رِوايات سُودانية🪐🤎!)"

#ثمن_الإختيار❤️

حلقة 18

"يحدث أن تقف في منتصف السباق،
محاولًا إيجاد سبب واحد لركضك في البداية💔.))

"عند أنهار"
الصباح وصلت المكتب وأنا مقررة إني ح أحاول أدي نفسي فرصة أعمل حاجات صاح وأفصل حياتي العاطفية خالص وأركز في الشغل على الأقل الفترة دي.
دخلت المكتب لقيت ملك بس الموجودة سلمت عليها وقعدنا نتونس ونتكلم في تفاصيل العرس وإني مفروض أجي أقعد معاهم لأنو الليلة ح تاخد إجازة وتاخد لي معاها بنتناقش في إنو نطلب هيلز وشبط عاجبني من النت فجأة دخل علينا هشام:
_صباح الخير
=ردت ملك بحماس : صباح النور.
إتبسطة لما شفتهم رجعوا يتكلموا قعد جنبنا وسألنا بنعمل شنو.
ملك: ونسة بنات ما عليك.
أنهار: والله حلو رجعتوا يعني؟
هشام: ما بعدنا أصلًا.
ملك: كانت فترة وعدت.
أنهار: أخيرًا ح أرتاح من التوتر الكنتوا معيشيني فيه.
هشام: أيوة ح ترتاحي مننا.
ملك: عاينت ليو لقتو بعاين ليها غيرت الموضوع ورجعت تقول لـ أنهار ياخ هو حلو وعاجبني بس ما مطمنة ليهم بقولوا ما بوصلوا سريع.
هشام: ما هو يا تدخلوني معاكم في الموضوع ولا تقفلوهو.
أنهار: هيلز وشبط عايزين نطلبهم تشوف؟
هشام: أي عايز أشوف هيلز دا بعلموا بيو شنو.
ملك: "ضحكت" بياكلو يا هشو طعمو حلو شديد.
هشام: أسخري مني كويس.
أنهار: كنت ساكتة وما مركزة معاهم خالص مديت ليهو التلفون شاف ولما رجعوا لملك كان بتشاور معاها و بقترح عليها حلول وهي ما راضية تقتنع ما عارفة عدوا كم بتناقشوا بس فضلت أعاين ليهم اول مرة أنتبه قدر شنو ملك وهشام شبه بعض وفيهم حاجات مشتركة .. الاتنين بتكلموا بهدوء كل واحد فيهم بنتبه للتاني وبعاين ليه بتركيز لما يكلموا بعض .. لاحظت إنو ملك بتاخد رايو وبتتكلم بيدينا وهو بنزل ليها يدها عشان تبطل الحركة دي وهي لسة مصرة عليها .. شوية يضحكوا وشوية تانية بتناقروا .. بعدها كل واحد بسكت مسافة كأنهم متفقين .. ملك وهشام بشبهو بعض شديد ماشاءالله تبارك الله

بس طيب وأنا؟
من بين كل الناس القابلتهم منو شبهي؟
منو الـ ممكن أحس إننا مناسبين لبعض ..
أقدر أكون معاه مطمنة وما خايفة من حتة إنو ح يمشي ف أهرب أنا اول ..
صح ضيعت خيارات وناس كانت عايزاني بس برضو كان عندي سبب كنت على طول حاسة إنو لا دا ما الشخص الصح ..
لا دا ما مكانك يا أنهار ..

ما عارفه وقتها كان غرور ولا ثقة زايدة في إني ح ألاقي الأحسن ..
بس يمكن أكتر شخص بشبهني هو عمرو بشبه أنهار الكانت قبل ما تفرض علي نفسها طريقة حياة جديدة ما عاجباها بس مضطرة تكمل في الدور دا ..!

رجعت البيت ولقيت أمي بتقول لي:
=ما ح تخلي حركتك دي ؟
_أي حركة؟
=خليتي ملك تحنسني عشان تمشي تقعدي معاها في حين إنو ممكن تطلبي مني ما كان ح أرفض.
_ملك براها إتصلت ليك أنا نسيت الموضوع أساسُا.
=يعني المرة دي ما خطة منكم سوا؟
_أبدًا والله وإذا ما عايزاني أمشي ح ألغي الموضوع.
=لالا ناس ملك ديل بقوا من العيلة عديل أمشي وأنا ذاتي بجيكم يوم الخميس بالليل إن شاءالله.
_وحسومي؟
=ملك شاطرة أخدت إذنو.
_بتقدر للفرهدة.
=إنتِ قايلة كل الناس أخلاقهم ضيقة زيك؟
_مصدعة ماشة أنوم بنتفاهم في العشا.
=أخدي ليك بندول وإرتاحي طيب.

دخلت غرفتي وجهزت ملابسي في الشنطة متحمسة لعرس عزو أكتر منو بالنسبة لي القعدة مع ناس ملك لمدة اسبوع كامل دي حاجة حلوة وح تطبطب علي ♡

____
"عند ملك"

كان فاضل لـ العرس إسبوع والله أنا عايشة ألطف أيام حياتي كل يوم موضوع وأنهار معاي وعماتي وأولادهم جوا من السفر وكمان أهل أمي الفي البلد جونا البيت مليان ناس وفعاليات الدلوكة دي 24ساعة شغالة وقهوة مدورة وكل يومين ماشين لـ خالتو أميرة التقول ما نحن أهل العريس وهم أهل العروس مرة طالعين مع بنات عمتي السوق هشام إتصل لي:
_يا ملك وين إنتِ؟
=طالعين السوق.
_أمي دي عايزة حاجات برضو تقدري تجينا هنا تاخدي طلباتا اول؟
_من عيوني.
=تسلم لي عيونك دي.

مشينا ليهم اول وبنات عمتي النوع الهجاجين وبتاعين فارغة من الباب شغالين يزغردوا ويغنوا ولقينا بنات عمو لـ هشام قعدنا شربنا معاهم قهوة وغنينا مسافة بعدها إتذكرت إنو نحن ماشين السوق شلت الحاجات العايزاهم خالتو ودخلت لـ هبو سألتها إذا ناقصاها حاجة وطلعنا. رجعنا بعد المغرب وما كان في طريقة أوصل لخالتي حاجاتا اول إتصلت لـ هشام يجي ياخدهم قال لي 10د وأكون عندك ودي كانت اول مرة يجينا بعد ناس عمتي جونا دخل سلم عليهم وناديتو عشان ياخد الحاجات بعد طلع بنات عمتي ما خلوا لي جنبة أنوم عليها كترة أسئلة وتشغيلات:
_هييي يا ملك ود خالتك دا قدر كيف؟
_معرس؟
_خاطب؟
-عندو أخو؟
_مالو ما خطبك؟
_كيف تخليه يدخل الاوضة بتاعتك؟
_مالك بتتضاحكي معاه كدا؟

www.group-telegram.com/us/RwayatSudan.com/42820

1.8K viewsتنزيل صابر ♡, Mar 19, 2023 at 07:40

#ثمن_الإختيار❤️

حلقة 18

"يحدث أن تقف في منتصف السباق،
محاولًا إيجاد سبب واحد لركضك في البداية💔.))

"عند أنهار"
الصباح وصلت المكتب وأنا مقررة إني ح أحاول أدي نفسي فرصة أعمل حاجات صاح وأفصل حياتي العاطفية خالص وأركز في الشغل على الأقل الفترة دي.
دخلت المكتب لقيت ملك بس الموجودة سلمت عليها وقعدنا نتونس ونتكلم في تفاصيل العرس وإني مفروض أجي أقعد معاهم لأنو الليلة ح تاخد إجازة وتاخد لي معاها بنتناقش في إنو نطلب هيلز وشبط عاجبني من النت فجأة دخل علينا هشام:
_صباح الخير
=ردت ملك بحماس : صباح النور.
إتبسطة لما شفتهم رجعوا يتكلموا قعد جنبنا وسألنا بنعمل شنو.
ملك: ونسة بنات ما عليك.
أنهار: والله حلو رجعتوا يعني؟
هشام: ما بعدنا أصلًا.
ملك: كانت فترة وعدت.
أنهار: أخيرًا ح أرتاح من التوتر الكنتوا معيشيني فيه.
هشام: أيوة ح ترتاحي مننا.
ملك: عاينت ليو لقتو بعاين ليها غيرت الموضوع ورجعت تقول لـ أنهار ياخ هو حلو وعاجبني بس ما مطمنة ليهم بقولوا ما بوصلوا سريع.
هشام: ما هو يا تدخلوني معاكم في الموضوع ولا تقفلوهو.
أنهار: هيلز وشبط عايزين نطلبهم تشوف؟
هشام: أي عايز أشوف هيلز دا بعلموا بيو شنو.
ملك: "ضحكت" بياكلو يا هشو طعمو حلو شديد.
هشام: أسخري مني كويس.
أنهار: كنت ساكتة وما مركزة معاهم خالص مديت ليهو التلفون شاف ولما رجعوا لملك كان بتشاور معاها و بقترح عليها حلول وهي ما راضية تقتنع ما عارفة عدوا كم بتناقشوا بس فضلت أعاين ليهم اول مرة أنتبه قدر شنو ملك وهشام شبه بعض وفيهم حاجات مشتركة .. الاتنين بتكلموا بهدوء كل واحد فيهم بنتبه للتاني وبعاين ليه بتركيز لما يكلموا بعض .. لاحظت إنو ملك بتاخد رايو وبتتكلم بيدينا وهو بنزل ليها يدها عشان تبطل الحركة دي وهي لسة مصرة عليها .. شوية يضحكوا وشوية تانية بتناقروا .. بعدها كل واحد بسكت مسافة كأنهم متفقين .. ملك وهشام بشبهو بعض شديد ماشاءالله تبارك الله

بس طيب وأنا؟
من بين كل الناس القابلتهم منو شبهي؟
منو الـ ممكن أحس إننا مناسبين لبعض ..
أقدر أكون معاه مطمنة وما خايفة من حتة إنو ح يمشي ف أهرب أنا اول ..
صح ضيعت خيارات وناس كانت عايزاني بس برضو كان عندي سبب كنت على طول حاسة إنو لا دا ما الشخص الصح ..
لا دا ما مكانك يا أنهار ..

ما عارفه وقتها كان غرور ولا ثقة زايدة في إني ح ألاقي الأحسن ..
بس يمكن أكتر شخص بشبهني هو عمرو بشبه أنهار الكانت قبل ما تفرض علي نفسها طريقة حياة جديدة ما عاجباها بس مضطرة تكمل في الدور دا ..!

رجعت البيت ولقيت أمي بتقول لي:
=ما ح تخلي حركتك دي ؟
_أي حركة؟
=خليتي ملك تحنسني عشان تمشي تقعدي معاها في حين إنو ممكن تطلبي مني ما كان ح أرفض.
_ملك براها إتصلت ليك أنا نسيت الموضوع أساسُا.
=يعني المرة دي ما خطة منكم سوا؟
_أبدًا والله وإذا ما عايزاني أمشي ح ألغي الموضوع.
=لالا ناس ملك ديل بقوا من العيلة عديل أمشي وأنا ذاتي بجيكم يوم الخميس بالليل إن شاءالله.
_وحسومي؟
=ملك شاطرة أخدت إذنو.
_بتقدر للفرهدة.
=إنتِ قايلة كل الناس أخلاقهم ضيقة زيك؟
_مصدعة ماشة أنوم بنتفاهم في العشا.
=أخدي ليك بندول وإرتاحي طيب.

دخلت غرفتي وجهزت ملابسي في الشنطة متحمسة لعرس عزو أكتر منو بالنسبة لي القعدة مع ناس ملك لمدة اسبوع كامل دي حاجة حلوة وح تطبطب علي ♡

____
"عند ملك"

كان فاضل لـ العرس إسبوع والله أنا عايشة ألطف أيام حياتي كل يوم موضوع وأنهار معاي وعماتي وأولادهم جوا من السفر وكمان أهل أمي الفي البلد جونا البيت مليان ناس وفعاليات الدلوكة دي 24ساعة شغالة وقهوة مدورة وكل يومين ماشين لـ خالتو أميرة التقول ما نحن أهل العريس وهم أهل العروس مرة طالعين مع بنات عمتي السوق هشام إتصل لي:
_يا ملك وين إنتِ؟
=طالعين السوق.
_أمي دي عايزة حاجات برضو تقدري تجينا هنا تاخدي طلباتا اول؟
_من عيوني.
=تسلم لي عيونك دي.

مشينا ليهم اول وبنات عمتي النوع الهجاجين وبتاعين فارغة من الباب شغالين يزغردوا ويغنوا ولقينا بنات عمو لـ هشام قعدنا شربنا معاهم قهوة وغنينا مسافة بعدها إتذكرت إنو نحن ماشين السوق شلت الحاجات العايزاهم خالتو ودخلت لـ هبو سألتها إذا ناقصاها حاجة وطلعنا. رجعنا بعد المغرب وما كان في طريقة أوصل لخالتي حاجاتا اول إتصلت لـ هشام يجي ياخدهم قال لي 10د وأكون عندك ودي كانت اول مرة يجينا بعد ناس عمتي جونا دخل سلم عليهم وناديتو عشان ياخد الحاجات بعد طلع بنات عمتي ما خلوا لي جنبة أنوم عليها كترة أسئلة وتشغيلات:
_هييي يا ملك ود خالتك دا قدر كيف؟
_معرس؟
_خاطب؟
-عندو أخو؟
_مالو ما خطبك؟
_كيف تخليه يدخل الاوضة بتاعتك؟
_مالك بتتضاحكي معاه كدا؟

BY رِوايات سُودانية🪐🤎!)"