاط ف البيت فيهو مجهود جسدي عشان ترتاحي و تفرغي كل الشحنات السالبه جواك.


#مشكلة_وحل.
#سلسلة_كيف(2).
#الغضب.
#هولة
@Fadfadah98.

www.group-telegram.com/ye/Fadfadah98.com/3108

3.2K viewsتنزيل صابر 🖤, edited  Jan 14, 2021 at 03:30

بتزعلي ب اقل شي ؟ و بتهيجي بسرعه و ساهل اي زول يستفزك و يغضبك و يخرب ليك مودك؟


ما قادره تعملي كنترول علي زعلك؟؟ و بتزعلي من اتفه شي و اليسوي و ما يسوي بتعملي ليهو قيمه !!

بتفوري سريع زي حله اللبن و بتزعلي من تشغيلات ناس البيت او حتي تعليقاتهم السلبيه !؟

حاولتي كتير تغيري الحاجه دي ما قدرتي ؟
طيب ح تكوني كيف ملهمه اذا انتي بتغضبي ف اتفه شي؟!

بالمناسبه انا اكتر زول كنت عصبي و بزعل سريع و ف اتفه شي و دمعتي قريبه و بهول المواضيع شديد بس الحمدلله اشتغلت علي نفسي كتير و قدرت اغير الحاجه دي فيني 🥰 بقيت ما بزعل بسهولة لانو نفسي دي عزيزه علي ما اي شي يستاهل يعكر مودي .

يلا نشوف مع بعض العلاج شنو..

#العلاج :-

اول شي ختي ف بالك انو العصبيه الزايده بتخصم منك كتير و بتعبك انتي نفسيا و جسديا و انتي الخسرانه حتي لو الناس بزعلوك صدقيني يمكن زول يرمي ليك كلام عابر بهظار او غيرو و يمشي و لا يتذكرو تاني بس انتي الكلمه حقتو دي ممكن تخرب لي يومك او تنفسن بيك شهر شهرين او حتي تعمل ليك عقده من شي معين يبقي هو ما خسران انتي الخسرانه ...
طيب اذا كنتي انتي من النوع البتاثر بكلام الناس و بزعل اقل شي احب اقول ليك انتي ما ح تقدري انك تغيري الناس و تفرضي عليهم انهم ما يقولو ليك كلام بزعلك .. ابدا ابدا انتي ما ح تقدري تتحكمي ف الناس اطلاقااا بس ح تقدري تتحكمي ف نفسك تخليها ما تتاثر بكلام الناس 🙂 ....

اذا انتي كنتي من النوع الزعل وقت يقولو ليهو اي كلمه و كدا ... غالبا الحاجه دي بشتير لمشكله ف عدم الثقه ف نفسك ما دايما طبعا بس مرات بتدي احساس للطرف المستفز انك ما واثقه ف نفسك

طبعا ف ناس بحبو يستفزوووك و بتكيفو لمن انتي تزعلي و تبكي و تجوطي دا هدفهم انتي خليك ذكيه ما تزعلي و تتاثري اقل شي و توصليهم ل هدفهم😌✌🏻...

اي موقف بستفزك و بزعلك اذا حرقك و عاوزه تردي ما تردي بكواريك و ردحي و تصرخي زي المجنونه 😂 الحاجه دي بتخليك تنهاري و تفقدي سوائل و تمرضي عادي و يجيك قلب بعد الشر عليك حبيبتي😌 بس اتعلمي ردي و اردمي بفهم تحت تحت بكل هدوووء 😌 و بكل ثقه تختي الطرف المستفز في فتيييل كبير😂..


اذا حصل موقف زعلك و استفزاك و حسيتي نفسك عاوزه تبكي او تصرخي و خلاص ما قادره تتحكمي ف نفسك و قربتني تنفجري 🌚 ❌ اول شي انك تعمليهو قبل تتكلمي و تبدي العاصفه حقتك غيري وضعيتك الانتي فيها اذا راقده قومي و اذا قايمه اقعدي و يستحسن تستاذني و تطلعي او تزحي من محلك 🙂 و تبدي تستغفري و تعدي من ١ لحدي ١٠ بهدوء و ببطء ... لحدي م تروح موجه الغضب و تهدي شويه .... عشان حتي لو رديتي ردك يكون هادي بدون كواريك.


الغضب بسبب ليك امراض كتيره جدا عشان كدا ختي النيه انك تتخلصي منو عشان صحتك و نفسك ما عشان زول و بطلي عبارات سلبيه مع نفسك م تقولي انا عصبيه و انا بزعل سريع و كدا نو نو ادي افكار ايجابيه حتي لو ما فيك بس عشان تكسبيها قولي انا هاديه و طبيعيه و مرنه .


ابعدي من مثيرات الغضب يعني الحاجات البتغضبك قدر الامكان ابعدي منها.

اتعلمي البرود و الصمت ... و ثبل تزعلي و تغضبي اسالي نفسك قولي انا ح استفيد شنو لمن اغضب و اتناقش مع فلان و علان ... هل ح تلقي استفاده من ورا كشاكلك و نقاشاتك مع الناس ..؟؟؟ طبعا لا غير ما تزعلي و تحرقي دمك ساي ماف ح تستفيدي شي

عشان كدا استثمري ف نفسك ... حاجه بتخصم منك و من زمنك و نفسياتك ابعدي منهاا

م تكوني ساذجه و تستجيبي للناس العاوزه توترك.


طبعا الكلام دا ساهل و هين بس الفعل صعب ما ح تتغيري الا يكون عندك رغبه حقيقه ...... يعني كلامي ما ح ياثر فيك او ما ح تلقي نتايج اذا ما كان ف رغبه حقيقه من جواك ف التغير قد يكون كلامي تاثيرو لحظي عليك و ترجعي تاني لنفس المشكله


دايما استغفري و اقري سوره البقره كتير بتخفف شديد من الحاجه دي و بتخليك ريلاكسسس ... و ما تنسي تحكمك في غضبك و سيطرتك عليهو حاجه عظيمه ربنا بجازيك عليها يوم الحساب 🥰

عشان كدا هو ما حاجه هينه ولا ساهله بالعكس شي صعب و عاوز جهاد مع نفسك حتي تنجحي عشان كدا جهاد النفس اصعب انواع الجهاد.

اذا انتي من النوع العصبي شديد و بكسر حاجه قدامو او بضرب شي او بجدع حاجات و كدا قبل تعملي كدا فرغي غضبك اعملي مجهود جسدي عشان تخدعي دماغك انك بتفرغي ف غضبك .... نضفي مضافه او غسلي او اعملي اي نشاط ف البيت فيهو مجهود جسدي عشان ترتاحي و تفرغي كل الشحنات السالبه جواك.


#مشكلة_وحل.
#سلسلة_كيف(2).
#الغضب.
#هولة
@Fadfadah98.

BY It's Tanzeel ♡.