КР Президенти

Европа Бирлигинин Кыргызстандагы өкүлчүлүгүнүн башчысы Мэрилин Йосефсон Президент Садыр Жапаров менен жолугушууда: “Кыргызстан коңшу өлкөлөр жана дүйнөнүн алдыңкы державалары менен бекем мамиле түзө алды. Бул биз да үйрөнүшүбүз керек болгон баалуу тажрыйба”

Кыргыз Республикасынын Президенти Садыр Жапаров бүгүн, 31-январда, Европа Бирлигинин Кыргыз Республикасындагы өкүлчүлүгүнүн башчысы, элчи Мэрилин Йосефсонду анын Кыргызстандагы дипломатиялык миссиясынын аякташына байланыштуу кабыл алды.

Мамлекет башчысы кыргыз-европалык өнөктөштүктү чыңдоого Мэрилин Йосефсондун кошкон олуттуу салымын белгилеп, биргелешкен күч-аракеттердин аркасында Кыргызстан менен Европа Бирлигинин ортосундагы кызматташтык жаңы деңгээлге чыкканын айтты.

“Биздин өлкөлөрүбүздүн ортосундагы кызматташтыкты ар тараптуу өнүктүрүүгө арналган демилгелериңиз, ошондой эле социалдык, экономикалык жана маданий байланыштарды бекемдөө жаатындагы иш-аракеттериңиз олуттуу ийгиликтерге алып келди”, - деди Садыр Жапаров.

Ал Европа Бирлиги Кыргызстандын ишенимдүү жана маанилүү өнөктөшү болуп келгенин, ал эми акыркы эки жыл эки тараптуу жана аймактар аралык кызматташтыкты өнүктүрүүдө өзгөчө жемиштүү болгонун баса белгиледи.

Өз кезегинде Европа Бирлигинин Кыргызстандагы өкүлчүлүгүнүн башчысы, элчи Мэрилин Йосефсон Президент Садыр Жапаровдун кызматташтыкты чыңдоого кошкон жеке салымын, анын лидерлигинин аркасында кыргыз-европалык мамилелер жаңы деңгээлге жеткенин баса белгиледи.

Ал геосаясий чакырыктарга карабастан, Кыргызстан эл аралык алакаларга карата салмактуу жана прагматикалык мамилени көрсөтүп жатканын айтып өттү.

“Мен бир маанилүү аспектке көңүл бургум келет. Кыргызстан - чакан өлкө жана ага геосаясий жактан көп күч-аракет жумшоого туура келет. Буга карабастан республика коңшулары жана алдыңкы дүйнөлүк державалар менен бекем мамиле түзө алды. Бул биз да үйрөнүшүбүз керек болгон баалуу тажрыйба”, — деп, Мэрилин Йосефсон эки тараптуу өнөктөштүктү мындан ары бекемдөөгө ишенимин билдирди.

“Брюсселде сиздин ишенимдүү досуңуз бар экенин унутпаңыз”, - деп кошумчалап, ал Кыргызстан менен Европа Бирлигинин ортосундагы кызматташтык өз ара урматтоо жана ишеним принциптеринде мындан ары да өнүгө берээрине ишендирди.

www.group-telegram.com/ye/KR_President.com/30299

1.3K viewsedited  Jan 31 at 10:50

Европа Бирлигинин Кыргызстандагы өкүлчүлүгүнүн башчысы Мэрилин Йосефсон Президент Садыр Жапаров менен жолугушууда: “Кыргызстан коңшу өлкөлөр жана дүйнөнүн алдыңкы державалары менен бекем мамиле түзө алды. Бул биз да үйрөнүшүбүз керек болгон баалуу тажрыйба”

Кыргыз Республикасынын Президенти Садыр Жапаров бүгүн, 31-январда, Европа Бирлигинин Кыргыз Республикасындагы өкүлчүлүгүнүн башчысы, элчи Мэрилин Йосефсонду анын Кыргызстандагы дипломатиялык миссиясынын аякташына байланыштуу кабыл алды.

Мамлекет башчысы кыргыз-европалык өнөктөштүктү чыңдоого Мэрилин Йосефсондун кошкон олуттуу салымын белгилеп, биргелешкен күч-аракеттердин аркасында Кыргызстан менен Европа Бирлигинин ортосундагы кызматташтык жаңы деңгээлге чыкканын айтты.

“Биздин өлкөлөрүбүздүн ортосундагы кызматташтыкты ар тараптуу өнүктүрүүгө арналган демилгелериңиз, ошондой эле социалдык, экономикалык жана маданий байланыштарды бекемдөө жаатындагы иш-аракеттериңиз олуттуу ийгиликтерге алып келди”, - деди Садыр Жапаров.

Ал Европа Бирлиги Кыргызстандын ишенимдүү жана маанилүү өнөктөшү болуп келгенин, ал эми акыркы эки жыл эки тараптуу жана аймактар аралык кызматташтыкты өнүктүрүүдө өзгөчө жемиштүү болгонун баса белгиледи.

Өз кезегинде Европа Бирлигинин Кыргызстандагы өкүлчүлүгүнүн башчысы, элчи Мэрилин Йосефсон Президент Садыр Жапаровдун кызматташтыкты чыңдоого кошкон жеке салымын, анын лидерлигинин аркасында кыргыз-европалык мамилелер жаңы деңгээлге жеткенин баса белгиледи.

Ал геосаясий чакырыктарга карабастан, Кыргызстан эл аралык алакаларга карата салмактуу жана прагматикалык мамилени көрсөтүп жатканын айтып өттү.

“Мен бир маанилүү аспектке көңүл бургум келет. Кыргызстан - чакан өлкө жана ага геосаясий жактан көп күч-аракет жумшоого туура келет. Буга карабастан республика коңшулары жана алдыңкы дүйнөлүк державалар менен бекем мамиле түзө алды. Бул биз да үйрөнүшүбүз керек болгон баалуу тажрыйба”, — деп, Мэрилин Йосефсон эки тараптуу өнөктөштүктү мындан ары бекемдөөгө ишенимин билдирди.

“Брюсселде сиздин ишенимдүү досуңуз бар экенин унутпаңыз”, - деп кошумчалап, ал Кыргызстан менен Европа Бирлигинин ортосундагы кызматташтык өз ара урматтоо жана ишеним принциптеринде мындан ары да өнүгө берээрине ишендирди.

BY КР Президенти