group-telegram.com/tealkramm/355
Last Update:
شما دورت بل فله. ماكو احلى من كربله
متروسه كلهه هلا. ياحسين
_______
يارحمة اعل الارض سامحني اجيتك مذنب
امشي وملاذات الوكت بثيابي كوه اتجلب
يل منطي كلبك للسهم قلبك اشكد معزب
امشي وعلى اسمك انتجي كلش همومي اتعب
تجايه انته وسند يلوموني احبك بعد
للضايع انته مدد. ياحسين
_______
كل مامشت رجلي الذنب تنغشي عليه اطيوفك
وساعتهه منك انحرم يمكن بعد ماشوفك
بس تنحرف روحي بدرب تنمد اليه أجفوفك
تكلي عفتني انته صدك بس انه لا ماعوفك
رحت بغرور الوكت. ومن تالي ليك ارجعت
يمك حظرتك فتشت ياحسين
_______
ياخذني عقلي الدنيتي وتاخذني روحي ابابك
طير انه كاتلني الضمه ورتاح يم اعتابك
من فاظل الطين الخدم يعني احنه من اترابك
ماترضى أميل اعل الخطاء حاسبني من احبابك
يارحمة من السمه. ياكطرة يم كل ضمه
هيبة علي وفاطمه ياحسين
_______
يل فادي ربك بل نحر رب الجلاله يحبك
هاي السمه وهاي الارض خالقهن الله بااسمك
ماعندي غيرك كل بشر سامحني حيل متعبك
حتى النبي العافو هله بل بير ضل يندبك
ياحاظر بكل شدد وياك اضلن وعد
بشباجك اسمي نعكد. ياحسين
_______
علمني وياك العشك كون افتهم مضمونه
علمني مااغدر بشر من اكل بماعونه
علمني اليحبك صدك شلال تجري أعيونه
هاي العوابس من زغر يابو علي مجنونه
كلمن يحبك يجن. ياقافلة كل حزن
كلبي الضريحك يحن ياحسين
________
شايل حنان امي وهلي ياقلبك وحنيته
واحدنه من يفكد ضوه يلكاك شمعه ابيته
شيريد من الله بعد وي الخدم عديته
يحسين دخان الخيم تارس عيونه وريته
بهدومه تشتم حرك. وبكلبه تلكه عشك
تعرفه اليحبك صدك. ياحسين
محمود الساعدي
BY محمود الساعدي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/tealkramm/355