🪐Мыслителі руснакам. Еразм Ротердамськый #7

#мыслителі #Ротердамськый

🪐Мыслителі руснакам. Еразм Ротердамськый #8

#мыслителі #Ротердамськый

🪐Мыслителі руснакам. Еразм Ротердамськый #9

#мыслителі #Ротердамськый

🐗Звірька, зафіксована фото-слопцьом на просторах Національного природного парка "Зачарований край"

#природа #Пудкарпатя

👉На каналі Трансліта типир ся публікувуть русинські товмаченя новел Ернеста Гемінґвея. Кіть маєте дяку на сякоє світовоє чтиво, заходіть на Трансліту, де найдете булше деталюв ид проєктови.

#література

У гавани Смірны

Дуже чудно, уповів ун, ож они усе гойкали руно у пувнуч.

Не знаву, зашто вни гойкали иппен у сись час. Были-сьме у гавани, а вни на молі, тай у пувнуч зачинали гойканя. Обы їх приспокоїти, наводили-сьме на них прожектор. Робило нараз. Два ци три разы-сьме засвічовали цілисинькый мол, та тогды вни замовкали.

Один раз, коли-м быв головом команды, што робила на молі, д мині пудыйшов турецькый офіцер, онь задыхавучи ся уд злости, тай уповів, што наш матроз читаво його убразив. Удвітив-им му, што матроза я строго покараву тай управлю на шіфу. Попросив-им указати мині винного. Показав на єдного майсупукуйного лиґіня з обслугы канону.

Повторив, ож тот го дуже страшно убразив, но тай не єден раз, а много: зо мнов говорив через товмача. Не дуже-м віровав, ож матроз натулько добре знав по-турецькы, обы вповісти дашто убразливоє. Узвав-им його і вповів:

— Сесе на тот трафунок, аж-ись говорив из даякым турецькым офіцером.

— Не говорив-им ани з одным, сер.

— Вірю тобі, — уповів-им му, — айбо і так ліпше иди на шіфу тай до завтра не выходь.

По тому-м убвістив турка, што матроз уже є на шіфі, де чекат на нього читава кара. Мож даже уповісти — жорстока кара. Тот ся дуже зрадовав, та розприказовали-сьме ся з ним, таги цімборы. Май страшноє, казав ун, – жоны з умерлыми дітьми.

Не было ніякої можности убідити жону, вбы уддала свою мертву дітину. Пораз держали їх на руках і по шіст дну. Ніяк не хотіли давати, никус. Нич-исьме не могли вчинити.

Айбо мусіли-сьме у них удбирати, тай ищи відів-им старезну жону – но дуже чудный трафунок. Казав-им за ниї одному дохторови, тай удвічав мі, што-м сесе лиш придумав. Чистили-сьме мол, требало гет забрати мертвых, а стара лежала на даякых саморобных переносках. Уповіли мині: "Ци хочете на ню поникати, сер?". Поникав-им, тай у ту саму минуту вна умерла і нараз задубіла. Ногы юй ся зогнули, тулуб ся припудняв, тай так вна і застигла. Таги бы з вечора лежала мертвыв. Была гет мертва і негнучка. Коли-м розказав за ниї дохторови, ун заявив, што сякоє не годно было ся стати.

Ушиткі вни ся кіснили на молі, айбо не так, як ото ся стрічат пуд час землетрусу вадь у дачум такому, завто ож не знали, што для них годен угадати старый турок. Не знали, што годен учинити. Тямлю, коли нам запрітили заходити у гавань, обы чистити мол уд мертвых. Тогды, рано, перед заходом у гавань, дуже мині было страшно. Канону мав ун доста, тай супукуйно муг нас укіряти гет. Рішили-сьме зайти, идучи впритычкы, впритул д молові, веречи вбыдві котвы тай зачати пальбу по турецькому районови вароша. Укіряли бы нас гет, айбо рознесли бы-сьме варош. Коли-сьме зайшли у гавань, убстріляли нас сліпыми набоями. Кемаль приїхав у порт тай изняв турецького команданта. За перевыщеня уповномочень вадь штось такоє. Помного на ся узяв. Могла ся стати дуже пудла історія.

Тяжко забыти набережну Смірны. Што лиш не плавало у ниї у воді. Дуйшов-им ид тому, што миня ся снили вночи мары — пирьвый раз за житя.
Рожениці не такі страшні, ги жоны з мертвыми дітьми. А народжовали многі.

Чудно, што умерли дуже немногі. Тых просто дачим закрывали тай лишали. А так ся вни фурт забивали у май темный кут трюма, де народжовали. Кой їх забирали з мола, уже ся бурш нич не бояли.

Грекы тоже было премилі люде. Коли вни лишали Смірну, не годні были узяти з собов ушиткых своїх бисажных животин, завто ламали їм пиридні лабы тай стручовали у мілку воду. Всі мулы з поламаными лабами цырмали ся на мілчаді. Весела позиранка. Де щи май веселу.

🪐Мыслителі руснакам. Еразм Ротердамськый #10

#мыслителі #Ротердамськый

💐Сього дне, 8 марта, 1977 року ООН затвердила Межинародный динь боротьбы за жунські права тай межинародный мир. Ид чому і ґратулуєме вшиткым дотычным!