group-telegram.com/Olegmarkov8/937
Last Update:
Төрөөбүт тыл уонна сурук-бичик күнэ – саха суругун-бичигин төрүттээччи, уһулуччулаах учуонай, сырдатааччы, тыл үөрэхтээҕэ Семен Андреевич Новгородов күн сирин көрбүт күнүгэр биһиги төрөөбүт тылбытыгар сүгүрүйэбит, ийэ тылбыт улуутун туойабыт, кэрэтин кэрэхсиибит, төрүт дьоммутунан киэн туттабыт.
Төрөөбүт тыллаах киһи өйө-санаата тобуллар, майгыта-сигилитэ ситэр, истиҥ-иһирэх иэйииитэ уһуктар, кута-сүрэ бөҕөргүүр. Хайа баҕарар омук төрөөбүт тылын, үйэттэн үйэҕэ, көлүөнэттэн көлүөнэҕэ бэриллэр күндү баайын харыстыыр, таптыыр.
«Саха» НКИХ төрөөбүт тылбыт кэскиллээх буоларыгар, инники сайдарыгар улахан болҕомтону уурар. Биһиги норуоппут духуобунай култууратын, историятын, төрөөбүт тылын уонна литературатын харыстыыр туһуттан үлэни ыытар соруктаахпыт. Онон биһиги хампаанньабыт биир сүрүн соругунан саха тылын харыстааһын буолар.
Сахалыы сайаҕастык саҥарар, иэйиибитин истиҥник этинэр төрөөбүт тылбыт үйэлэргэ сүппэккэ үүнэ-сайда турдун! Күндү Саха сирин олохтоохторо, эһигини барыгытын Төрөөбүт тыл уонна сурук-бичик күнүнэн эҕэрдэлиибин!
BY ОЛЕГ МАРКОВ
Share with your friend now:
group-telegram.com/Olegmarkov8/937