group-telegram.com/belsat/90157
Last Update:
Выйшаў на волю адзін з самых пажылых палітвязняў – 70-гадовы берасцеец Віталь Зарадзей
Віталь – былы вайсковец, ліквідатар аварыі на ЧАЭС. У Берасці ён быў вядомы тым, што пісаў звароты да ўладаў.
29 сакавіка 2021 года да яго дамоў уварваліся людзі з аўтаматамі. Віталя затрымалі і асудзілі да 2 гадоў пазбаўлення волі за «абразу суддзі і абразу прэзідэнта».
Суддзя – Вадзім Здановіч, які часта ўдзельнічае ў палітычна-матываваных працэсах. У 2017 годзе ён прысудзіў вялікія штрафы журналістам «Белсату» Алесю Леўчуку і Мілане Харытонавай.
🤯 Віталя Зарадзея абвінавацілі ў тым, што ён падаваў у канцылярыі судоў позвы, дзе, паводле экспертызаў, «дапускаў негатыўную ацэнку» суддзяў і Аляксандра Лукашэнкі. Сілавікі налічылі 7 такіх «правапарушэнняў». Даведацца, якімі ж словамі Віталь пакрыўдзіў Лукашэнку і суддзяў, не давялося: гэтую частку суда закрылі.
Пакаранне Віталь Зарадзей адбываў у шклоўскай калоніі №17.
Крыніца: @belsat, «Вясна»
BY Белсат
Share with your friend now:
group-telegram.com/belsat/90157