رباطات / للامام الكاظم ع
*********
بسجن مولانه بسجن مولانه
خلص كل حياته بسجن مولانه

عليه حزنانه علــيه حزنانه
هاي انصاره كلهه علــيه حزنانه

للجسر جينه للجسر جينه
نشيع اجنازه ضلت للجسر جينه

كل تعنينه كــل تعنينه
جبنه اويانه اهلنه كــل تعنينه

تصيح مولاها تصيح مولاها
الناس اليله تبچي تصيح مولاها

بين قضبانه بين قضبانه
الكاظم عمره خلص بين قضبانه

شبيك سجانه شبيك سجانه
دفك باب السجن شبيك سجانه

توجع اقيوده توجع اقيوده
امامي تلچمه ثاري توجع اقيوده

دنيته سوده دنيته سوده
صارت وسفه كلهه دنيته سوده

تبچي معصومه تبچي معصومه
بويه تگول وينك تبچي معصومه

كثرت اهمومه كثرت اهمومه
ابوي بهذه سجنه كثرت اهمومه

تندب الشيعه تندب الشيعه
تون ون اليتامه تندب الشيعه

نهجك انطيعه نهجك انطيعه
يبن خير البريه نهجك انطيعه

نايحه اليله نايحه اليله
اريد ابچي واسوي نايحه اليله

كلها تبچيله كلها تبچيله
على المسموم ناحت كلها تبچيله

صاحب الرايه صاحب الرايه
اليله ويانه حاضر صاحب الرايه

كلها عنايه كلها عنايه
اليله احباب گلبك كلها عنايه

ناسه وفايه ناسه وفايه
اجت تبچي المصابه ناسه وفايه

زادت اجروحه زادت اجروحه
من شد السناسل زادت اجروحه

فرفحت روحه فرفحت روحه
من السم امامي فرفحت روحه
********
ابوحيدر
الصبيحاوي

عيــني اعليك يـــامولاي تربه
الـــك اهـــات بلــدلال تــربـــه
اليله بحضرتـك خليني تـــربه
اصلي عليك كل صبح ومسيه

صفنت دنيتي بجيتك وراها
وبيها انــوارهـا اتلالي وراها
بيوم حسين چن ذبت وراها
در وطشته وي واهليه

الاهــي الــيوم للعــباس بينه
وخــلي الفرح مــاننـساه بينه
كتبت اسمك على الدلال بينه
گلبي والهروش بهل مسيه

گلبي اعليك ظل كاتب وصيته
ودليــلي بــلفرح انـــي وصيته
علي السجاد بي هيـبه وصيته
عبر فوگ النجم وعله الثريه

الوكــت افــراح للـدنيه جبلنه
وعــرفنه الاكبــر بهمته جبلنه
اليــله الـفــرح ويــانــه جبلنه
وشعلنه شموع لولاد الزچيه

احبه من الزغر من يوم مهدي
وگلبي عليه احس يلوج مهدي
بنص شعبان بينه نــولد مهدي
وخله ايامنه كلها زهيه
**
ابوحيدر
الصبيحاوي

كون بكل خميس مگابل الحضره
گلبي بــفرگتك يحسين شيصبره
*
شيصبره الـگلب لــو يبتــعد عنك
وانه الماهيد ساعه لو رحت منك
الدنيه فتحت مـن فتحت جفنك
وكلنه نصيح منــك نئمل النظره
گلبي بــفرگتك يحسين شيصبره

*
نضره نــريــد منك ونتـه مـولانه
يــل عايش اسنين اسنيـن ويانه
الكل مخلص احسك انته عنوانه
وبگلب اليحبك فــرگتــك جمره
گلبي بــفرگتك يحسين شيصبره

*
جمره بگلب كلـمن حـبك ويهواك
على طول العمر صدگنه ماننساك
وهنياله الگضاها اسنينه ابطرواك
حتى الحچي بيكم يختلف عطره
گلبي بــفرگتك يحسين شيصبره

*
عــطر البيــك ابــد مــاينـشبع منه
اليستورح هواء چن ريحت الجنه
علــيه ابـــلا شــعور حسين يــدنه
ندري حسين گلب الحبه ميكسره
گلبي بــفرگتك يحسين شيصبره

*
كل نبضاتي احسن دگن احروفك
اول عاشگ الحــبك گبــل شوفك
اموتن الـف موتــه وابد ماعوفك
عشت انه بظلام وشفتك الگمره
گلبي بــفرگتك يحسين شيصبره

*
يگمره بليل هندس واليالي هواي
صحره الروح ضلت دوريتك ماي
عشت بسدك اني وانته ليه افياي
روحي الحضرتك مـولاي متوزره
گلبي بــفرگتك يحسين شيصبره

*
متوزرين كلنه وكلــنه الــك خدام
گمنه نريد شوفك حتى بل احلام
بس حبك صدگ والباقي كله اوهام
هــواك النــهر كلــه الاخــر الگطره
گلبي بــفرگتك يحسين شيصبره

*
ابوحيدر
الصبيحاوي

رباطات افراح
*****
بمولانه بمولانه
فرحانه الناس بمولانه

ويانه ويانه
اليله المـهدي ويــانــه

مسروره مسروره
الدنيه بيومك مسروره

المعموره المعموره
تتباهـــا بــيك المعموره

نوافيله نوافيله
احبابه وجــينه نوافيله

بهليله بهليله
حطينه شــموع بهليله

بهلهوله بهلهوله
نبديها الفرحـه بهلهوله

گولوله گولوله
فرحانه الشيعه گولوله

طشوله طشوله
چكـليت اليــه طشوله

فرحوله فرحوله
يحباب الغالي فرحوله
*
ابوحيدر
الصبيحاوي

عذبونه بطبرتك عذبونه
مارعونه يبويه مارعونه
هاي حدها عشرتك بغدر جازت دنيتك
مارعونه مارعونه
******
بــويــه گلبي الـمانـي وبيـه حسره
وناري بلدلال احسها تچـوي جمره
چني حسيت ابرحيلك يبـو العتره
الفارگ الغالين بـويـه شلونه صبره

دمعه ينعاه يبويه دمعه ينعاه
تلچـم الاه يـبويـه تلچـمه الاه
تنوح ضلت خلتك بغدر جازت دنيتك
مارعونه مارعونه
****
عيني مــاكفــت دمعها مـن رحيله
روحي بغيابك رچيچه وهم عليله
شنهي ضلته بـدنيته الفاگد خليله
يل چنت بلدنيه الي انته الوسيله

اظلم البيت بدونك اظلم البيت
تالـي ونيت بدونك تالـي ونيت
ردت اسمع چلمتك بغدر جازت دنيتك
مارعونه مارعونه
****
چلمة البـويـه حنينه وكلـها طيبه
ومن اگولنها بغيابـك چن مصيبه
بويه حتى الرمش مـاعـافا شيبه
وليلة افراگـك علينه شگد رهيبه

بويه فرگاك چواني بويه فرگاك
اتمنه الگـاك ثــواني اتمنه الگاك
دمعي خالط دمعتك بغدر جازت دنيتك
مارعونه مارعونه
****
بــويـه شيخلص اليالي كلها فرگه
روحي بغيابك خريف وذبل ورگه
ياربيع ايــامي وينك مــاكـو ملگه
ظلت الدمعه اونيني وبـيه شهگه

گلـبي ايــلوع حـزينه گلــبي ايلــوع
لهسه مفجوع حزينه لهسه مفجوع
اتمنه اسمع همستك بغدر جازت دنيتك
مارعونه مارعونه
****
كثرت ايتامك يحيدر مــن عفتنه
وتالي مــن رحت بغيابـك يتمتنه
بكل صباح اعليك بــويـه عودتنه
كونك موصي المنيه وهم خذتنه

شعدنه باقين يحيدر شعدنه باقين
تهــمل العـين يحيدر تهمــل العـين
وتهد حيلي فرگتك بغدر جازت دنيتك
مارعونه مارعونه
****
ابوحيدر
الصبيحاوي

اليله دمعي يسيل وياك برحيلك
اليله تنعه الديره باهات وتجيلك
الدنيه تنعه تظل صبرها
الدنيه شلي بكـل عمرها
ياامامي ياامامي
****
الدنيه من دونك غريبه وبيها دمعات شكثر
والــوكت ينـدب يوالي وتيــه ادروب الصبر
اليله حيدر وي رحيلك بعــد مــايسوه العمر
الدنيه تتــراوه بعيوني چــني اشـوفنها گـبر
هذه حال الشيعه بعدك بلمصيبه
كــل فرد مولاي الــك كثر نحيبه
الدنيه هل جابت خبرها
الدنيه شلي بكـل عمرها
ياامامي ياامامي
****
الشمس ردت مــن ضحاها والفجر منا رحل
ونطفت شمعة ضوانه وبعــد ماظل كل امل
كل گلب شيعي وموالي هـموم واهاته حمل
مصاب ابو تراب الدهانه وظل مصابه للازل
بكسرت الخاطر بقينه بينه دمعه
ونطفت يـاناس بينه احله شمعه
الناس حارت وي عذرها
الدنيه شلي بكـل عمرها
ياامامي ياامامي
****
على بابه ايتام وگفت تنادي صاحت ياعلي
كــل يتيم بدمعه حاير يگول ياهو ظل الي
الطاح بين اهــل الشماته ادري بلــوه مبتلي
اليله يبچي الكون كله ويندب بحرگه الولي
طاح حماي الحميه ودمـه يجري
والحزن والنوح ابد ماكفه صبري
وهامه حاقد هل طبرها
الدنيه شلي بكـل عمرها
ياامامي ياامامي
****
گــوم يــاثگل الشريعه انـته مــاي النه وهوه
ظلمه دنيانــه بدونـك مــن رحت شح الضوه
بخت من الباري انته وهل بخت كلشي حوه
اليله كل دمــوعي لجلك اطيح احسنها سوه
الك انصبها العزيه بديره ظلمه
مثل لوحيد بحياته وفـگد امه
الدنيه خلـت بــي اثرها
الدنيه شلي بكل عمرها
ياامامي ياامامي
****
كلنه بيـه احنـه نفجعنه كلـف وصـعب يومه
الموت من سير وجانـه وجـاب كــل اعلومه
الدنيه بمصابه حزينه وصفت هــم ملچومه
هسه شيخ السلف غمض بـدت لحظة نومه
بهامه مكتوبه الممات وهاي هيه
اليله تبچي عليك كــل الجعفريه
روحي الك زايد جمرها
الدنيه شلي بكل عمرها
ياامامي ياامامي
****
ابوحيدر
الصبيحاوي

حيدر ياعلي هاك اسمع اونيني
دمعي عليك مـاراكد تره بعيني
****
بگــلبي نــياح الــك مــابطلـيته
وحــزنـي اعليك ابد مافارگيته
ودمــع العــين الــك كله بچيته
يومك ياعلي هد حيلي ياذيني
****
هــد الحــيل يــومك كثر الونه
گلبي مـن ونينه شلون اسكتنه
الحسره واه ظلن بــي يلـچمنه
عليك اصفگهن بحرگه يچفيني
****
ناح اعليك دلالي وبچت عين
كلف يومك اعرفنه يبوحسين
صاب اگلوبنه من صابك البين
دمعي الطاح ياحيدر يچويني
****
الك ونيت توجع ونـت السكته
وحزنك هذ كـل العـمر شاركته
گلبي مصاب حيدر صار سالفته
بـس الهم بـقه يمي ويواسيني
****
بل محراب طاح وطـبرو الهامه
عليه ينوح ظل ويبچي اسلامه
كـل الناس صارت حيدر ايتامه
ويومك يـاعلي بحرگه يبچيني
****
هدومي سود لجلك كلها صارت
وسفه اعداك حيل ويـاك جارت
ويـــه اهـــل الـغدر دنياك دارت
عليك ادموعـي بخدي نياشيني
****
ابوحيدر
الصبيحاوي

علي باب السمه علي حامي الحمه
علي حامي الحمه
*****
امير بكل صفاته الحيدريه
علي نور الالــه اعله البريه
ابو الحملات للباري وصيه
علي هيبه بصـفاته رغـم كل الشماته
التمسك بي نجاته تـره العافه ضمه
علي حامي الحمه
*****
بخت دنيانه مـولانــه دريته
يظل وياي عايش هم لگيته
الولايــه تلوگله وبيها نخيته
كلف ميدانه حامي علي حيدر امامي
الــه تلوگ الاسامي الخلگ بـي هايمه
علي حامي الحمه
*****
الولايه تلوگله ويلوگ ليها
علي الكرار حيدرنـه وليها
علينه الدنيه صارلـها عليها
يتامه بسده اتبات كلمن عده شوغات
والـفقره ويتيمات بچـــن يـــمه دمــه
علي حامي الحمه
*****
امير الكون ودعـنه بصيامه
وخــله النايحه بيـنه علامه
بچت دنياء والتنعه اليتامه
هتف جبريل ناده علن دمعه حداده
نــزف بلدم فؤاده وچــن گلبه نـرمه
علي حامي الحمه
*****
طبرت هــامـته بينه مصيبه
تنـوح النــاس بليـله الرهيبه
الگمر حزنان ملچوم بمغيبه
تون نجمة سمانه يخنگ چن هوانه
مشه وما ودعانه وي هــــل خـاتمه
علي حامي الحمه
*****
نبچي اسنينه وهــم مـانوافي
يگظيه العـمر واحدنه حــافي
تلهج بأسمك حروف وشفافي
ابــد مانوفي منه وعمر نگظيه ونه
شحچي اني عنه وهـــوه المــوزمه
علي حامي الحمه
*****
ابوحيدر
الصبيحاوي

زينب تون بهل مسيه مهظومه والدمعه جريه
شگد عذبوها من راح ابوها
*****
صبت دمعها اعله الــولي والحيره بيها
بويه علي بحسره حچت مــارد ولــيها
الله اليساعـد مــن جفت وبعــد علـيها
يابويه كل دمــع التصب تمسح بـديها
بعيــونـي ماظل الدمع بعيـوني
يلوموني العدهم ابــو يلوموني
والدمعه ياوادم نديه بلهم لفوها
من راح ابوها
****
مــن بــعد عينك دنيتي ضلمه وحزينه
ودلالي بي لوعه وجرح وسمـع ونـيـنه
يــل رايــح ابعــيد وبعد مــاظـن تجينه
بكــل الــيالي يظـل تـره عــالــي بچـينه
يجفونـي كضي دمعتچ يجفونـي
ينشدوني عــنك يلولي ينشدوني
مهمومه وفركهن اديه روحي بلوها
من راح ابوها
****
بــويــه اليالي ابلاء ابو نگضيها دمــعات
كل دمعه بينه ملجلجه ومخلفه شوغات
ربينه بينه الــون مثــل ون اليتــــــيمات
خيمه الابو وحنى تـره بلاخــيمه انبـات
سمعوني دلالي انلچم سمعوني
حاچوني موتني الالم حاچوني
وشحمل بعد اذيه عل فارگوها
من راح ابوها
****
كــل دمعي اصبه بفرگتك بلكت تــردلي
ياهيبه الــي بنص الخلگ يــابعد اهـلي
زغيره ويتيمه ابلاء ابــو وبعمري شلي
يفززني گلبي مــن يــون ويــريد خلي
خـلوني اتــانــي جيته خلوني
يـاذوني شمات شكثر ياذوني
تهد حيلي الرزيه بي علعلوها
من راح ابوها
****
عتمه الحيات يوم الرحت هندس حياتي
ورده وخريف اعلينه طل خرب صفاتي
بكل لحظه اشوفن موتتي يـگرب مماتي
وبچفي اكتب كــل حـرف مـــن امنياتي
بضنوني اشوفنك ردت بضنوني
چفنوني بحضان الابــو چفنوني
يدفنونه هم سويه كلهم نعوها
من راح ابوها
****
ابوحيدر
الصبيحاوي

نزل جبريل گام يدگ على الهام
شلون الحيد وسفه بغدر ينظام
*****
بچـت امــلاك بــارينه بمصابه
گلــب الفــارگــك يكثر عـذابه
علــيه اتنـوح يــاوادم احـبابه
يمه الموت شافـو يـدگ دمام
****
عليه تگابلو مــن طــاح يـاناس
تره المهيوب بــلكلفات نوماس
بلمحراب طــاح ورافــع الراس
وبانــت عــل ولي حيدرنه الام
****
اليله چـم ملك بدمــوعه ينعاه
فـرد لطمه عليه وبصوت احاه
كلها اعـله الولي تندب واويلاه
عليه ملتمه ناسه تندب اسلام
****
چادر بلسمه المولانه اله صياح
كلشي اعله الولي متحزم وناح
جرح الهامـه بينه خـلف اجراح
وعليك الناس كلها اليـل متنام
****
اليله الموت حط روحه بمچانه
وخذ روحه البقت عــنده امانه
يخنگ من رحت حيدر هــوانه
وحزنك بينه ظل مولانه اودام
****
مات ويــاك كلـشي من عفتنه
ريتك من رحت حيدر خذتنه
كـون بفـد مــنيه ويــاك متنه
وبلمحشر نظـل اويــاه خدام
****
الفجر اذانه والمحراب يبچون
عليه من البچي نعميها العيون
الــه كل الخلگ وهلـه ينوحون
وگمنه علــه الطم للغالي نلام
****
ابوحيدر
الصبيحاوي

نضر عيني وضواها علي حامي حماها
علي حامي حماها
////////
الـولي حــيدر علي طايــح تـره
يصب دم يختضب بي وســـره
اثــــر بــان الخطر وي طابــره
الخلگ ناعي نعاها علي حامي حماها
///////
وگـع بلــدم نگع طايـح اميري
يظل طول الامل هــوه چبـيري
شعد منــه واسد مولانه خيري
والي روحــه فداها علي حامي حماها
///////
بخت بـي انتخت كـــل الخليقه
بغدر بس ينگدر هاي الحقيقه
ذهب كله عجب يكتل بــريقه
ضوه الارض وسماها علي حامي حماها
///////
مدد يابو المدد صاحو علينه
ولا بهذه الفلا غــيرك ولينه
يحُب نص الگلب بـي انسبينه
نظل دونه بمتاها علي حامي حماها
///////
نذر كـل العمر لجلك امـامي
يمن فدو السن واني وعمامي
الك انته وهلك دلالي ضـامي
النبي گال وحچاها علي حامي حماها
///////
بحر بيك انسحر هايم دليلي
اصر وجهك فـجر ونته خليلي
تــلم كــــل النجم بلگمره ليلي
بعد روحي وهواها علي حامي حماها
///////
قدر حبك قدر گلبي يطوفه
يدگ اسمع صدگ ردد حــروفه
بعشگ مــانفترگ مايوم اعوفه
الهواء صاحب نباها علي حامي حماها
//////
ابوحيدر الصبيحاوي

المات ابوها حتى الدمع يچويها
المات ابوها نسمة هــــوه تاذيها
تچوتها ماظلت بعد رايح ابــوهــا للابد
المات ابوها
*****
لفراگ يــاذيــها شكثر العافت عـزيــز وغـالي
وتگول حــزنــانـه اظل وچـنه نخـمش دلالي
ليــل ونــهار مــكدره والــدمــع بيــها يــلالـي
وتگول فــارگــني مــشه وبظيم اهيس حالي
بدمعه نعوها راح ومشه غاليها
بدمعه نعوها بعده منو يباريها
والگلب باهاته نمرد رايح ابــوهــا للابد
المات ابوها
*****
متغشيه بهموم وحزن الطاحت تـره خيمتها
والبويه خاطـرهـا نكسر وتنسمع چــن ونتها
ياخلگ مفجوعه تظل تچوي الگلب حسرتها
صــارت بــواچيها طـبع وبس الدمع سلوتها
الهم حملوها النشغت تره الباريها
الهم حملوها يوجع صفه طاريها
ماينفع ويــاها احد رايح ابــوهــا للابد
المات ابوها
*****
الاهات بيــها محيره العافــت بختها بروحه
والعمر تگظيه بهظم ومن كل كتر مجروحه
بــدلالهــا تسمع بچي ويــزيــد ونــه ونوحه
والعيد عاشور نگلب وماتت شكو مرجوحه
راحو جفوها قصة حزن نحچيها
راحو جفوها ظل الالـــم غاطيها
مهظومه والمدمع شهد رايح ابــوها للابد
المات ابوها
*****
اظلم وكتها بلا ضوه وحتى الشمس غطوها
تلمس عمــرهــا ينگضي هيچ الجفو جازوها
يگبــور اهــلها الساكته خــافن تنط حاچوها
ولــو تيهــت بلمگبره عــود انتــو هــم دلوها
چنها سبوها بـديـرت غرب تاليها
چنها سبوها دمع الجره يواسيها
امهرف اعليه الوعد رايح ابــوهـا للابد
المات ابوها
*****
أتــون ونيــن محــيره الفگدت ابــو يرعاها
مــاتحمل افــراگ المشه الراح وغفل خلاها
الــچانــت بجالــه مدلله هسه بهظم عافاها
بطاريــه گــامــت تنلچم ودم الـدمع حناها
من فارگوها گام الوكت ينعيها
من فارگوها ماظل بعد حاديها
غيرك يبوها مانشد رايح ابــوهـا للابد
المات ابوها
*****
ابوحيدر
الصبيحاوي

حيدر علي طاح لمــن لفـــه البين
ويــه الفجر راح غرب ابو حسين
شــب الگلب نار كل تبچي الصار
غرب ابوحسين
*****
اسود فجرنه مــن اجه طــر هام حماي الحمه
طاح اعله محرابه علي مولاي فاض من الدمه
اسمع صده الناعي نعه جبريــل صــايح بلسمه
القلع بــاب مــن العـرج صــار الهوه هـم يلچمه

ناحت يمولانه اليتامه وناتها تبچي الحمامه
النوح صارلــها علامه صاير علامه
كل الدمـع سال صب برهاته
يل تنشد الحال ودع حيـاته
احبابه يبچون وموشله العيون
غرب ابوحسين
*****
ناحت عليه كل الخلگ اليله البچي يـهد دمعه
للموت ناعي هـم نعه وطفه اعله دربي شمعه
صوت بدليلي چن عله كل ناسي هــم تسمعه
عله التربه متگنطر علي وتبچي بمصابه ربعه

امحير ابيومه الموالي والدمع بعيونه يلالي
استعجل ورايح الغالي رايح الغالي
بينه الحزن دوم جمره بشليلي
وظل لايـم يلوم مــانمت ليلي
بگليبي حسرات تلچمني اهات
غرب ابوحسين
*****
فجعونه بي لمن وگع كلشي نجـرح وي راسه
ركضت عليه كلها بهظم تنعه الخبر كــل ناسه
اليله صب دمــعه الگــمر وگـلبه نكسر عباسه
مجروح ظل جرحه ينز ياذيه حتى احساسه

ايصيح يابويه وحنانه يالفت اذراعه وئمانه
ياشمعة البيت وضوانه اه ياضوانه
بويه الگلب راد حضنك ثواني
يلمااضـــن راد ابــعدك نعاني
شيهود النوح ويصبر الروح
غرب ابوحسين
*****
صفنت عليه كـل دنيته يحمل بخت وي هيبه
كل الخلگ تعـرف علي صـاحب كرامه وطيبه
ناحت عليه حتى السمه يـوم التخضب شيبه
الرايح تــره ماظن يـرد الميـت بعــد شيجيبه

الراح المنيته مايجينه ومخلي دلالي بونينه
مودع ايامه وسنينه ودع سنينه
يهــد حيله الفراگ دمعه يسيله
كل لحضه يشتاگ رايــد خليله
حسباته تنعاه ويعده فرگاه
غرب ابوحسين
*****
ابوحيدر الصبيحاوي

اعلن حــداد النــه الفجــر اذن اذان اوداعــــه
شد ضعنه للموت الكلف حـانت منيته الساعه
******
اركان الهداء ناحت اله وكلشي بچتله اعيونه
حيدر علي بفرضه وگــع مـن وادم ايـضدونه
القــلع خيـبر دم نــزف وســفه علي يشيلونه
مــالوم ظل حيدر علي ويتلوه ويــه اوجاعه
******
اسود عليك الكــل لبس وظــلم علـينه يومك
الگاع مــالت بينه احس بانت امـامي علومك
ياوكتي من عدنه دكف مابينه حيل اهمومك
يــوم الولي بينه صبح مـو يوم چن طرگاعه
******
مجلس الك حامي الحمه سويـنه هــاي اليله
واحدنه من گد البچي والنوح مــاظـل حيله
صبينه الك كــل الدمع الحد مـايـوشل سيله
وعيون كـل هاي الخلگ لجلك صفت دماعه
******
تابوت الك وصط الگلب كـل مانبـض يــاذينه
ومن هامتك بينه جرح مــاطـاب كـل اسنينه
اليله كل شيعي ومحب بهامت علي يواسينه
ياگلبي ون طول العمر خلــي الحـزن اطباعه
******
بأسمه يـون ناعي النعي بچــه الصخر باهاته
توجــع گلب كلمن سمع فرزن صده حچاياته
يستاهل شما نبچي الــه الــدگ بلسمه راياته
ربــان ابــو اليمه كلف مــايــوم مال اشراعه
******
محرابه ظل ناگع دمه يــرجف الكون بيومه
وحسين چن گلبه وگــع ثگـلن عليه اهدومه
الفاگد ابو يعينه علي وفــاگـد علي شعلومه
الدنيه مــن تــاخــذ تسد بــاب اليـرد فزاعه
******
ابوحيدر الصبيحاوي

ابوذيات/امير المؤمنين ع
**********
كل عمره فده الدينه وثر بي/الئيثار
علي مطلوب للحاقد وثر بي
طاح وهــامته تشهد وثر بي
وصبح نيشان هامه للبريه

وگــع ويـريد تچايه يدم عون/الدم عون
وعليه الناس متوزره يدمعون
بعد مابيها توميله يد ام عون
وباد الحيل والونه خفيه

بحــزن اهــات دلالـــي يمسكون/مسكون
ويريت الصايب الهامه يمسكون/يمس كون
البــريه بطيحتك كلــها يمسكون
وتظل صيام كل هاي الرعيه

رچيچه وتكسر الخاطر يهاماي/جهاماي
وصحت مابيه عوفني يهاماي
گبل هامك علي صبت يهاماي
وتظل تنزف لحد يوم المنيه

بــهامك يــاعلي حيدر ولونه
اوكــتنه بــنوح للــغالي ولونه/ولانه
بطــيحه الحيـد متغير ولونه
نطعن بصوابه حماي الحميه

الكــون ابئسره بفضاله يباها/يتباها
وعليك تنوح مكسوره يباها
المــوت اعلـومك اليله يباها
ومرد گلبي مثل يوم الزچيه
*****
ابوحيدر الصبيحاوي

نعي/الامام علي ع
*********
طاح الحيد متوصط المحراب
بلهامه نطبر حيدرنــه ونصاب
راسه ولحيته غطاها الخضاب
طايح ياهظيمه اليله ابوتراب

كلف ياحيف مـاخلص صلاته
شمالــه الفـجر جـايبله شماته
وتــدنـه عليـه يــاوادم مماته
عليه الــدهــر صار ونـــايباته

بچه المحراب وينوح الخليله
وصــارت ليــلته لــيله طويله
يطيحت حيدر اعليهم ثجيله
وغمـض عيــنه الــمانــام ليله

عليه اتنوح مفجوعه اليتامه
وتون ياناس ونـات الحمامه
يــومـك صــار للوادم علامه
الكون مــوزر ولابس ظلامه

صوت صياح ياوادمنه يدوي
وتنــوح امــلاك بلعالم العلوي
الــيوم الحيد بلمحراب يهوي
اليله الدمع من يطيح يچوي
****
ابوحيدر الصبيحاوي

ابوذيات/امير المؤمنين ع
*****
الحزن بسكوت من جانه فطرنه
الطر راسك يحيدرنه فطرنه
شهر رمضان بمصابك فطرنه
لان شفنه الشرع طايح رميه
*
الحزن كل يوم دك بابي ولامال
وخذ مني العمر كله ولا مال
القدر من جاك يا حيدر ولامال
اجاك وجاب ويا المنيه
*
يدنيه الگلب بس بلهم ونسبي
على الراح واحس گربه ونسبي
بت حيدر اصل انه ونسبي
من ال النبي سيد البريه
*
جرينه دموع للغالي بدينه
حزنه ونوحنه لجله بدينه
صفكنه بغيبتك حيدر بدينه
ويندب كونه طايح واليه
*
الك الحساس بينه وده عتنه
وزينب بويه صاحت وده عتنه
عدمن من عفتنه وده عتنه
ظلينه بحزن صبح اومسيه
*
نعه ناعي الخبر والگلب وجا
يگول الموت يمه ينوح وجا
علي شايل موده وطيب وجا
وهيبه عله البشر حامي الحميه
*
المصايب صارت الزينب وبيهه
يوم الطاح حاميهه وبيهه
تگول الشوفتك بويه وبيهه
ودمعتي تسيل يل رحت من اديه
*
الزمن افراح ماخله وكتله
وفجعني بطبرت الهامه وكتله
عيوني راح اصب فدوه وكتله
عله الراح او بعد مارد الية
*****
اصيحن بويه ياحيدر وصحتاه
شفته تردت احوالة وصحتاه
بگلبي الونة توجعني وصحتاه
وهيس الموت وي كل اه بية
*
صفگت الراح بغيابك علي راح
وكثرت بلگلب لجلك علي راح
صرخ جبريل هليلة علي راح
وطاح الركن بلمسجد رمية
*
ابو حيدر الصبيحاوي