رِوايات سُودانية🪐🤎!)"

رِوايات سُودانية🪐🤎!)"

#ثمن_الاختيار❤️ حلقة 7 " يا رب ما تختني في مكان ما عندي فيه نصيب .. عشان ما ألقى نفسي بين البتمناهو بس ماعندي فيه حق، وبين المكتوب لي وما نفسي فيه..)) أخر حاجة كُنت إتوقعا جيت عامر فجأة أو هي أكيد ما فجأة بس أهلو وأصحابو عارفين مع ذلك نهائي ما كان نفسي…

#ثمن_الإختيار❤️

حلقة8

" شعور لا يقال، وإذا قِيل لا يفهم ! .))

فِضلت متنحة في وشو أنا سامعة صوت ملك بس ما قادرة أميز هي بتقول لي شنو أخر شي متذكراه إنها قالت لي ياهو عامر نفسه.
مع الكلمتين ديل أنا إتعاد قدامي شريط حياتي كلها..
الاسم دا .. من اول يوم سمعته.
الشخصية دي .. اللي كُنت حافظة تفاصيلا وممكن لو غمضت أشوفا قدامي.

عامـر؟
دا ما مُجرد اسم دا كابوس بالنسبة لي ..!
عامر دا الشخص الوحيد اللما دخل حياتي قلب عاليها واطيها وغير فيني حاجات كانت معتقدات ومبادئ بالنسبة لي.

غمضت عيوني بحاول أستوعب إنو دا كان ماضي مافي داعي أتوتر ..!
فتحت عيوني لقيته قدامي..

_أنهار؟
=أهلين.
_كيفك؟
=كويسة الحمدلله.

رجع عاين لـ ملك وقال بإندهاش:
_ملك صح؟
=أي.
_كيفك؟
=الحمدلله.

كان واقف مافي وحدة مننا قالت ليه إتفضل أو سألته عن حالو ملك من يوما ما بطيقو وأنا ما عارفة حاسة نفسي كأني إتجمدت ما قادرة أبدي أي رد فعل.

_ممكن أقعد معاكم هنا شوية؟
=نحن ماشين"ملك قاطعته"
_دقيقة من وقتكم بس.؟
=فضلنا ساكتين وهو بس بعاين لي.
_عاملة شنو في حياتك؟
=كلو تمام.
_نزلتي شغل؟
=أيوة.
_كويس والله وين؟
=في البنك.
_بالتوفيق إن شاءالله أنا جيت الإسبوع الفات.
=أها كويس والله.

كانت أطول 10دقايق في حياتي حرفيًا ما صدقت لما قام عشان يمشي حسيت كأني كُنت كاتمة نفس ما قدرت أقول شي ملك حاسبت وطلعنا ما كنت قادرة أسوق وملك ما بتعرف فضلنا في العربية مسافة بتهدي فيني .. لقيت نفسي مُحتاجة أبكي خلاص ما قادرة أتماسك أكتر من كدا مجهودي البذلتو في أخر تلاتة سنين عشان أتجاوز وأعرف أعيش حياتي من جديد كلو في لحظة حسيتو ما كان كفاية .. ما حسبت حساب اللحظة دي أو أقلاها كنت فاكرة ما في شي ح يلمني بيهو تاني .. هو مشى في طريق وأنا قررت أمشي من بعدو.

بكيت كل لحظة زعلني فيها ومن حبي ليهو ما كُنت قادرة أجي أشكي لي ممو عشان كل مرة كانت بتنبهني إنو الود دا ما شبهي وبتقصد يزعلني بس أنا كنت بحبو ومتمسكة بيهو لحدي ما فترت وبقيت ما بجي أحكي ليها زعلي منو.
بكيت أكتر لما إتذكرت قدر شنو أنا كنت بديه فرص وهو ما كان بهمه ما كان شايف نفسه غلطان أساسًا.

عامر دا كان أسوأ شخص مر بي إنسان ما في رحمة بقلبو يزعلني ويكمل حياتو وبكون شايفاه اونلاين وبنزل في صورو ولا كأنو في شي في الوقت اللي انا بكون مقهورة وببكي وسايبة كل شي من يدي وماسكة التلفون مستنياه يحس علي نفسه ويجي يصالحني.

كان من مشكلة صغيرة بعمل موضوع وعادي يفصلني إسبوع من غير ما يفكر يسأل عني أو يعرف الحاصل علي شنو بتذكر مرة إتناقشنا وفصلني إسبوع من غير ما يكلمني لما بقيت عيانة وملك دخلت بينا عشان تصالحنا قال ليها: دراماتا دي ما علي أنا بهذا الاسلوب وقفل الخط في وشها.

ما قادرة أنسى اللحظة اللي إتلاقينا فيها والولد عاين لي فعمل مشكلة في نص الجامعة وختاني في موقف محرج شديد وطلع من غير ما يراعي إني ماشية وراه وبوقفو.

ولا المرة الخاصمني فيها عشان بس كلمت واحد من الدفعة يرسل لي المحاضرات.

مواقفو السيئة معاي لا تُحصى ولا تُعد بس مع ذلك كان بكسب قلبي بي هدية صغيرة وكلمتين حلوين لما يقرر إنو عايز يعمل كدا في أي وقت يعجبه.

أنا بعترف إنو الحب الاول بكون فيهو نوع من الجنون والشغف والواحد ببقى مستعد يتنازل ويعمل أي شي عشان خاطر الشعور الحلو العايشو بس أنا زودتها وجيت على نفسي وكرامتي وصحتي النفسية وشخصيتي وكل حاجة حلوة كلو قصاد عامر .. في النهاية إكتشفت إنو ما بيسوى ربع الحاجات الضاعت مني عشانه.

ما بيستاهل أي دمعة نزلت مني.
ندمانة شديد عشان قيمتو وأديتو المكانة دي.
زعلانة وبلوم نفسي لحدي الآن عشان بي سبب العلاقة الهايفة دي أنا خسرت سنة من دراستي وأخرتها بي سببه.
لو بيدي أرجع ورا وأصلح حاجة كنت ح أختار أمحي اليوم اللي تبعت هواي ومشينا هندسة عشان نحضر إسبوع المهندس ولاقيته .. ياريت لو بيدي أمسح الذكريات دي كلها.

🔃فـلاش بـاك 🔃

_كشف المزة دي شكلها ما من كليتنا.
=ديل بنات طبية أكيد.
_لالا ياخ طبية شنو بكونوا رايقات وفرفوشات كدا ديل بكونوا فنون/تجارية أي حاجة في الرينج دا إنتظر هنا أنا بجيب ليك الزيتونة بتاعتهم أسي.

كُنا واقفين أنا وملك بعد ما جينا هندسة وما فهمنا شي من الحتة الجايطة بصراحة ملك ما كانت عايزة تجي بس أنا أصريت عليها إنو دا اليوم الختامي وعاملين جو تراديشنال كدا نمشي نتبسط ونغيير جو شوية خاصة إنو في كليتنا ما في أي برامج. .. فجأة جا واحد شايل بوردر وقف جمبنا وسلم علينا كان رايق وهادي عكس بقية الناس المركزة مع الحفلة ..
_ممكن تثبتي معاي دا؟
=جدًا.
_شكرًا يا جميل.

www.group-telegram.com/us/RwayatSudan.com/42685

2.0K viewsتنزيل صابر ♡, Mar 15, 2023 at 15:30

#ثمن_الإختيار❤️

حلقة8

" شعور لا يقال، وإذا قِيل لا يفهم ! .))

فِضلت متنحة في وشو أنا سامعة صوت ملك بس ما قادرة أميز هي بتقول لي شنو أخر شي متذكراه إنها قالت لي ياهو عامر نفسه.
مع الكلمتين ديل أنا إتعاد قدامي شريط حياتي كلها..
الاسم دا .. من اول يوم سمعته.
الشخصية دي .. اللي كُنت حافظة تفاصيلا وممكن لو غمضت أشوفا قدامي.

عامـر؟
دا ما مُجرد اسم دا كابوس بالنسبة لي ..!
عامر دا الشخص الوحيد اللما دخل حياتي قلب عاليها واطيها وغير فيني حاجات كانت معتقدات ومبادئ بالنسبة لي.

غمضت عيوني بحاول أستوعب إنو دا كان ماضي مافي داعي أتوتر ..!
فتحت عيوني لقيته قدامي..

_أنهار؟
=أهلين.
_كيفك؟
=كويسة الحمدلله.

رجع عاين لـ ملك وقال بإندهاش:
_ملك صح؟
=أي.
_كيفك؟
=الحمدلله.

كان واقف مافي وحدة مننا قالت ليه إتفضل أو سألته عن حالو ملك من يوما ما بطيقو وأنا ما عارفة حاسة نفسي كأني إتجمدت ما قادرة أبدي أي رد فعل.

_ممكن أقعد معاكم هنا شوية؟
=نحن ماشين"ملك قاطعته"
_دقيقة من وقتكم بس.؟
=فضلنا ساكتين وهو بس بعاين لي.
_عاملة شنو في حياتك؟
=كلو تمام.
_نزلتي شغل؟
=أيوة.
_كويس والله وين؟
=في البنك.
_بالتوفيق إن شاءالله أنا جيت الإسبوع الفات.
=أها كويس والله.

كانت أطول 10دقايق في حياتي حرفيًا ما صدقت لما قام عشان يمشي حسيت كأني كُنت كاتمة نفس ما قدرت أقول شي ملك حاسبت وطلعنا ما كنت قادرة أسوق وملك ما بتعرف فضلنا في العربية مسافة بتهدي فيني .. لقيت نفسي مُحتاجة أبكي خلاص ما قادرة أتماسك أكتر من كدا مجهودي البذلتو في أخر تلاتة سنين عشان أتجاوز وأعرف أعيش حياتي من جديد كلو في لحظة حسيتو ما كان كفاية .. ما حسبت حساب اللحظة دي أو أقلاها كنت فاكرة ما في شي ح يلمني بيهو تاني .. هو مشى في طريق وأنا قررت أمشي من بعدو.

بكيت كل لحظة زعلني فيها ومن حبي ليهو ما كُنت قادرة أجي أشكي لي ممو عشان كل مرة كانت بتنبهني إنو الود دا ما شبهي وبتقصد يزعلني بس أنا كنت بحبو ومتمسكة بيهو لحدي ما فترت وبقيت ما بجي أحكي ليها زعلي منو.
بكيت أكتر لما إتذكرت قدر شنو أنا كنت بديه فرص وهو ما كان بهمه ما كان شايف نفسه غلطان أساسًا.

عامر دا كان أسوأ شخص مر بي إنسان ما في رحمة بقلبو يزعلني ويكمل حياتو وبكون شايفاه اونلاين وبنزل في صورو ولا كأنو في شي في الوقت اللي انا بكون مقهورة وببكي وسايبة كل شي من يدي وماسكة التلفون مستنياه يحس علي نفسه ويجي يصالحني.

كان من مشكلة صغيرة بعمل موضوع وعادي يفصلني إسبوع من غير ما يفكر يسأل عني أو يعرف الحاصل علي شنو بتذكر مرة إتناقشنا وفصلني إسبوع من غير ما يكلمني لما بقيت عيانة وملك دخلت بينا عشان تصالحنا قال ليها: دراماتا دي ما علي أنا بهذا الاسلوب وقفل الخط في وشها.

ما قادرة أنسى اللحظة اللي إتلاقينا فيها والولد عاين لي فعمل مشكلة في نص الجامعة وختاني في موقف محرج شديد وطلع من غير ما يراعي إني ماشية وراه وبوقفو.

ولا المرة الخاصمني فيها عشان بس كلمت واحد من الدفعة يرسل لي المحاضرات.

مواقفو السيئة معاي لا تُحصى ولا تُعد بس مع ذلك كان بكسب قلبي بي هدية صغيرة وكلمتين حلوين لما يقرر إنو عايز يعمل كدا في أي وقت يعجبه.

أنا بعترف إنو الحب الاول بكون فيهو نوع من الجنون والشغف والواحد ببقى مستعد يتنازل ويعمل أي شي عشان خاطر الشعور الحلو العايشو بس أنا زودتها وجيت على نفسي وكرامتي وصحتي النفسية وشخصيتي وكل حاجة حلوة كلو قصاد عامر .. في النهاية إكتشفت إنو ما بيسوى ربع الحاجات الضاعت مني عشانه.

ما بيستاهل أي دمعة نزلت مني.
ندمانة شديد عشان قيمتو وأديتو المكانة دي.
زعلانة وبلوم نفسي لحدي الآن عشان بي سبب العلاقة الهايفة دي أنا خسرت سنة من دراستي وأخرتها بي سببه.
لو بيدي أرجع ورا وأصلح حاجة كنت ح أختار أمحي اليوم اللي تبعت هواي ومشينا هندسة عشان نحضر إسبوع المهندس ولاقيته .. ياريت لو بيدي أمسح الذكريات دي كلها.

🔃فـلاش بـاك 🔃

_كشف المزة دي شكلها ما من كليتنا.
=ديل بنات طبية أكيد.
_لالا ياخ طبية شنو بكونوا رايقات وفرفوشات كدا ديل بكونوا فنون/تجارية أي حاجة في الرينج دا إنتظر هنا أنا بجيب ليك الزيتونة بتاعتهم أسي.

كُنا واقفين أنا وملك بعد ما جينا هندسة وما فهمنا شي من الحتة الجايطة بصراحة ملك ما كانت عايزة تجي بس أنا أصريت عليها إنو دا اليوم الختامي وعاملين جو تراديشنال كدا نمشي نتبسط ونغيير جو شوية خاصة إنو في كليتنا ما في أي برامج. .. فجأة جا واحد شايل بوردر وقف جمبنا وسلم علينا كان رايق وهادي عكس بقية الناس المركزة مع الحفلة ..
_ممكن تثبتي معاي دا؟
=جدًا.
_شكرًا يا جميل.

BY رِوايات سُودانية🪐🤎!)"