رِوايات سُودانية🪐🤎!)"

#ثمن_الإختيار❤️

حلقة6

"نحنُ الذين ضحكنا حِين كانَ البُكاء واجِب 💔.))

_صباح الخير..!
=صباح النور.
_في شنو؟
=بالنسبة؟
_إنتِ ملاحظة مغيرة تعاملك معاي؟
=أبدًا ياخ.
_ملك أنا زعلتك في حاجة؟
=ليه حسيت كدا؟
_من يوم عيد ميلادي وإنتِ بتتجاهليني.
=مافي حاجة ياخ ما تتحسس.
_كويس نشوف.

هشام إتحرك وأنا فضلت واقفة مكاني هو معقولة حس علي؟أنا ليه متغيرة عليه من يوم ما طلع مع أنهار ياخي هم حرين يعملوا العايزينه.
بس كمان لما أتذكر كيف أنهار بتتعامل مع الحواليها ما بكون هاين علي هشام يبقى من ضحاياها هم صاح متصاحبين اليومين دي بس بتمنى الموضوع ما يتطور أكتر من كدا.

دخلت المكتب شربت الشاي وبديت أشوف الوراي شنو.
بعد نص ساعة جات أنهار اول ما تجي المكتب بجوط والشباب تاني ما في شي بسكتهم ربع كاريزما أنهار دي يارب.
سلمت علي وحسب ما أنا مشغولة وعلي شغل كتير كنت ما مشاركة معاهم في الونسة زمن البريك قالت لي:
=بتتجاهليني عمدًا ولا دي نفسنة منك؟
_نفسنة مني.
=مالك الليلة؟
_لو مهتمة كان عرفتي.
=اوووف من دراماتك يا ملك.
_سيبك مني حتطلعي الليلة؟
=أيوة مفروض لحدي 4 أكون هناك والدوام بخلص 2:30 ما عارفة أعمل شنو وعربيتي في المغسلة.
_وديتيها ليه لما عارفة نفسك طالعة وحتحتاجي ليها؟
=ما أخر الدنيا في إختراع اسمو ترحال لو ما سمعتي بيه.
_تصدقي ما سمعت بيه.
=ها ها ظريفة في شنو ياخ ما متعودة عليك كدا.
_زهجانة بس والله يا ننو حاسة نفسي ما طايقة زول.
=ولا حتى أنا؟
_إنتِ زول يعني؟
=ح أمشيها ليك شوفي زهجك دا من الروتين حياتك مملة يا بت دا شنو دا ياخ أعملي حاجة حتعيشي متين إنتِ؟
_أي مفروض أرتبط وأطلع وأنزل وأزعل عشان إتشاكلنا والعوارة دي مش؟
=العوارة البتقوليها دي هي البتدي الحياة طعم ما جربتي متعة زول يراضيك ياااه من الشعور برفع ليك من الإيقو بتاعك وبتجيك نرجسية كدا وإستحقاق عالي.
_ما عايزة.
=إنتِ حرة طبعًا..بس بعدين أوعى تزعلي على روحك لما كل حاجة سمحة تفوتك.
_عاينت ليها وسكت.

عدينا اليوم كلو في الشغل لما جينا أخر اليوم واقفين برة أنا وهي جا هشام..!
_منتظرين منو؟
أنهار: حضرتك يا باشا.
ملك: عاينت ليها وسكتت لأنها ما إتوقعت الرد وأساسًا كانوا منتظرين الترحيل.
هشام: أنا؟ عايزين حاجة؟
أنهار: شوية من وقتك لو ممكن!؟
هشام: إتفضلي..!
أنهار: عربيتي في المغسلة وطالعة مشوار معزومة غدا فما ح ألحق لو مشيت بالترحيل تقدر توصلني البيت في طريقك؟
هشام: جدًا ما طلبتي شي أرحكم.
ملك: لا أنا ح أمشي بالترحيل أحسن لي وعشان أنهار ما تتأخر.
أنهار: ما فيها شي ح نوصلك اول وبعدين يوصلني أرح ياخ الترحيل زحمة وبقيف كتير.
هشام: بالضبط أنهار معاها حق يلا يا ملك ح أوصلك اول وفي كل الأحوال طريقي مع أنهار واحد.

إضطريت أمشي معاهم لما جينا أنهار ركبت بقدام وطول الطريق كانت بتجيب مواضيع وما سكتت خالص رغم إنها ما النوع البتونس كتير مع أي زول المهم أنا أغلب الوقت كنت ساكتة لمن وصلت بيتنا نزلت من سكات ما كنت عايزاهم ينتبهوا إني مُتضايقة بس ما قدرت حسيت لساني تقيل دخلت وأنا عارفة إنهم ح يلاحظوا لي هشام سلفًا مُلاحظ بس هو ما فاهم حاجة ولا ح يفهم في يوم من الأيام ..!

بس كيف أنهار ما قدرت تفهمني؟
كيف أنهار الـ من أسمع صوتا بعرف إذا هي مُتضايقة ولا لا وبقدر أميز أي شي عنها.. ما قدرت تحس أو تنتبه لـ مشاعري؟
هي عايزاني أرتبط وهي عينها على الشخص الوحيد الحبيته؟
عايزاني أعيش حياتي وشايفة إني قافلة على نفسي من غير ما تعرف إنو كل الحكاية عيني على شخص واحد وتقريبًا أسي ح يكون فريستها الجايه..!
الشخص الوحيد الـ قلبي دق ليه من عمري 10 سنين حاليًا لعبة بين يدينها ..!
من زمان ما كُنت راضيه بإننها تحب دا وتعشم دا وتعلق دا وأسي مستحيل أرضي إنو هشام يكون واحد منهم ..!
بس أنهار ح تقدر عليه .. أو هي أساسًا ضمنتو وأخذتو مني..!

يمكن لو كان جيت في يوم وإعترفت ليها ما كان عملت دا كلو هي ما سيئة لدرجة دي كمان!
بس ما قدرت .. إحساس عايزة واحد وما قادرة أصل ليه دا هي ما ح تتقبلو وكانت ح تعمل الف حاجة عشان تقربنا من بعض وأنا ما عايزة أغصب هشام على حاجة زي دي خاصة الحُب ما بيجي بالطريقة دي .. كنت بتمنى أتحب زي أي بت تستاهل يجوا يعترفوا ليها بس واضح إنو خلاص ..!

"يكادُ الشعورُ يَقتُلها ، ولا تَنطِق))

______
"عند أنهار"

بعد نزلنا ملك كنت عايزة بأي طريقة هشام يعرف إني طالعة مع واحد بس كيف ما عرفت حتى ونسة ما جاب لي سيرة ماشة مع منو حقيقي هشام شكلو ح يخليني أفكر كتير ..!
في عز سرحتي ماهر إتصل لي إتبسطة شديد من مكالمتو الجات في وقتها تمامًا ..!
رديت :
أيوا يا ماهر .. حصل لي ظرف وإتأخرت شوية .. قربت إنتظر كمان شوية .. أووف ياخ الدنيا ما طايرة .. تمام ..! "قفلت وعملت فيها زهجانه"

www.group-telegram.com/ye/RwayatSudan.com/42650

2.0K viewsتنزيل صابر ♡, Mar 14, 2023 at 11:56

#ثمن_الإختيار❤️

حلقة6

"نحنُ الذين ضحكنا حِين كانَ البُكاء واجِب 💔.))

_صباح الخير..!
=صباح النور.
_في شنو؟
=بالنسبة؟
_إنتِ ملاحظة مغيرة تعاملك معاي؟
=أبدًا ياخ.
_ملك أنا زعلتك في حاجة؟
=ليه حسيت كدا؟
_من يوم عيد ميلادي وإنتِ بتتجاهليني.
=مافي حاجة ياخ ما تتحسس.
_كويس نشوف.

هشام إتحرك وأنا فضلت واقفة مكاني هو معقولة حس علي؟أنا ليه متغيرة عليه من يوم ما طلع مع أنهار ياخي هم حرين يعملوا العايزينه.
بس كمان لما أتذكر كيف أنهار بتتعامل مع الحواليها ما بكون هاين علي هشام يبقى من ضحاياها هم صاح متصاحبين اليومين دي بس بتمنى الموضوع ما يتطور أكتر من كدا.

دخلت المكتب شربت الشاي وبديت أشوف الوراي شنو.
بعد نص ساعة جات أنهار اول ما تجي المكتب بجوط والشباب تاني ما في شي بسكتهم ربع كاريزما أنهار دي يارب.
سلمت علي وحسب ما أنا مشغولة وعلي شغل كتير كنت ما مشاركة معاهم في الونسة زمن البريك قالت لي:
=بتتجاهليني عمدًا ولا دي نفسنة منك؟
_نفسنة مني.
=مالك الليلة؟
_لو مهتمة كان عرفتي.
=اوووف من دراماتك يا ملك.
_سيبك مني حتطلعي الليلة؟
=أيوة مفروض لحدي 4 أكون هناك والدوام بخلص 2:30 ما عارفة أعمل شنو وعربيتي في المغسلة.
_وديتيها ليه لما عارفة نفسك طالعة وحتحتاجي ليها؟
=ما أخر الدنيا في إختراع اسمو ترحال لو ما سمعتي بيه.
_تصدقي ما سمعت بيه.
=ها ها ظريفة في شنو ياخ ما متعودة عليك كدا.
_زهجانة بس والله يا ننو حاسة نفسي ما طايقة زول.
=ولا حتى أنا؟
_إنتِ زول يعني؟
=ح أمشيها ليك شوفي زهجك دا من الروتين حياتك مملة يا بت دا شنو دا ياخ أعملي حاجة حتعيشي متين إنتِ؟
_أي مفروض أرتبط وأطلع وأنزل وأزعل عشان إتشاكلنا والعوارة دي مش؟
=العوارة البتقوليها دي هي البتدي الحياة طعم ما جربتي متعة زول يراضيك ياااه من الشعور برفع ليك من الإيقو بتاعك وبتجيك نرجسية كدا وإستحقاق عالي.
_ما عايزة.
=إنتِ حرة طبعًا..بس بعدين أوعى تزعلي على روحك لما كل حاجة سمحة تفوتك.
_عاينت ليها وسكت.

عدينا اليوم كلو في الشغل لما جينا أخر اليوم واقفين برة أنا وهي جا هشام..!
_منتظرين منو؟
أنهار: حضرتك يا باشا.
ملك: عاينت ليها وسكتت لأنها ما إتوقعت الرد وأساسًا كانوا منتظرين الترحيل.
هشام: أنا؟ عايزين حاجة؟
أنهار: شوية من وقتك لو ممكن!؟
هشام: إتفضلي..!
أنهار: عربيتي في المغسلة وطالعة مشوار معزومة غدا فما ح ألحق لو مشيت بالترحيل تقدر توصلني البيت في طريقك؟
هشام: جدًا ما طلبتي شي أرحكم.
ملك: لا أنا ح أمشي بالترحيل أحسن لي وعشان أنهار ما تتأخر.
أنهار: ما فيها شي ح نوصلك اول وبعدين يوصلني أرح ياخ الترحيل زحمة وبقيف كتير.
هشام: بالضبط أنهار معاها حق يلا يا ملك ح أوصلك اول وفي كل الأحوال طريقي مع أنهار واحد.

إضطريت أمشي معاهم لما جينا أنهار ركبت بقدام وطول الطريق كانت بتجيب مواضيع وما سكتت خالص رغم إنها ما النوع البتونس كتير مع أي زول المهم أنا أغلب الوقت كنت ساكتة لمن وصلت بيتنا نزلت من سكات ما كنت عايزاهم ينتبهوا إني مُتضايقة بس ما قدرت حسيت لساني تقيل دخلت وأنا عارفة إنهم ح يلاحظوا لي هشام سلفًا مُلاحظ بس هو ما فاهم حاجة ولا ح يفهم في يوم من الأيام ..!

بس كيف أنهار ما قدرت تفهمني؟
كيف أنهار الـ من أسمع صوتا بعرف إذا هي مُتضايقة ولا لا وبقدر أميز أي شي عنها.. ما قدرت تحس أو تنتبه لـ مشاعري؟
هي عايزاني أرتبط وهي عينها على الشخص الوحيد الحبيته؟
عايزاني أعيش حياتي وشايفة إني قافلة على نفسي من غير ما تعرف إنو كل الحكاية عيني على شخص واحد وتقريبًا أسي ح يكون فريستها الجايه..!
الشخص الوحيد الـ قلبي دق ليه من عمري 10 سنين حاليًا لعبة بين يدينها ..!
من زمان ما كُنت راضيه بإننها تحب دا وتعشم دا وتعلق دا وأسي مستحيل أرضي إنو هشام يكون واحد منهم ..!
بس أنهار ح تقدر عليه .. أو هي أساسًا ضمنتو وأخذتو مني..!

يمكن لو كان جيت في يوم وإعترفت ليها ما كان عملت دا كلو هي ما سيئة لدرجة دي كمان!
بس ما قدرت .. إحساس عايزة واحد وما قادرة أصل ليه دا هي ما ح تتقبلو وكانت ح تعمل الف حاجة عشان تقربنا من بعض وأنا ما عايزة أغصب هشام على حاجة زي دي خاصة الحُب ما بيجي بالطريقة دي .. كنت بتمنى أتحب زي أي بت تستاهل يجوا يعترفوا ليها بس واضح إنو خلاص ..!

"يكادُ الشعورُ يَقتُلها ، ولا تَنطِق))

______
"عند أنهار"

بعد نزلنا ملك كنت عايزة بأي طريقة هشام يعرف إني طالعة مع واحد بس كيف ما عرفت حتى ونسة ما جاب لي سيرة ماشة مع منو حقيقي هشام شكلو ح يخليني أفكر كتير ..!
في عز سرحتي ماهر إتصل لي إتبسطة شديد من مكالمتو الجات في وقتها تمامًا ..!
رديت :
أيوا يا ماهر .. حصل لي ظرف وإتأخرت شوية .. قربت إنتظر كمان شوية .. أووف ياخ الدنيا ما طايرة .. تمام ..! "قفلت وعملت فيها زهجانه"

BY رِوايات سُودانية🪐🤎!)"