1️⃣Пры затрыманні могуць знайсці падставу для новай справы. Пры затрыманні вашыя прылады і перапіску абавязкова правераць. За тыя гады, што мінулі з пратэстаў, вы маглі напісаць каментар, зрабіць данат або рэпост, які дзяржава палічыць новым «злачынствам».

2️⃣Тэрмін прыпыняецца, калі вы з'ехалі і вас абвясцілі ў вышук. Калі справу па артыкуле 342 завялі даўно, а вы паспелі з'ехаць ці схавацца, звычайны тэрмін даўнасці ў пяць гадоў усё роўна дзейнічае. Аднак калі вас абвясцілі ў вышук, тэрмін даўнасці павялічваецца да 15 гадоў. Гэта тычыцца як людзей за мяжой, так і тых, хто хаваецца ўнутры Беларусі.

3️⃣Рэжым можа пачаць пераследваць за ўдзел у мірных пратэстах 2020 года па больш цяжкіх артыкулаў. Напрыклад, па артыкуле 293 КК РБ — удзел у масавых беспарадках.

4️⃣Каб спыніць крымінальную справу, трэба правесці пэўныя працэсуальныя дзеянні. Гэта з большай верагоднасцю прывядзе да вашага затрымання і, магчыма, утрымання пад вартай да таго моманту, пакуль справа не будзе спыненая або пакуль у рэжыму не з'явіцца іншай падставы для пераследу.

«Пры гэтым нядаўнія памілаванні не павінны ствараць ілюзіі змякчэння палітыкі Лукашэнкі. Паводле звестак Праваабарончага цэнтра «Вясна», колькасць новых палітвязняў перавышае колькасць памілаваных: з 18 студзеня было вызвалена 105 чалавек, у той час як палітвязнямі прызнаныя 157. Сапраўды важна памятаць: тэрмін даўнасці — гэта не гарантыя бяспекі. Абарона ад пераследу патрабуе вашай асцярожнасці і разумення рэальных рызыкаў».

«Гэта паказала: усё магчыма, калі мы скаардынаваныя, адзіныя і паслядоўныя. Але вызвалена толькі 1,5% палітвязняў. Больш за 1150 застаюцца за кратамі. Рэпрэсіі ўзмацняюцца. І мы павінны змагацца за кожнага і кожную».

«Вызваленым не далі сапраўднай свабоды — іх дэпартавалі з краіны. І на месцы кожнага вызваленага з’яўляецца новы закладнік».

«Лукашэнка хоча, каб санкцыі былі знятыя без рэальных зменаў. Але змены павінны быць незваротнымі. Спыненне рэпрэсіяў і вызваленне палітвязняў — першы крок да нацыянальнага дыялогу, якога патрабуе беларускае грамадства».

«Лукашэнка калісьці называў Слабадана Мілошавіча братам — і скапіраваў яго метады: трымацца за ўладу любой цаной, кіраваць праз страх, прымушаць людзей маўчаць. Гэта тое, што аб’ядноўвае ўсіх тыранаў: бязмежная прага ўлады і поўная абыякавасць да чалавечай годнасці».

«Сёння сапраўдны падзел праходзіць не паміж левымі і правымі, а паміж тымі, хто верыць у свабоду, і тымі, хто ўхваляе тыранію. Паміж тымі, хто лічыць правы чалавека неабавязковымі, і тымі, хто ведае, што яны свяшчэнныя. Гэта маральная барацьба».

«Калі не абараняць дэмакратыю, яна можа абярнуцца супраць вас. Дыктатары навучыліся злоўжываць дэмакратычнымі інструментамі — выбарамі, законамі, свабодамі — каб падрываць гэтыя ж каштоўнасці».

«Мэта аўтарытарных рэжымаў — дыскрэдытаваць дэмакратыю, паказаць яе як марудную, слабую, хаатычную. Сказаць: «‎Глядзіце, дэмакратыя не працуе»‎. Але праўда ў тым, што дэмакратыя працуе — калі мы яе абараняем».

«Неабходна працягваць сумесныя намаганні ЗША і ЕС, каб дабіцца вызвалення ўсіх, хто знаходзіцца ў няволі, і спынення рэпрэсіяў у Беларусі. Спалучэнне ціску, салідарнасці і дыпламатыі працуе — і мы павінны рухацца далей».

«Харваты добра разумеюць беларусаў, якія змагаюцца не толькі за свабоду, але і за незалежнасць. Вы добра ведаеце, што такое тыранія — і таму падтрымліваеце Украіну і свабодную Беларусь. Мы цэнім нашае сяброўства і салідарнасць. Беларусь удзельнічае ў Дуброўніцкім форуме ўпершыню, і гэта магчымасць данесці не толькі нашыя пазіцыі, але і завязаць новыя кантакты. Тут шмат удзельнікаў з Балканскіх краінаў, з ЗША, а таксама з афрыканскага кантынента. Гэта магчымасць прасоўваць беларускае пытанне ў свеце і вырашаць практычныя праблемы беларусаў».