🗣 АҚШ-тың жаңа мемлекеттік хатшысы Марко Рубио Панамаға сапарлап, сол елдің президенті Хосе Рауль Мулиноға Панама каналының жұмысына дереу өзгеріс қажет деді

Мемлекеттік департамент басшысының айтуынша, АҚШ президенті Дональд Трамп Қытай ықпалы Панама каналының жұмысына қауіп төндіреді деген қорытындыға келген.

🇵🇦🇨🇳 Панама билігі канал жұмысын Қытай бақылауына алды дегенді жоққа шығарады. Reuters агенттігінің жазуынша, каналды Панама басқарып отыр.

Дегенмен каналдың екі жағындағы екі портты Қытайдың арнайы әкімшілік аймағы деген статусқа ие Гонконгте тіркелген компания басқарады. Одан басқа бірнеше порт АҚШ, Сингапур және Тайваньдағы компанияларға қарайды.

🇺🇸 Трамп қайта президент болып сайланғаннан кейін Панама каналын АҚШ бақылауына қайтару ниеті барын бірнеше рет мәлімдеген.

❤️Азаттыққа жазылыңыз

🔴 Майдан шебіндегі күл-талқаны шыққан жертөле. Бірнеше күннен бері бір жұтым су жоқ. Владислав есімді украин сарбазы қарулас серіктерінен теріс айналып, бөтелкеге зәр сындырды.

"Суытып алып, соны іштім" дейді ол.

🪖 2024 жылдың жазында әскери басшылық 23 жастағы Владислав пен тағы бір сарбазға Донецк облысының Клещеевка селосындағы майдан шебін ұстап тұруды бұйырған. Тапсырма бойынша екі аптаға деп жоспарланған еді, бірақ сарбаздар ол жерде екі айдан астам қалып қойды.

Осы уақыт ішінде аштық пен бір тамшы суға зар қылып қысқан шөл – оларды бекінген жерінен ығыстыруға тырысқан ресейлік әскерден кем емес қауіпті жауға айналды.

🔗Сілтемеден өтіп оқыңыз

❤️Азаттыққа жазылыңыз

🗣 2022 жылы Украинаға басып кіргені үшін Ресейге Батыс елдері санкция салғаннан кейін Мәскеу оны айналып өту жолын құру мақсатында Түркияда АЭС салу жобасын сылтау ретінде пайдаланды.

🇷🇺🇹🇷 Нәтижесінде АҚШ банктерінен бірнеше миллиард доллар Түркияға аударылып, Ресей билігінің шетелдегі операцияларын қаржыландыруға санкцияларды айналып өтуге пайдаланған болуы мүмкін.

Бұл туралы дереккөздеріне сүйенген The Wall Street Journal газеті жазды. АҚШ-тың әділет министрлігі тергеу жүргізіп жатыр деген де хабар айтылды.

💸 Ақпаратқа сәйкес, Ресей "Газпромбанк" арқылы америкалық JPMorgan және Citigroup деген екі банктен Түркиядағы "Зираат" банкіндегі шотқа ресми түрде Аккую АЭС-ін салуға несие ретінде деп 5 миллиард доллардан астам ақша аударған.

Схеманы жасауда Ресейдегі жоғары қызметтегі басшылар рөл атқарды делінген.

❤️Азаттыққа жазылыңыз

💬 Зеленский Трамп пен Путиннің Украинасыз өткізетін келіссөзі қауіпті дейді

Оның сөзінше, Ресей мен Украина арасындағы келіссөзге Еуроодақ өкілдері де қатысуы керек.

Украина басшысы Ресей атысты тоқтату туралы келіссөзге құлықты емес және бұған дейін айтқан талаптарынан да бас тартуға ниетті емес, себебі мұны жеңіліс ретінде қабылдауы мүмкін деді.

Трамптың Украина бойынша арнайы уәкілі Кит Келлогтың қаңтардағы Киевке жоспарланған сапары бұған дейін заңнамалық мәселелерге байланысты кейінге шегерілген еді.

❤️Азаттыққа жазылыңыз

📹 Алматыда Qaznews24 сатиралық паблигінің авторы Темірлан Еңсебекті қолдап, пикетке шыққаны үшін 15 күнге әкімшілік қамауға алынған журналист Руслан Бикетов бостандыққа шықты

Бикетовті полиция департаменті алдынан жақтастары қарсы алды. Оларды қалалық ішкі саясат бөлімінің қызметкерлері мен полиция сырттай бақылап тұрды.

Журналист сот шешіміне келіспейді. Сөзінше, сот қаулысын алмаған, құжатпен таныспаған.

📌 18 қаңтарда Алматының тергеу соты "әлеуметтік желіде ұлтаралық араздық қоздырды" деген күдікпен айып тағылған Темірлан Еңсебекті екі ай мерзімге тергеу абақтысына қамау жөнінде шешім шығарған. Полиция Qaznews24 авторы "бүтін бір этнос өкілін қорлайтын материал жариялады" деп мәлімдеген. Белсендінің жақтастары Темірлан саяси астармен қудалауға түсіп жатыр деп біледі.

❤️Азаттыққа жазылыңыз

🔴 Қазақстанда тұратын орыс ұлтының өкілдері QazNews24 сатиралық паблигінің авторы, қазір қамауда отырған Темірлан Еңсебекті қорғау акциясын бастады

Олар белсенді саяси әжуаға бола қудалауға ұшырады деп біледі. Билік істің саяси астары жоқ дейді.

🎶 Темірланды қорғау акциясын бастауға оның қызы – Мария Кочнева мұрындық болды. Бойжеткенді мұндай қадамға баруға биліктің Еңсебекке "Йоу, орыстар" деген әнді паблигіне көшіріп жариялағанына бола араздық қоздырды деген айып таққаны итермелеген.

Ол ресейшіл блогерлер бұл әнді "орысша сөйлейтіндерге қазақтардың қысым жасайтындығына дәлел-мыс" деп көрсетпек болғанымен, шын мәнінде олай емес дейді.

🇰🇿 Қазақстан билігі заңға қайшы келеді деп санайтын контенттерді анықтау мақсатында қазір әлеуметтік желілерді жіті бақылап, мониторинг жүргізіп отырады.

🔗Сілтемеден өтіп оқыңыз

❤️Азаттыққа жазылыңыз

🗣 Қазақстанда жылдық инфляция қаңтарда үдеп, шамамен 9 пайыз болды

Ұлттық статистика бюросының 2025 жылғы қаңтардағы инфляция туралы дерегі осылай дейді.

🛒 Елде бір жыл ішінде ақылы қызметтер бағасы 13,8 пайыз (2024 жылғы желтоқсанда – 13,3 пайыз), азық-түлікке жатпайтын тауарлар бағасы – 8,4 пайыз, азық-түлік бағасы 5,8 пайыз өскен.

📈 Ұялы байланыс қызметтері – 16,8 пайыз, денсаулық сақтау қызметтері – 12 пайыз, қоғамдық тамақтану қызметтері 10,9 пайыз қымбаттаған.

🧅 Азық-түлік арасында картоп бағасы 59,3 пайыз, пияз – 25,1 пайызға, минералды және ауыз су – 16,7 пайызға өсті.

Аймақтар бойынша 2025 жылғы қаңтарда 12 өңірде инфляция деңгейі республикалық орташа деңгейден асқан, оның ішінде ең жоғарысы – Астана қаласы (11,2 пайыз) мен Қарағанды (9,9 пайыз), Батыс Қазақстан (9,7 пайыз), Солтүстік Қазақстан (9,6 пайыз) облыстарында.

❤️Азаттыққа жазылыңыз

💬 Azerbaijan Airlines әуекомпаниясы Баку – Астрахан – Баку бағытындағы жолаушы рейсін қауіпсіздік мақсатында белгісіз мерзімге тоқтата тұратынын хабарлады

🇷🇺 Астрахан облысының басшысы 3 ақпанға қараған түні Украина дрондары өңірге шабуыл жасады деп мәлімдеген. Оның сөзіне қарағанда, дрондар отын-энергетика кешенін, атап айтқанда, газ өңдеу зауытын нысанаға алған болуы мүмкін.

🛬 BBC агенттігінің жазуынша, 3 ақпанға қараған түні Ресейдегі тоғыз әуежай жұмысын уақытша тоқтатқан.

Azerbaijan Airlines компаниясына тиесілі Embraer жолаушы ұшағы былтыр 25 желтоқсанда Ақтау қаласы маңына құлаған. Апат салдарынан 38 адам қаза тауып, 29-ы тірі қалды.

🇦🇿 Ұшақ апатынан кейін Azerbaijan Airlines Бакуден Ресейдің Минеральные Воды, Сочи, Волгоград, Уфа, Самара, Саратов, Нижний Новгород, Владикавказ, Грозный, Махачкала, Қазанға ұшатын рейстерді уақытша тоқтатқан еді.

❤️Азаттыққа жазылыңыз

📹 Жәмила Баширова Антарктиданың ең биік тұсы – Винсон шыңына шықты. Пандемия кезінен бастап альпинизмге ден қойған Жәмила қазірге дейін төрт құрлықтағы ең биік шыңдарға шыққан. Винсон – бесінші шыңы.

🏔 Жәмила енді Солтүстік Америка мен Африкадағы шыңдарға шығуды армандайды.

❤️Азаттыққа жазылыңыз

🔴 Ресейде «қылмыс әлемінің серкесі» қаза тапты. Не белгілі?

3 ақпанда Мәскеудегі «Алые Паруса» тұрғын үй кешенінде жарылыс болып, «Арбат» батальонын құрған Армен Саркисян қаза тапты. Бұл туралы ресейлік басылымдар хабарлады. Ресей билігі Саркисянды сепаратистік «Донбасс халық республикасының» бокс федерациясының «президенті» етіп тағайындаған еді. Ал Украина оны адам өліміне айыптап, халықаралық іздеу жариялаған.

Шабуылдан соң Саркисян ауыр халде ауруханаға жеткізілгені хабарланған еді. Кейін «Известия» мен Коммерсант басылымы оның клиникада көз жұмғанын мәлімдеді. «Коммерсанттың» жазуынша, Саркисянның бір оққағары да қаза тапқан.

Полицейлер ТАСС агенттігіне тұрғын үй кешеніне жарылғыш затты курьер алып келуі мүмкін деген. Ал Mash телеграм-каналы жарылғыш затты кіреберістері диванға орналастыруы мүмкін дейді. Оқиғадан соң «Адам өлтіру» және «бірнеше адамға қастандық жасау» бабы бойынша қылмыстық іс қозғалды. Ресей органдары «қастандық украиналық схемамен жасалған» деп топшылайды. Ал Украина тарабы бұл мәлімдемеге қатысты ештеңе деген жоқ.

Саркисян Украинада туған. Киев Армен Саркисянды заңсыз әскери батальон құрды, агрессор мемлекетке көмектесті, адам өлтірді деп айыптап, халықаралық іздеу жариялаған.

www.group-telegram.com/azattyq.com