Ааспыт нэдиэлэҕэ билэр дьонум бассаап-статустарыгар "Майа красавчига, Дьокуускайдаан иһэр Горнай уола, Хатаска баар үһү" уо.д.а. комментарийдаах бу оҕус хаартыскатын таһаарбыттара.

Онтон Нам кыыһа Аанчык: "1 Хомустаахха" диэн эмиэ статустаабыта. Хаартыскаҕа түһэрбит кыыһы билэбин диэн, контагын ыыппыта.

Бу оҕус хаартыскатын икки сыллааҕыта эмиэ тарҕата сылдьыбыттара. "Фотошоп үһү" диэнинэн тохтообута.

Билигин чахчы оҕуһу хаартыскаҕа түһэрбит кыыһы кытта кэпсэтэн баран, ЯСИА саайтын суруналыыстара Намҥа 1-кы Хомустаахха тиийэ сырыттылар👍

Сигэнэн киирэн ааҕыҥ репортаһы😍

https://ysia.ru/razmerom-s-sobaku-samyj-malenkij-byk-zhivet-v-yakutii/

#тыасирэ #фермер #хотонолоҕо

Фермер - идэ быһыытынан билилиннэ👩🏻‍🌾🧑🏽‍🌾👨🏽‍🌾

2019 сыллаахха олох олорууга тыа сирэ, фермерство саамай табыгастаах хайысха буоларын толкуйдуур буолбутум. Тыа хаһаайыстыбатын академиятыгар үөрэммитим. "Организатор фермерского хозяйства" диэн квалификация ылбытым👩🏻‍🎓

Урукку кэмҥэ фермер диэни "ынах кутуругун эрийээччи", "саах күрдьээччи" дииллэрэ. Үөрэххэ сыстыбатах "дьолгор" фермердыы барар курдук өйдөбүл баара. Билигин да баар... Ол иһин мин фермербын диирбин соһуйа истэр дьон элбэх.

Дьиҥэр, фермер диэн саамай бастыҥ идэ, дьон аһын оҥорон таһаарар киһи буоллаҕа🥛🍯🍪🥗🥩🥔🥕

Российскай Федерация үөрэҕин министиэристибэтэ "Фермер" идэ орто үөрэҕин стандартын бигэргэппитин үөрэ ылынным. Ол эбэтэр үөрэх тэрилтэлэрэ "фермер" квалификацияны иҥэрэр үөрэтиини ыытыахтара. Дьон аһыыр аһын хаачыстыбалаахтык оҥорон таһаарыыны сатаан тэрийэр, онно сөптөөх билиилээх, анал идэлээх дьон элбиэҕэ👍

#фермер #пиэрмэр #сельскоехозяйство

Куораччыт буола сылдьан, сүтэ сырыттым😅

Хотон диэн чахчы фитнес-зал эбит👍 Куоракка көрсүбүт билэр дьонум: "Хайаа, ырбыккын дии. Хотон в пользу буолбут дии", - диэтилэр. Үөрдүм ахан ээ😄☀️

Атаҕым аматыйбычча, аны биэс сылы быһа иҥэриммит ыйааһыммын түһэрэр санааттан, кэргэммин кытта хотоҥҥо тахсыһар буолбутум. Ынах ыы. Ардыгар, олох хайҕаатахтарына, 11 ынаҕы кытта элээрдэн кэбиһэбин. Өбүгэ саҕаттан хааммар иҥпит "код" тута таска тахсан, үөрдүбүтэ.

Күнтэн-күн чэпчээн, отек сүтэн, ыстаан кэҥээн, хаамар чэпчээн испитэ. Хотон - мин саамай сөбүлүүр сирим буолбута😍💃🏻

Ити эрээри… провал😅 киһи да күлэр. Аны илиилэрим "ыарыы амтанын" биллилэр. Эмтэнэбин. Үтүөрүөм уонна син-биир фитнес-залбар төннүөм☀️

Миигин онно Дьэдьэн, Муҥур, Онотуолуйабына, Быйаҥ күүтэллэр🌿🌿🌿🐄🐄🐄🐄

#тыасирэ #хотонолоҕо #доруобуйа