This media is not supported in your browser
VIEW IN TELEGRAM
ڕۆژی جلوبەرگی کوردی و پێشوازی لە نەورۆزی کوردەواری ، 20ی ڕەشەمەی 2723ی کوردی
Media is too big
VIEW IN TELEGRAM
نەورۆز
شێعری شەماڵ ئیسماعیل پوور
خوێندنەوە :ژینا مورادی
شێعری شەماڵ ئیسماعیل پوور
خوێندنەوە :ژینا مورادی
Forwarded from بەیان-لکێنەر
هاونیشتمانیی ئازیزم
هاوڕێی شیرینم
هەر وەکوو نەورۆزی کوردەواری گۆڕان و نوێ‌بوونەوە دەکەینە وانەی ژیان و لە گۆڕان ناترسین و جیهانێکی نوێتر ئەزموون دەکەین. سەختی و دژوارییەکان هاسان دەکەینەوە. خۆمان لە زیندانی میشکی چەقبەستوو ڕزگار دەکەین و بە بیرێکی ڕەها و ئازادەوە دەژین. وەکوو ئاگری نەورۆز گڕ و گەرما و خۆشەویستی بەژیانمان دەبەخشین. بۆ نەیاران دەبینە گڕ و مەشغەڵان و بۆ نەتەوەکەمان دەبینە گەرما و بۆ خۆشەویستی دەبینە باڵوێز.وەکوو ئاگر ژیان دەبەخشین. ڕووناکیدەر دەبین و هەموو بیرە کۆن و نەخوازراوەکان دەسووتێنین.
وەکوو گەڕی شایی نەورۆزی ، یەکدڵی و پێکەوەبوون دەکەینە دروشم و لە شادی و خەمی یەکتردا دەبین. بڕوا بەوە دێنین وا هەموو ڕەنگەکان پێکەوە جوانن و هەموو بیرەکان پێکەوە ژیان سازن. ژن و پیاو پێکەوە دەبن بە ژین و ژنیش دەکەینەوە پێشەنگی ژیان.
نەورۆز تەنیا جەژنێکە وا هەموو دەنگ و بیرەکان پێکەوە کۆ دەکاتەوە و ئێمەش دەیکەینە هێمای ژین و پێکەوە ژیان. ئوستوورەکەی دەپارێزین و پشتمان بە خۆمان و شاخ و گڕ و سروشتەوە دەبەستینەوە.
بووکی نیشتمان باڵای ڕازەوەی سروشتە و نیشتمانپەروەر ئەوە کەسەیە وا ئەو بووکە دەپارێزێ و لەگەڵ سروشتی ڕازاوە کولتوور و زمان دەکاتە هێمای مانەوە و زیندوومانی و بێگومان ئێمە ئەو کەسە نیشتمانپەروەرەین.
نەورۆز دەڵێ تەنگانان بەریان کورتە و هیچ سەرمایەک تا سەر نییە و ئێمەش لە تەنگانان دەرباز دەبین و دەگەینە فەرعانی.
شادی ڕوخساری جیانەکراوەی نەورۆزە و دەیکەینە پێناسەی ژیان و ئازادی خۆشەویستیمان.
نەورۆز بۆ ئێمە ڕۆژی ڕەنگدانەوەی کولتوور و زمان و شوناسی نەتەوایەتیمانە. هەموو ڕۆژەکانی ساڵ کولتوور و زمان و شوناسمان دەپاڕێزین تا لە نەورۆزی داهاتوودا شەرمەزاری خۆمان و نەورۆز و نەوەی داهاتووی گەلەکەمان نەبین.
نەورۆزتان پیرۆز و ژیانتان پڕ لە وانەی نەورۆز!
شەماڵ ئیسماعیل پوور ،نەورۆزی 2724 ی کوردی
@taqetirega
هاوڕێی شیرینم
هەر وەکوو نەورۆزی کوردەواری گۆڕان و نوێ‌بوونەوە دەکەینە وانەی ژیان و لە گۆڕان ناترسین و جیهانێکی نوێتر ئەزموون دەکەین. سەختی و دژوارییەکان هاسان دەکەینەوە. خۆمان لە زیندانی میشکی چەقبەستوو ڕزگار دەکەین و بە بیرێکی ڕەها و ئازادەوە دەژین. وەکوو ئاگری نەورۆز گڕ و گەرما و خۆشەویستی بەژیانمان دەبەخشین. بۆ نەیاران دەبینە گڕ و مەشغەڵان و بۆ نەتەوەکەمان دەبینە گەرما و بۆ خۆشەویستی دەبینە باڵوێز.وەکوو ئاگر ژیان دەبەخشین. ڕووناکیدەر دەبین و هەموو بیرە کۆن و نەخوازراوەکان دەسووتێنین.
وەکوو گەڕی شایی نەورۆزی ، یەکدڵی و پێکەوەبوون دەکەینە دروشم و لە شادی و خەمی یەکتردا دەبین. بڕوا بەوە دێنین وا هەموو ڕەنگەکان پێکەوە جوانن و هەموو بیرەکان پێکەوە ژیان سازن. ژن و پیاو پێکەوە دەبن بە ژین و ژنیش دەکەینەوە پێشەنگی ژیان.
نەورۆز تەنیا جەژنێکە وا هەموو دەنگ و بیرەکان پێکەوە کۆ دەکاتەوە و ئێمەش دەیکەینە هێمای ژین و پێکەوە ژیان. ئوستوورەکەی دەپارێزین و پشتمان بە خۆمان و شاخ و گڕ و سروشتەوە دەبەستینەوە.
بووکی نیشتمان باڵای ڕازەوەی سروشتە و نیشتمانپەروەر ئەوە کەسەیە وا ئەو بووکە دەپارێزێ و لەگەڵ سروشتی ڕازاوە کولتوور و زمان دەکاتە هێمای مانەوە و زیندوومانی و بێگومان ئێمە ئەو کەسە نیشتمانپەروەرەین.
نەورۆز دەڵێ تەنگانان بەریان کورتە و هیچ سەرمایەک تا سەر نییە و ئێمەش لە تەنگانان دەرباز دەبین و دەگەینە فەرعانی.
شادی ڕوخساری جیانەکراوەی نەورۆزە و دەیکەینە پێناسەی ژیان و ئازادی خۆشەویستیمان.
نەورۆز بۆ ئێمە ڕۆژی ڕەنگدانەوەی کولتوور و زمان و شوناسی نەتەوایەتیمانە. هەموو ڕۆژەکانی ساڵ کولتوور و زمان و شوناسمان دەپاڕێزین تا لە نەورۆزی داهاتوودا شەرمەزاری خۆمان و نەورۆز و نەوەی داهاتووی گەلەکەمان نەبین.
نەورۆزتان پیرۆز و ژیانتان پڕ لە وانەی نەورۆز!
شەماڵ ئیسماعیل پوور ،نەورۆزی 2724 ی کوردی
@taqetirega
Telegram
attach📎
Media is too big
VIEW IN TELEGRAM
هێما
شەماڵ ئیسماعیل پوور
بە ئەو زەردەی لەسەر لێوت بەجێما
بــە چـــاوێ بۆ ژیانم بوو بــــە هێما
خـــــەیاڵم هەر شەباوێزی ملی تۆن
دوو چاوی دووری دیدەم هەر لە ڕێ ما
هــــەناسەم ئاوێزانی هێڵی غــــەیبە
لەسەرخۆ چووی لەسەرخۆ چوو لە جێما
بە شیرینی و بە تاڵی هـــــەرچی دەیڵێی
وزەی ڕێمن وەیــــا زەنجیر لــــە پێمــــا
لـــەبۆ کۆچی عـــەزیزت وا دەسووتێی
دڵــم سووتا بە سووتانت ئـــــــەرێ ما؟
لەرەی سینەت گــــەزۆی ڕێگا دەڕێـــژن
هەتا ون‌بووی لەبەر چاو بۆی بەهێ ما
لە تاڤگەی ڕووت شەرابی لەنجە دەڕژێ
بزەت دەپژێ بــە سەر دەشت و هەرێما
بـــــەڵاگەردانی باڵات کـــــوێیە جێگەی
"شەماڵ"ت مانگ و ساڵان هەر لەوێ ما
@taqetirega
شەماڵ ئیسماعیل پوور
بە ئەو زەردەی لەسەر لێوت بەجێما
بــە چـــاوێ بۆ ژیانم بوو بــــە هێما
خـــــەیاڵم هەر شەباوێزی ملی تۆن
دوو چاوی دووری دیدەم هەر لە ڕێ ما
هــــەناسەم ئاوێزانی هێڵی غــــەیبە
لەسەرخۆ چووی لەسەرخۆ چوو لە جێما
بە شیرینی و بە تاڵی هـــــەرچی دەیڵێی
وزەی ڕێمن وەیــــا زەنجیر لــــە پێمــــا
لـــەبۆ کۆچی عـــەزیزت وا دەسووتێی
دڵــم سووتا بە سووتانت ئـــــــەرێ ما؟
لەرەی سینەت گــــەزۆی ڕێگا دەڕێـــژن
هەتا ون‌بووی لەبەر چاو بۆی بەهێ ما
لە تاڤگەی ڕووت شەرابی لەنجە دەڕژێ
بزەت دەپژێ بــە سەر دەشت و هەرێما
بـــــەڵاگەردانی باڵات کـــــوێیە جێگەی
"شەماڵ"ت مانگ و ساڵان هەر لەوێ ما
@taqetirega
Forwarded from بەیان-لکێنەر
(سێزدەبەدەر)
بنەماڵە دوای سیستمی پەروەردە پێکهاتەیەکی بەهێزی ترە کە دەتوانێ لە سەر تاک شوێنی بەر چاوی هەبێ. دایکان و باوکانی سروشت خۆشەویست لە هەموو ئاکار و کردەوەکانیاندا دەتوانن منداڵەکانیان بە شێوەیەک بار بێنن کە شیاوی شارۆمەندێکی بە تەواو مانا بێت. شارۆمەندی ساغ دەستکردی بنەماڵەی ساغ و پەروەردەی ڕێکوپێکە. منداڵ لە هەموو ڕۆژانی چوونە نێو سروشت و گەشت و سەیران و سێزدەبەدەر و پشوودان و هتد لە گەڵ بنەماڵەدایە و بنەماڵەکان دەتوانن خۆشەویستی سروشت بخەنە دڵی منداڵانەوە و بەم کارە شارۆمەندێکی بەرپرس لە بەرانبەر سروشتدا پێبگەیەنن. کۆمەڵگای سروشت خۆشەویست بە گشتی کۆمەڵگایەکی خاوەن بەزەیی و بێ توندوتیژییە.بۆ وێنە منداڵانی ئێمە لە هەر جێیەک پشیلەیەک ببینن ، دەبێ بێ سێ ودوو بەردێکی تێبگرن و سەگ بە حەوشەیەکی پێبکەن و ژنان و پیاوانیش دەبێ لاقێکی لێ بە عەرزی دابدەن و بە فسە و ختە هەڵیبڕن. دەیان کردەوەی ناشیرینی تری دژ بە ئاژەڵ و سروشت دەبیندرێ کە هەموو ڕۆژێ دووپات دەبنەوە و بوونەتە شتێکی زۆر ئاسایی و نۆڕمێکی کۆمەڵگا. ئەمە لە حاڵێکدایە کە لە وڵاتانی پێشکەوتوو ئەندامانی کۆمەڵگا لە ئاست هەموو گیانداران خاوەن بەزەیین و تا ئەو جێیەی بۆیان دەکرێ ژیانیان دەپارێزن. هەر وەها ئەو بنەماڵانەی کە لە بەر دەرکەی خۆیان گیا و گوڵ و دار بە شێوەیەکی بەرچاو ڕەعەمەل دێنن، لە ماڵیات و پووڵی ساڵانەی شارەداری مەعاف دەکرێن. لە هەر بنەماڵەیەکدا لانی کەم گیانلەبەرێک هەیە کە خۆیان بە بەخێو کردنیەوە خەریک دەکەن و ئەمەش دەبێتە هۆی دروست بوونی خۆشەویستی سروشت و گیانلەبەرانی.
نیشتمانپەروەر کەسێکە کە بە خۆشەویستییەوە لە سروشتی زێدەکەی دەڕوانێ و هەمیشە خزمەتکاری زێدەکەیەتی. ئەم خۆشەویستییه یەکێک لە توخمەکانی پێکهێنەری کەسایەتییە، کە لە ڕێی پەروەردەوە لە ڕۆح و دەروونی تاکدا چەکەرە دەکا و سەوز دەبێ.بەڵام ئەم توخمە لە دڵ و دەروونی زۆربەی تاکەکانی کورددا نییە و هەستی سروشت خۆشەویستی غەوارەیە.ئەو کۆمەڵگایانەی کە بە هۆی شەڕوشۆر و توندوتیژی وداگیرکراوی ودەیان ئاوەڵناوی ترەوە لە بارودۆخێکی ناجێگیر و سەقامنەگرتوودان،چەمکی نیشتمانپەروەری تەنیا بۆ پاراستنی نیشتمان لە دەست داگیرکەر و نەتەوی هاتۆتە ئاراوە و سەر و خوێن بەخشین لە تایبەتمەندییە سەرەکییەکانی بووە و تاکی نیشتمانپەروەر هەموو ژیانی بۆ ئەمە تەرخان کردووە.هەربۆیە ڕەنگە بە کەموکورتی زانیبێ کە باس لە سروشت و دار و بەرد وئاژەڵ و کیسەڵ و گیا و گژی نیشتمانەکەی بکا و وا پەروەردەکراوە کە تەنیا بەرگری کردن لە خاک و نیشتمان بە کردەوەی شیرانە بزانێ. کاتی ئەوە هاتووە کە بۆ هەموو ئەو چەمکانەی کە ساڵانێکی دوور و درێژە لە سەر زار و زمانمانن ، پێناسەیەکی تازەبکەین و شان بە شانی پێناسە تازەکان بۆ هەر چەمکێک بڕۆینە پێش.
(شەماڵ ئیسماعیل پوور)
@taqetirega
بنەماڵە دوای سیستمی پەروەردە پێکهاتەیەکی بەهێزی ترە کە دەتوانێ لە سەر تاک شوێنی بەر چاوی هەبێ. دایکان و باوکانی سروشت خۆشەویست لە هەموو ئاکار و کردەوەکانیاندا دەتوانن منداڵەکانیان بە شێوەیەک بار بێنن کە شیاوی شارۆمەندێکی بە تەواو مانا بێت. شارۆمەندی ساغ دەستکردی بنەماڵەی ساغ و پەروەردەی ڕێکوپێکە. منداڵ لە هەموو ڕۆژانی چوونە نێو سروشت و گەشت و سەیران و سێزدەبەدەر و پشوودان و هتد لە گەڵ بنەماڵەدایە و بنەماڵەکان دەتوانن خۆشەویستی سروشت بخەنە دڵی منداڵانەوە و بەم کارە شارۆمەندێکی بەرپرس لە بەرانبەر سروشتدا پێبگەیەنن. کۆمەڵگای سروشت خۆشەویست بە گشتی کۆمەڵگایەکی خاوەن بەزەیی و بێ توندوتیژییە.بۆ وێنە منداڵانی ئێمە لە هەر جێیەک پشیلەیەک ببینن ، دەبێ بێ سێ ودوو بەردێکی تێبگرن و سەگ بە حەوشەیەکی پێبکەن و ژنان و پیاوانیش دەبێ لاقێکی لێ بە عەرزی دابدەن و بە فسە و ختە هەڵیبڕن. دەیان کردەوەی ناشیرینی تری دژ بە ئاژەڵ و سروشت دەبیندرێ کە هەموو ڕۆژێ دووپات دەبنەوە و بوونەتە شتێکی زۆر ئاسایی و نۆڕمێکی کۆمەڵگا. ئەمە لە حاڵێکدایە کە لە وڵاتانی پێشکەوتوو ئەندامانی کۆمەڵگا لە ئاست هەموو گیانداران خاوەن بەزەیین و تا ئەو جێیەی بۆیان دەکرێ ژیانیان دەپارێزن. هەر وەها ئەو بنەماڵانەی کە لە بەر دەرکەی خۆیان گیا و گوڵ و دار بە شێوەیەکی بەرچاو ڕەعەمەل دێنن، لە ماڵیات و پووڵی ساڵانەی شارەداری مەعاف دەکرێن. لە هەر بنەماڵەیەکدا لانی کەم گیانلەبەرێک هەیە کە خۆیان بە بەخێو کردنیەوە خەریک دەکەن و ئەمەش دەبێتە هۆی دروست بوونی خۆشەویستی سروشت و گیانلەبەرانی.
نیشتمانپەروەر کەسێکە کە بە خۆشەویستییەوە لە سروشتی زێدەکەی دەڕوانێ و هەمیشە خزمەتکاری زێدەکەیەتی. ئەم خۆشەویستییه یەکێک لە توخمەکانی پێکهێنەری کەسایەتییە، کە لە ڕێی پەروەردەوە لە ڕۆح و دەروونی تاکدا چەکەرە دەکا و سەوز دەبێ.بەڵام ئەم توخمە لە دڵ و دەروونی زۆربەی تاکەکانی کورددا نییە و هەستی سروشت خۆشەویستی غەوارەیە.ئەو کۆمەڵگایانەی کە بە هۆی شەڕوشۆر و توندوتیژی وداگیرکراوی ودەیان ئاوەڵناوی ترەوە لە بارودۆخێکی ناجێگیر و سەقامنەگرتوودان،چەمکی نیشتمانپەروەری تەنیا بۆ پاراستنی نیشتمان لە دەست داگیرکەر و نەتەوی هاتۆتە ئاراوە و سەر و خوێن بەخشین لە تایبەتمەندییە سەرەکییەکانی بووە و تاکی نیشتمانپەروەر هەموو ژیانی بۆ ئەمە تەرخان کردووە.هەربۆیە ڕەنگە بە کەموکورتی زانیبێ کە باس لە سروشت و دار و بەرد وئاژەڵ و کیسەڵ و گیا و گژی نیشتمانەکەی بکا و وا پەروەردەکراوە کە تەنیا بەرگری کردن لە خاک و نیشتمان بە کردەوەی شیرانە بزانێ. کاتی ئەوە هاتووە کە بۆ هەموو ئەو چەمکانەی کە ساڵانێکی دوور و درێژە لە سەر زار و زمانمانن ، پێناسەیەکی تازەبکەین و شان بە شانی پێناسە تازەکان بۆ هەر چەمکێک بڕۆینە پێش.
(شەماڵ ئیسماعیل پوور)
@taqetirega
Telegram
attach📎
Media is too big
VIEW IN TELEGRAM
(کەنار)
گوتم :
دەریات بۆ دەهێنم
بەردەرکەکەت دەکەم بە ڕۆخ
دەبمە
شەماڵی سەر ئاو و
شەپۆل دێنم لە بۆ تۆی شۆخ
#شه ماڵ_ئیسماعیل_پوور✍🏻
#شه_پۆل_نه_سری🎙️
@taqetirega
گوتم :
دەریات بۆ دەهێنم
بەردەرکەکەت دەکەم بە ڕۆخ
دەبمە
شەماڵی سەر ئاو و
شەپۆل دێنم لە بۆ تۆی شۆخ
#شه ماڵ_ئیسماعیل_پوور✍🏻
#شه_پۆل_نه_سری🎙️
@taqetirega
(بەستە)
تۆ
لە من بدوێ و
منیش لەتۆ
لە لەنجەتدا ناوم بێنە
لە ئاخاوتنی لەسەرخۆ
ناوت دەکەم بە سەربەندێک
هەمیشە بێتە سەر زارم
ئەوین ئازادیم نەداتێ
دەینێژمە نێو شەوی تارم
شەماڵ ئیسماعیل پوور
@taqetirega
تۆ
لە من بدوێ و
منیش لەتۆ
لە لەنجەتدا ناوم بێنە
لە ئاخاوتنی لەسەرخۆ
ناوت دەکەم بە سەربەندێک
هەمیشە بێتە سەر زارم
ئەوین ئازادیم نەداتێ
دەینێژمە نێو شەوی تارم
شەماڵ ئیسماعیل پوور
@taqetirega
ژانی شێعر
وشەی شێعرم
وەک گەردیلەی پێش هەر بوونێک
لەنێو گەردەلوولی قوڵەهەستێ
دێن و دەچن
پێکدا دەدرێن ، دەسوێن ، دەترازێن
لێک گیر دەبن
شێتم دەکەن
تا وەک مەشکەژەنێکی شەکەت
تۆزە ڕۆنێکیان لێدەگرم
کەچی کاتێ
لەگەردانەی یادی تۆدا
خۆ بە باڵای شۆخت دەگرن
دەبنە شێعر و خوناوکە و
نمەڕستەی خۆشەویستی
پەڵەهەورن
باش دەزانم
گەر تۆ نەبی
پێش پشکووتنی چاویان
بەژانی شێعرێکەوە دەمرم
شەماڵ ئیسماعیل پوور
@taqetirega
وشەی شێعرم
وەک گەردیلەی پێش هەر بوونێک
لەنێو گەردەلوولی قوڵەهەستێ
دێن و دەچن
پێکدا دەدرێن ، دەسوێن ، دەترازێن
لێک گیر دەبن
شێتم دەکەن
تا وەک مەشکەژەنێکی شەکەت
تۆزە ڕۆنێکیان لێدەگرم
کەچی کاتێ
لەگەردانەی یادی تۆدا
خۆ بە باڵای شۆخت دەگرن
دەبنە شێعر و خوناوکە و
نمەڕستەی خۆشەویستی
پەڵەهەورن
باش دەزانم
گەر تۆ نەبی
پێش پشکووتنی چاویان
بەژانی شێعرێکەوە دەمرم
شەماڵ ئیسماعیل پوور
@taqetirega
This media is not supported in your browser
VIEW IN TELEGRAM
(نەزانی)
سەدمخابن
گەر
زیندان و شەق و زللـە و
باتۆم و گوللـەش نەمێنێ
کۆترە دایکەی
ئەم هەرێمە
هەر بە زمانی بێگانە
بۆ زارۆکانی
دەگمێنێ !!!
( شەماڵ ئیسماعیل پوور)
@taqetirega
سەدمخابن
گەر
زیندان و شەق و زللـە و
باتۆم و گوللـەش نەمێنێ
کۆترە دایکەی
ئەم هەرێمە
هەر بە زمانی بێگانە
بۆ زارۆکانی
دەگمێنێ !!!
( شەماڵ ئیسماعیل پوور)
@taqetirega
(تاقیکاری)
✍️ شەماڵ ئیسماعیل‌پوور
بۆ ڕێوبان و سەردەراوان
کاتێ
پردێک هەڵدەبەستن
لە تاقیکاری یەکەم جارا
ئەندازیار و بەڵێندەری
لە بن پردا ڕادەوەستن
دەبا
ئەو کاتەش مەرەنگۆز
لە دار، هێمای ژین و جوانی
بۆ خنکاندن
دادەمەزرێنێ قەنارە
وەکوو یەکەم ئەزموونکردن
دارتاش و فەرماندەرەکەی
با پێی بدرێن لە سێدارە
ــــــــــــــــــــــــــــــــــــــــــــــــــ
*مەرەنگۆز : دارتاش
قەنارە : سێدارە
@taqetirega
✍️ شەماڵ ئیسماعیل‌پوور
بۆ ڕێوبان و سەردەراوان
کاتێ
پردێک هەڵدەبەستن
لە تاقیکاری یەکەم جارا
ئەندازیار و بەڵێندەری
لە بن پردا ڕادەوەستن
دەبا
ئەو کاتەش مەرەنگۆز
لە دار، هێمای ژین و جوانی
بۆ خنکاندن
دادەمەزرێنێ قەنارە
وەکوو یەکەم ئەزموونکردن
دارتاش و فەرماندەرەکەی
با پێی بدرێن لە سێدارە
ــــــــــــــــــــــــــــــــــــــــــــــــــ
*مەرەنگۆز : دارتاش
قەنارە : سێدارە
@taqetirega
( ئایەت )
هەموو ڕۆژێ
لەسەر شەریعەتی شێعر و
عـــــــــەشق
ئایەتێک بۆ ژیان
دەنووسمەوە
ئەوە کۆتایی پێغەمبەرێکی
عاشقە !
شــــــەماڵ ئیسماعیل پوور
@taqetirega
هەموو ڕۆژێ
لەسەر شەریعەتی شێعر و
عـــــــــەشق
ئایەتێک بۆ ژیان
دەنووسمەوە
ئەوە کۆتایی پێغەمبەرێکی
عاشقە !
شــــــەماڵ ئیسماعیل پوور
@taqetirega
Media is too big
VIEW IN TELEGRAM
(نووری ئاتەشگا)
خۆم دەسووتێم تا وڵاتم گڕ نەچێتە نێو لەشی
چاوەکانم بابسووتێن کزنەبێ چاوی گەشی
گەر هەزاران کەمتیاریش ببنە مۆتەی باخ و ڕەز
میوەکەی سەربەست وئازاد،تۆ بەشی باغی مەشی
من گڕێک بەربێتە جەستەم نووری ئاتەشگایە بۆم
با لەبەر شۆقم ببینێ دوژمنم چارەی ڕەشی
ناحەزان ئاگر بە جەستەی نیشتمانمدا دەکەن
من لە ئاوی مۆمی ڕۆحم پێی دەدەم ئێستا بەشی
پڕ بە مێژوو ئاگری بەربۆتە جەستە و ئێستەکەش
هەربەپێوە ڕادەوەستن دوند و شاخی سەرکەشی
ڕۆحی یاران بۆتە باران، قاقڕی خاکی وەتەن
لادەچێت و داری ئاوات دێتەوە کات و کەشی
سەدهەزاران خەونی پیست بۆ دەبینن خێڵی شەو
جوانی فەرموو مامەهێمن هەردەمێنی وهەر هەشی
شەماڵ ئیسماعیل پوور
خوێندنەوە : مونیر کورد
@taqetirega
خۆم دەسووتێم تا وڵاتم گڕ نەچێتە نێو لەشی
چاوەکانم بابسووتێن کزنەبێ چاوی گەشی
گەر هەزاران کەمتیاریش ببنە مۆتەی باخ و ڕەز
میوەکەی سەربەست وئازاد،تۆ بەشی باغی مەشی
من گڕێک بەربێتە جەستەم نووری ئاتەشگایە بۆم
با لەبەر شۆقم ببینێ دوژمنم چارەی ڕەشی
ناحەزان ئاگر بە جەستەی نیشتمانمدا دەکەن
من لە ئاوی مۆمی ڕۆحم پێی دەدەم ئێستا بەشی
پڕ بە مێژوو ئاگری بەربۆتە جەستە و ئێستەکەش
هەربەپێوە ڕادەوەستن دوند و شاخی سەرکەشی
ڕۆحی یاران بۆتە باران، قاقڕی خاکی وەتەن
لادەچێت و داری ئاوات دێتەوە کات و کەشی
سەدهەزاران خەونی پیست بۆ دەبینن خێڵی شەو
جوانی فەرموو مامەهێمن هەردەمێنی وهەر هەشی
شەماڵ ئیسماعیل پوور
خوێندنەوە : مونیر کورد
@taqetirega
This media is not supported in your browser
VIEW IN TELEGRAM
(کامێرای ڕۆح)
ڕۆحم
کامێرای ڕووتە و
چرکەچرکە
وێنەی شازت لێهەڵدەگرم
پڕپڕ دەبم
لە جوانیت
لە شیرینیت
لە ئەوێنت
ئەوسا جوانی دیتوو
بێ خەم دەمرم
کاتێ
پۆلێ فریشتەی خودا
دەورم دەدەن
لێم دەپرسن لە ئیمانم
لە خۆشەویستی دەستکردی ئەو
دەیخەمە سەر سەفحەی ڕۆحم
با بیبینن
سەدان وێنەت نیشتمانم !
✍ شــــــــــەماڵ ئیسماعیل‌پوور
@taqetirega
ڕۆحم
کامێرای ڕووتە و
چرکەچرکە
وێنەی شازت لێهەڵدەگرم
پڕپڕ دەبم
لە جوانیت
لە شیرینیت
لە ئەوێنت
ئەوسا جوانی دیتوو
بێ خەم دەمرم
کاتێ
پۆلێ فریشتەی خودا
دەورم دەدەن
لێم دەپرسن لە ئیمانم
لە خۆشەویستی دەستکردی ئەو
دەیخەمە سەر سەفحەی ڕۆحم
با بیبینن
سەدان وێنەت نیشتمانم !
✍ شــــــــــەماڵ ئیسماعیل‌پوور
@taqetirega
This media is not supported in your browser
VIEW IN TELEGRAM
پۆلی فێرکاری ڕێنووسی زمانی کوردی و دێڕەشێعرێک لە مامۆستا هێمن
Media is too big
VIEW IN TELEGRAM
وتارێک لەسەر تیۆری فێربوون و شێوازی وانەگووتنەوە
زانکۆی ئازادی سەقز
۲۲ی سەرماوەزی ۱٤۰۳
زانکۆی ئازادی سەقز
۲۲ی سەرماوەزی ۱٤۰۳
Forwarded from لکێنەر بات
قۆزاخەیەك له خەون و بۆنی فیراق
مەڕۆ هاوڕێم
لەم قۆزاخه تەریكەدا
خەونەكانم
جینگڵی
زامدارێكی نێو پێخەف و
قەتماخەی
زامێكی دەمداپچڕاوی
چێشتەنگاوێكی كرمنن
تەنیا به سروەی سووكی هەناسەت
پەپوولەی هەستی قەتیسم
بای باڵ دەدا و
بۆ شكانێ دێته جۆش
مەڕۆ هاوڕێم
تۆ شەكەت و من لەپێكەوتوو
بەرەو نەمانه ئەم ڕێیه
به لقی بێگیانی داری گوێڕێوه
چلووره هەناسەی بێخاوەن و
سەدان ئەوینی سەرما بردووه
مەڕۆ هاوڕێم
خۆ له ئامێزی زستان خستن
سووتانی هەناوی ئاگره و
شایلۆغانی تابۆكان
بۆ سەما كردن لەبەر دەم
روخسارێكی دزێودا
پێملبوونه پێملبوون
مەڕۆ هاڕێم
ئەم زستانه
دەیان چلەی گۆپاڵ بەدەستی
چاوشینیشی بێت
بەهارێكی گەش بەڕێوەیه
پیرەزریان
چەند شێتانه
له سەر جەمسەری كۆتایی
كورسی زستانا
ڕۆمانی فیراق دەنووسێ
وا له حەنجەرەی
شەماڵا
له سەر شوستەی وەسڵ
جووتێ قومری عاشق سەما دەكەن
له پەنجەرەی
دیوانی پیرەئەویندارەكەی موكریانەوه
رۆحی شاعێر
ئاوێتەی
چریكەی ئەهوورایی "ماملێ"یه و
هەناسەكەم:
« وەرەوه به شەرتی جاران
رۆژێ سەد جارت فیدا بم»
✍ شەماڵ ئیسماعیل پوور
دەنگ : هێدی ئسماعیل پوور
@taqetirega
مەڕۆ هاوڕێم
لەم قۆزاخه تەریكەدا
خەونەكانم
جینگڵی
زامدارێكی نێو پێخەف و
قەتماخەی
زامێكی دەمداپچڕاوی
چێشتەنگاوێكی كرمنن
تەنیا به سروەی سووكی هەناسەت
پەپوولەی هەستی قەتیسم
بای باڵ دەدا و
بۆ شكانێ دێته جۆش
مەڕۆ هاوڕێم
تۆ شەكەت و من لەپێكەوتوو
بەرەو نەمانه ئەم ڕێیه
به لقی بێگیانی داری گوێڕێوه
چلووره هەناسەی بێخاوەن و
سەدان ئەوینی سەرما بردووه
مەڕۆ هاوڕێم
خۆ له ئامێزی زستان خستن
سووتانی هەناوی ئاگره و
شایلۆغانی تابۆكان
بۆ سەما كردن لەبەر دەم
روخسارێكی دزێودا
پێملبوونه پێملبوون
مەڕۆ هاڕێم
ئەم زستانه
دەیان چلەی گۆپاڵ بەدەستی
چاوشینیشی بێت
بەهارێكی گەش بەڕێوەیه
پیرەزریان
چەند شێتانه
له سەر جەمسەری كۆتایی
كورسی زستانا
ڕۆمانی فیراق دەنووسێ
وا له حەنجەرەی
شەماڵا
له سەر شوستەی وەسڵ
جووتێ قومری عاشق سەما دەكەن
له پەنجەرەی
دیوانی پیرەئەویندارەكەی موكریانەوه
رۆحی شاعێر
ئاوێتەی
چریكەی ئەهوورایی "ماملێ"یه و
هەناسەكەم:
« وەرەوه به شەرتی جاران
رۆژێ سەد جارت فیدا بم»
✍ شەماڵ ئیسماعیل پوور
دەنگ : هێدی ئسماعیل پوور
@taqetirega
Telegram
attach📎