НАША ВЕРА.
КАТАЛІЦКАЯ ІНІЦЫЯТЫВА.

КАНФЕРЭНЦЫЯ ДА 80-ГОДДЗЯ ВЯЛІКАЙ ПЕРАМОГІ.

"Сведка веры і міласэрнасці" - канферэнцыя пад такой назвай аб'яднала прадстаўнікоў розных канфесій, дзяржаўнай улады і генеральнай пракуратуры. Сустрэча - ініцыятыва Касцёла, прысвечаная 80-годдзю Вялікай Перамогі  і 150-годдзю кангрэгацыі сясцёр-назарэтанак у Беларусі. Манашкі з Навагрудка ў гады вайны здзейснілі подзвіг самаахвярнасці і чалавечнасці. У жніўні 1943 года яны дабраахвотна ахвяравалі ўласным жыццём - дзеля жыццяў 120-ці мірных грамадзян, якіх збіраліся растраляць фашысты.

Канферэнцыя прысвечана не толькі сёстрам-назарэтанкам, але і ўсім каталіцкім вернікам, святарам і манахам, якія супрацьстаялі фашызму.
Гэта і ксяндзы Юрый Кашыра і Антоні Ляшчэвіч з Росіцы. У вайну ледзь не быў расстраляны Казімір Свёнтэк - будучы кардынал Беларусі.

Напрыканцы сустрэчы прадстаўнік генеральнай пракуратуры агучыў новыя лічбы матэрыялаў раследванняў па справе генацыду беларускага народа ў гады Вялікай Айчыннай вайны.

Фота #МАТУЛЯ

НАША ВЕРА.
ПРАВАСЛАЎНАЕ СВЯТА.

ІКОНА БАГАРОДЗІЦЫ
"ГОДНА ЁСЦЬ" : УШАНАВАННЕ.

24 чэрвеня 2025 года, у дзень ушанавання іконы Божай Маці, названай «Годна ёсць» («Мілуючая»), епіскап Барысаўскі і Мар'інагорскі Амуросій узначаліў Боскую літургію ў храме ў гонар святога прарока Іллі аг. Дукора Пухавіцкага р-на.

Гэты дзень асабліва значны для прыходу храма, так як у аг. Дукора, размешчаным у Пухавіцкім раёне, малітоўна шануюць Дукорскі вобраз Прасвятой Багародзіцы.

Абраз з'яўляецца важнай святыняй для мясцовых жыхароў і паломнікаў, якія прыязджаюць сюды, каб ушанаваць яе і звярнуцца да Багародзіцы за абаронай і благаслаўленнем.

#БарысаўскаяЕпархія