НÆУÆГБОНТЫ ЗАРÆГ

Хæдзаронтæ, хæдзаронтæ!
Фæцæуынц уæм дæрдбæлццонтæ...
Æддæмæ ма цæм ракæсут!
Уæ мæсыгмæ цæ бакæнут!
Хæдзаронтæ, хæдзаронтæ!
Фæцæуынц уæм нæуæг бонтæ.
Уæ ал–аз дæр хорзæй уынат!
Уæ фидæнмæ фæрныгдæр уат!
Уæ лæг уын саг куыд амара!
Уæ ус уын тыр куыд ныййара!
Хъæуваг куывд уæм куыд æрцæуа!
Уæ басылы къух мæн куыд фæуа!
Хæдзаронтæ, хæдзаронтæ!
Фæцæуынц уæм нæуæг бонтæ!
Фæхæссынц уын нæуæг бонтæ
Фыдздзаг хæрзтæй хуыздæр хæрзтæ!

Хетæгкаты Къоста
💡 Рухсадон проект #рухс_ссудз
#рс_поэзи

Ног азы хорзæх уæ уæд, Иры цæрджытæ, каналы кæсджытæ!

Сабырдзинад, амонд æмæ иузæрдиондзинад Хуыцау балæвар кæнæд!

Царды хæрзтæй хайджын ут! ✨

Æмæ ирон æвзаг хъуысæд, зæлæд, йæ аивдзинад ын йæ адæм куыд æмбарой æмæ дзы пайда куыд кæной! 💫

Шутливые пожелания на осетинском языке:

1. Амонд дæм дуарæй багæпп кæнæд - пусть счатья запрыгнет к тебе с двери;

2. Æхцаты бын фæу - окажись под деньгами;

3. Дæ хъæлдзæг худтæй бæстæ куыд ныззыр-зыр кæна - от твоего веселого смеха, чтобы все вокруг дрожало;

4. Чындзæхсæвтæ æмæ куывдтæм цæуынæй куыд бафæллайæм - чтобы мы устали от походов на свадьбы и кувды;

5. Не ‘хцатæ нымайынæй куыд бафæллайæм - чтобы мы устали деньги считать;

6. Алы бон дæр газетты дæ хорз хабæрттæ фыссынæй куыд стыхсой - чтобы устали от того, что каждый день твои хорошие дела в газетах пишут;

7. Де 'нæниздзинад танкерæй фидæрдæр куыд уа - чтобы твое здоровье было крепче танкера.

Ныффыссут ноджыдæр исты ⬇️

💡 Рухсадон проект #рухс_ссудз