group-telegram.com/azattyq/28379
Last Update:
Қазақстан Қашаған мұнайын БТЖ құбырына айдай бастады
Қазақстан қаңтар айында Қашаған кенішінен Ақтау порты арқылы "Баку-Тбилиси-Жейхан" (БТЖ) құбырына 22 мың тонна мұнай айдауды жоспарлаған. Бұл жөнінде 31 қаңтарда қазақстандық "Қазтрансойл" көлік компаниясының жазбаша жауабына сүйенген Reuters агенттігі жазды. Компанияның бұл жоспары қаншалықты жүзеге асқаны белгісіз.
Жергілікті "Курсив" басылымы осы аптада Қашаған кенішінен 6 мың тонналық алғашқы партия түріктің Жейхан портына жеткенін жазды.
Әзірге, Каспий арқылы Баку-Тбилиси-Жейхан құбырымен Жерорта теңізіне жеткізілетін қазақстандық мұнайдың көлемі айтарлықтай көп емес. Мәселен, 2023 жылы осы бағыт арқылы 1,8 миллион тонна мұнай экспортталған. Бұл Новороссийск арқылы экспортталған Қазақстан мұнайының (53 миллион тонна) небәрі 3,5 пайызын құрайды.
Дегенмен сарапшылар "орта дәліз" деп атап кеткен жобаға Астана көп үміт артып отырғанын айтады және алда экспорт көлемін 20 миллион тоннаға дейін жеткізуді жоспарлаған.
BY Azattyq - Азаттық
Share with your friend now:
group-telegram.com/azattyq/28379