group-telegram.com/mstfaa9/3
Last Update:
ابعيني من شفتك رمية كَلبي حسيتة انكسر
اتوجهت روحي ابحزنهة تكصد الظل عل نهر
حيرة من شاهدت وضعك كلشي ماسالم شفت
أهواية الاسهام الرمية ابصدرك او انة كلت
حضري يازهرة الحزينة بلمصاب اتحيرت
عجب ياخوية الغريبة اشلون يمك ما متت
ابجسمك اخيول ال امية سحكت وتركت اثر
خذتة كلة اوياك حيلي كوة امشيلك صفيت
بعد ماخبرك علينة حايرة ابجرحك بقيت
صحت يارب البرية اتقبل القربة اودعيت
صعبة يغالي اعوفك تدري بلكوة اجيت
حضروا حبال وحسافة خدي تالي ينصطر
بضعن يبن امي يحدي بعدك ارجاس بحقد
اركب ابناكَة الهزيلة ولربعينك ابقة اعد
الا انذرلك حياتي بالدمع جفني يهد
بلحزن تلكاني اذكرك انحب واخمشلي خد
تطلع الحسرة بونيني انتة يانور البصر
حان الموداع علينة كافي ياجرحي عتاب
حاير احساسي ويسولف ابد مايحمل غياب
غيَّمت افكاري واكولن يل خدودك ع تراب
ياصبر يجرع مصابك منة رايد شو جواب
يكدر يكَابر عليهة اكبالي ذباحك يمر
الوزن : هجري
{٢٨ / ذو القعدة /١٤٤٢/ هجري }
{21/7/2020/ميلادي }
لا يجوز استعمالها بموسيقى الDJ
#الشاعر مصطفى الساعدي
BY الشاعر الميرزا مصطفى الساعدي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/mstfaa9/3