"Свабода — гэта рабства"

На Еўрарадыё ў адным з матэрыялаў з "гендарнай" рубрыкі спрабуюць апраўдаць "культуру адмены" (cancel culture), якая некаторымі завецца таксама антыкультурай. Адзін з галоўных пасылаў: як "злыя" мужчыны супраціўляюцца гэтай з'яве. Гэта не павінна здзіўляць, бо ідэйны (ці грантавы?) профіль ЕР вядомы.

Аднак ўвагу звярнуў сказ: "Яшчэ гэты прыводзіць да распаўсюду кансерватыўных, рэакцыйных поглядаў". Тэрмін рэакцыйны моцна прыпомніў, як савецкія камуністы таксама пужалі "рэакцыйнымі" поглядамі, у тым ліку кансерватыўнымі і ліберальнымі ды апраўдвалі цэнзуру. Далей чуем пра "ультракансерватыўныя" і "экстрэмісцкія", як некалі "фашысцкія".

Канешне, новыя даследаванні і артыкулы чаму ідзе моцны байкот cancel culture, фэйкавай роўнасці і цэнзуры пад вокладкай паліткарэктнасці (агульна woke) не прыводзяцца, хаця апошні час моцна абмяркоўваюцца на г.зв. Захадзе, асабліва пасля выбараў у ЗША.

Калі што да пана Зміцера Лукашука тут няма прэтэнзіі, дзякуй за выдатную журналісцкую працу.