Заклік да міру і лагатып Юбілейнага года: працэсію Божага Цела ў Іўі ўпрыгожылі кветкавыя дываны
https://grodnensis.by/nawiny/13314-zaklik-da-miru-i-lahatyp-yubileinaha-hoda-pratsesiiu-bozhaha-tsela-u-iui-upryhozhyli-kvetkavyia-dyvany.html

БЕЛАРУСКІ ЦЫТАТНІК.
ВАЛЕРЫЙ ГАПЕЕЎ.

ДАБРАНАЧ - АД МАТУЛІ.

"Так бывае нечакана
Часам сэрца ўскалыхне:
Колькі мілых калыханак
Колісь мама спела мне.

Працавала мама зранку –
Адпачыць прылегла ледзь.
Я для мамы калыханку
Пачынаю ціха пець:

“Баю-бай, мая матуля,
Да цябе хай прыйдзе Сон
І пяшчотаю атуліць,
Ахіне сваім крысом.

І табе кіно пакажа
Аб тваім дзяцінстве ён.
Мы яму за гэта скажам:
“Дзякуй, добры дзядзька Сон !”


( СТАНІСЛАЎ ВАЛОДЗЬКА )

Мамачкам, як нікому патрэбны сон, бо з іх тэрмінам недасыпу, трывог, штодзённай напругі не параўнаецца ніхто і нішто !

У якім узросце маці можа заснуць спакойна ? Думаецца, няма такіх гадоў, бо заўсёды мама - гэта пра дзіцё...

Спіце-прысніце, матулі і хай спакойна адпачнуць вашы дзеці, а значыць - хай усім будзе ціхі, светлы сон !

ДАБРАНАЧ, СЯБРЫ ❤️!

ДОБРАГА РАНКУ !
МАТУЛЯ ВІТАЕ !

"Я паслаў бы, голуб,
Цябе ў любы край,
Дзе маё каханне,
Дзе мой светлы май.

Мо б занёс праз далеч
Мілай колькі слоў:
Лейлі, ты мне люба,
Жыў я і здароў.

Я сказаў бы, голуб:
Мчыся ў добры час,
Між дзяўчат пазнаеш
Мілую ты ўраз.

Ты яе пазнаеш,
Бо яна — адна,
Самая з наймілых
Мілая яна.

Што яна — красуня,
Слова нават дам.
Ну, а ці сумуе...
Ты убачыш сам."

( ЯН ЧАЧОТ )

Даты нараджэння аўтара гэтых радкоў - розняцца, але адна з іх: 24 чэрвеня 1796 года ў Слонімскай губерніі явіўся свету будучы Творца і ўдзельнік патрыятычнага літаратурнага таварыства філаматаў Ян Антоні Чачот.

Ён навучаўся разам з Адамам Міцкевічам.У 1823 годзе стварыў паэтычны клуб "Касталія".Прымерыў на сябе ваенную службу.Перажыў па жыцці нямала выпрабаванняў. Па вяртанні - збіраў і выдаваў у кнігах беларускі фальклор і па сённяшні дзень лічыцца адным з пачынальнікам беларускай літаратуры.

Вось такое яркае імя ! А верш - хай стане рамантычным пралогам новага дня.

ДОБРАГА РАНКУ, СЯБРЫ ❤️!

КУЛЬТУРНАЯ ПАЛІТРА БЕЛАРУСІ. СМАРГОНЬ. ГРОДЗЕНШЧЫНА.

КУЛЬТУРНАЯ ПАЛІТРА БЕЛАРУСІ. МІНСК.

КУЛЬТУРНАЯ ПАЛІТРА БЕЛАРУСІ. ВІЦЕБСК.

КУЛЬТУРНАЯ ПАЛІТРА БЕЛАРУСІ. БРЭСТ.

КУЛЬТУРНАЯ ПАЛІТРА БЕЛАРУСІ. МАГІЛЁЎ.

НАША НАДВОР'Е.

Прагноз надвор'я па Беларусі на 24 чэрвеня.

Пераменная воблачнасць.
🌧 На большай частцы тэрыторыі кароткачасовыя дажджы,
⚡️ месцамі навальніцы.
Вецер заходні,
у многіх раёнах моцны парывісты.
Максімальная тэмпература паветра + 17..+23°з.

У Мінску:
пераменная воблачнасць.
🌧 Невялікі кароткачасовы дождж (верагоднасць ападкаў 60-70%),
⚡ ⚡ магчымая навальніца.
🌬 Вецер заходні моцны парывісты.
Тэмпература паветра:
раніцай +13..+14 ° з,
днём +18..+20 ° з,
увечары +14..+16°з.

НАШ КАЛЯНДАР.
НАРОДНАЕ.
БЕЛАРУСЫ ПРЫКМЯЧАЛІ...

24 чэрвеня - Варнава.

У царкве гэты дзень звязаны з памяццю пра апостала Варнаву - аднаго з сямідзесяці вучняў Хрыста і заснавальніка кіпрскай царквы. Таксама яго шанавалі як заступніка ўраджаю і абаронцы ад нячыстай сілы.

Па-народнаму гэты дзень называлі Сунічнікам, бо ў гэты дзень паспявалі лясныя суніцы.

У старыя часы людзі верылі, што гэта дзень цудаў, чараўнікоў і вядзьмарства. Таму забаранялася ірваць траву, бо лічылі, што па ёй апоўдні качаецца невядомая сіла, якую нельга турбаваць і якая праз траву можа перадаць чалавеку ліха.

Былі такія прыкметы:
на Варнаву ні ў якім разе нельга ірваць траву;
у гэты дзень нячыстая сіла спутвае хамуты і лейцы, таму з імі трэба было быць вельмі асцярожнымі.
Была яшчэ такая прыкмета: калі ў гэты дзень туман стаіць, то будзе шмат грыбоў.

Свае сёння адзначаюць Андрэй, Багдан, Канстанцін, Лука, Аляксандр, Ян, Марыя і Фаіна.

НА ДОБРЫ ДЗЕНЬ...

"Ойча наш, каторы ёсць у небе, свяціся iмя Тваё, прыйдзi Валадарства Тваё, будзь воля Твая як у небе, так i на зямлi.

Хлеба нашага штодзённага дай нам сёння, і адпусцi нам правіны нашы, як i мы адпускаем вiнаватым нашым, і не ўводзь нас у спакусу, але збаў нас ад злога. Амінь."

Дай Божа, КОЖНАМУ ЧАЛАВЕКУ, пражыць гэты дзень у здароўі, радасці, добрых справах, павазе і любові да бліжняга, у асабістым поспеху і веры."