❗️Учта вазирлик Янги Тошкентга кўчирилади, бинолари сотилади

Қурилиш, Транспорт ва Экология вазирликлари яқин кунларда Янги Тошкентдаги вақтинчалик биноларга кўчирилади.

🏢 Мавжуд бинолар сотувга чиқарилиб, тушган маблағ ҳисобидан янги маъмурий бинолар қурилади. Энергетика вазирлиги эса аллақачон кўчиб бўлган.

Ходимлар учун махсус транспорт йўналишлари ташкил этилади. Транспорт вазирлиги ҳозирда бу йўналишлар устида иш олиб бормоқда.

👉 @r_kusherbayev

❗️Банк картасидан кўп миқдорда пул ўтказсангиз, блокланиш мумкинми?

Агар 30 кун ичида 187,5 млн сўм ёки ундан ортиқ суммада пул карта орқали бир ёки бир нечта шахсга ўтказилса ёки қабул қилинса — бу шубҳали операция сифатида баҳоланади.

Автоматик блокировка бўлмайди, лекин банк текширув ўтказиши, маблағ манбасини сўраши мумкин. Ахборот тақдим этилмаса — шартнома бекор қилиниши эҳтимоли бор.

Фирибгарликка ўхшаш ҳолатлар бўлса, карта 3 кунгача вақтинча блокланиши мумкин.

👉 @r_kusherbayev

❗️Россия депутати туғилишни ошириш учун тунда интернетни ўчиришни таклиф қилди

Туғилиш коэффициентини ошириш мақсадида тунги вақтда интернетни вақтинча ўчириб қўйиш таклифи билдирилди.

Тунда интернетдан фойдаланиш (хусусан, смартфон ва ТВ орқали) уйқу ва оилавий муносабатларга салбий таъсир қилаётганини қайд этган.

👉 @r_kusherbayev

Россиянинг Ўзбекистондаги элчиси Олег Мальгинов Ўзбекистондаги фаолиятини якунламоқда.

👉 @r_kusherbayev

❗️Чет элдан қайтганлар ва меҳнат мигрантлари СПИД бўйича мажбурий текширилади

Янги қонун лойиҳасига кўра, узлуксиз 90 кундан ортиқ чет элда бўлиб қайтган 18–60 ёшдаги фуқаролар ва меҳнат фаолияти учун Ўзбекистонга келаётган чет элликлар ОИВ (СПИД) бўйича мажбурий тиббий текширувдан ўтади.

Кимлар қамраб олинади:
➖ Чет элдан қайтган Ўзбекистон фуқаролари;
➖ Ўзбекистонда доимий яшайдиган фуқаролиги бўлмаган шахслар;
➖ Ўзбекистонга ишлаш учун келаётган чет элликлар.

👉 @r_kusherbayev

❗️Энг оддий нацизм: Россияга борманг, азиз ватандошлар!

Москвадаги сўнгги воқеалар — ҳужжатларида муаммоси бор мигрантларни ҳақоратлаш, уларни тепиш, хорлаш ҳолатлари — афсуски, одатий ҳолга айланмоқда. Ўзбек ёшлари энг оғир меҳнатларни бажарса-да, шунга муносиб муомала кўрмаяпти.

Ўзбекистонда ишсизлик муаммоси бор, лекин бу ёшларни Россияга юбориш ечим эмас. Улар у ерда инсон сифатида қадрланмайди. Биз ёшларимизни тил ўрганишга, яхши ҳунар эгаллашга ва ривожланган давлатлар — Олмония, БАА, Япония, Жанубий Корея каби мамлакатларга йўналтиришимиз зарур.

Ҳозир Ўзбекистонга ҳатто Ҳиндистон ва Бангладешдан ишчилар келяпти, чунки ўзимизникилар ички ишларга қизиқмай қолишган. Бу ҳам оғриқли, лекин ўзга юртда таҳқирланишдан афзалроқ.

Россия расмийларидан бундай таҳқирлашларни тўхтатишни талаб қиламиз. Чунки ўзбеклар тарихда кўп миллатга паноҳ, ғамхўрлик ва меҳр кўрсатган. Бундай муносабат бизга нисбатан инсофсизлик, балки нацизмнинг ўзи.

Шерзодхон Қудратхўжа.

👉 @r_kusherbayev

❗️Академик лицейларга қабул бошланди

Бугун, 2025/2026-ўқув йили учун академик лицейларга ҳужжат қабул бошланди. Жорий йил 9-синф битирувчилари my.edu.uz портали орқали онлайн рўйхатдан ўтишлари мумкин.

🖥 Абитуриентлардан талаб этилади:
➖ ID карта ёки туғилганлик ҳақида гувоҳнома маълумотлари;
➖ 3,5х4,5 см рангли фотосурат (JPEG/PDF);
➖ Агар мавжуд бўлса, имтиёз берувчи ҳужжатлар (олимпиада дипломи, сертификатлар).

Танлов вақтида:
➖ 3 тагача лицей ва йўналиш танланади (таълим тили бир хил бўлиши керак);
➖ Кириш синови учун чет тили белгиланади.

Тест синовлари абитуриент танлаган ҳудудда ўтказилади.

🗓 Қабул 10 июлгача давом этади (шу куни ҳам).

👉 @r_kusherbayev

❗️"Экишни ҳохламаган, пиллани бажармаганни ерини хитойликларга берамиз!"

Тармоқларда қишлоқ хўжалигига масъуллардан бирининг видеомурожаати тарқалмоқда.

Унда масъул фермерларга мурожаат қилиб, ғалла, пиллани бажармаган, махсулот пулини бермаган, солиқ тўламаганларнинг ерларини хитойликларга берилишини айтиб ўтган.

Амалдаги қонунчиликка кўра, фермерларнинг ғалла ва пилла етиштириши шартномавий муносабатлар ҳисобланади. Ҳеч кимнинг бу жараёнга аралашишга ҳаққи йўқ.

Шунингдек, фермерлар ерни ижарага олиш бўйича ер ижара шартномаси тузадилар. Ва кўпинча бундай шартномаларда фермер пилла топширмагани учун ерини олиб қўйиш ва хитойликларга бериш кўзда тутилмаган.

☝️Қонунларни оёқости қиладиган шахсларнинг масъул лавозимларда қўйилгани ва видеодаги каби тутуриқсиз, миллий манфаатларга зид чиқишлар қилаётгани албатта ачинарли.

Ушбу ҳолат бўйича ҳозирча изоҳ берилмаган.

Эхх, қачон қонунларга ва миллий манфаатларга қайтамиз-а?!

👉 @r_kusherbayev

❗️11 июндан бошлаб АҚШ долларининг расмий курси 12 674,37 сўм этиб белгиланди

Бу аввалги курсга нисбатан 37,68 сўмга пастлашни англатади.

15 майдан буён доллар умумий 290 сўмга арзонлашди. Бу курсда тушиш тенденциясининг давом этаётганини кўрсатади.

Бу ўзгаришлар валюта бозоридаги умумий вазият, экспорт-импорт мувозанати, ташқи қарзлар ва Марказий банк интервенцияларига боғлиқ бўлиши мумкин. Курсдаги пастлаш айрим импорт товарлар нархига ижобий таъсир кўрсатиши кутилмоқда.

👉 @r_kusherbayev

❗️Азиз Турғунбоевдан ажойиб гол

Ҳисоб очилди Ўзбекистон ва Қатар — 1:0!

👉 @r_kusherbayev

Ўзбекистон 3 - 0 Қатар

Игооор Сергеев ҳисобни 3-0 кўринишга олиб келди.

👉 @r_kusherbayev

​​❗️Ўзбекистон Россияга нота юборди

Бугун Ўзбекистон Ташқи ишлар вазирлиги Россия томонига муҳожирлар бўйича қатъий эътирозини билдириб, дипломатик нота юборди.

Россия ҳудудида айрим ҳолатларда Ўзбекистон фуқароларига нисбатан рухсатсиз текширувлар, қўпол ва ҳурматсиз муомалалар кузатилаётгани жиддий ташвиш уйғотмоқда.

Бу каби ҳаракатлар икки давлат ўртасидаги дўстона муносабатларга мутлақо зид бўлиб, уларнинг олдини олиш мақсадида аниқ чоралар кўриш талаб этилади.

Ўзбекистон ТИВ барча фуқароларнинг шаъни ва қадр-қиммати ҳимоя қилиниши, инсон ҳуқуқлари ва халқаро ҳуқуқ нормаларига риоя этилиши кераклигини қатъий таъкидлайди.

Москвадаги элчихонамиз томонидан Россия Ташқи ишлар вазирлигига юборилган нотада:
➖ Россия ҳудудидаги айрим зобитлар томонидан фуқароларимизга нисбатан қўлланилаётган куч ишлатиш ҳолатлари;
➖ Бу ҳолатлар инсон ҳуқуқларининг яққол бузилиши эканлиги;
➖ Воқеаларга ҳуқуқий баҳо бериш зарурлиги қайд этилди.

Ўзбекистон Республикаси Ташқи ишлар вазирлиги ушбу масалани доимий назоратда ушлаб турибди ва зарур ҳолларда қўшимча чоралар кўришни давом эттиради.

👉 @r_kusherbayev

❗️Санэпидқўм янги хавфли вирус ҳақидаги хабарларни рад этди

Ижтимоий тармоқларда Хитойда ҲКУ5-CoV-2 номли янги вирус тарқалгани ҳақидаги хабарлар тарқалди. Бироқ, Санитария-эпидемиология қўмитаси бу маълумотларни рад этди.

Қўмита маълумотига кўра, мазкур хабарлар Хитойнинг сариқ матбуотида тарқалган бўлса-да, ушбу вирус ҳақида Хитой расмий идоралари ёки Жаҳон соғлиқни сақлаш ташкилоти (ЖССТ) томонидан ҳеч қандай расмий эълон берилмаган.

👉 @r_kusherbayev

❗️Каттақўрғон туманида камера хариди: тендерда аффилланганлик шубҳаси

Каттақўрғон тумани мактабгача ва мактаб таълими бўлими томонидан бошланғич қиймати 299,9 миллион сўм бўлган видеокузатув камераларини ўрнатиш ва харид қилиш бўйича танлов ўтказилди.

Танлов натижасига кўра, 299,3 миллион сўмлик таклиф билан «ISLOMJON METAL INVEST» оилавий корхонаси ғолиб деб топилди. Танловда қатнашган иккинчи иштирокчи — «NETTO EXPO» хусусий корхонаси эса заҳира ғолиби сифатида қайд этилди.

Бироқ, ушбу харид жараёнида иштирокчилар ўртасида ўзаро аффилланганлик ҳолати мавжуд бўлиши мумкин.

Жумладан, «ISLOMJON METAL INVEST» ОК таъсисчиларидан бири — Шаропов Улмас Амиритдинович, «NETTO EXPO» ХКнинг эгаси Хадикулов Лазиз Арзиқулович билан биргаликда «DATA SERVICE» МЧЖ таъсисчилари ҳисобланади.

Манба

Ислом Тўхтахўжаев Бобур Абдухолиқовга BYD автомобилини совға қилди!

Журналист Нарзулла Сайдуллаевнинг хабар беришича, ОКМК ҳимоячиси Ислом Тўхтахўжаев сўнгги икки ўйинда миллий жамоа таркибидан ўрин олган бўлса, Бобур Абдухолиқов эса аввалги саралаш босқичларидан буён Ўзбекистон миллий терма жамоаси шарафини ҳимоя қилиб келмоқда.

Бобур Абдухолиқов миллий терма жамоа учун бир неча саралаш босқичларида бор кучини аямай ҳаракат қилган футболчилардан бири бўлган. Афсуски, уни тақдирланганлар рўйхатига киритмаган масъуллар томонидан йўл қўйилган хатони Ислом Тўхтахўжаев шахсан ўзи тўғрилаб, унинг меҳнатига муносиб баҳо берди — унинг ўзига совға қилинган BYD автомобили билан тақдирлади.

👉 @r_kusherbayev

📢Рақобат қўмитаси “Beeline”нинг абонент тўловлари бўйича шартларини қайта кўриб чиқишни талаб қилди

Истеъмолчилардан келиб тушган кўплаб шикоятларга кўра, "Beeline" ойлик абонент тўлови учун маблағ етарли бўлмаганда, автоматик равишда кунлик тарифга ўтказиш ва тўлов ечиш амалиётини амалга оширмоқда. Бу жараёнда:
▪️ Абонент розилигисиз кунлик тўлов (2000 сўм) ечилади;
▪️ Қарзга тўлов ечилиб, рақам блокланади;
▪️ Тўлов қилинган бўлса-да, интернет трафикдан фойдаланиш имконияти берилмайди;
▪️ Қўшимча хизматни ўчириш ёки рад этиш имкони мавжуд эмас.

Қўмита бу ҳолатни истеъмолчилар ҳуқуқларининг бузилиши деб баҳолаб, “UNITEL” МЧЖга қуйидаги кўрсатмаларни юборди:
🔹 Кунлик тўловни автоматик ечишни бекор қилиш;
🔹 Кунлик хизматни ихтиёрий равишда танлаш имкониятини яратиш (масалан, USSD-код орқали);
🔹 Абонентларни қарзга туширишни тўхтатиш;
🔹 Барча ўзгаришлар ҳақида ўз вақтида хабардор қилиш.

Қўмита бу масалани назоратга олди.

👉 @r_kusherbayev

❗️Россиядаги рейд бўйича Журналист Гулноза Ҳусанова Ташқи ишлар вазирлиги матбуот котибини сўроққа тутибди.

👉 @r_kusherbayev

❗️Ўзбекистонда сувдан фойланиш қоидалари бузилгани ҳақида фото ва видео юборганлар рағбатлантирилади

Ҳукумат қарорига кўра, сув соҳасидаги ҳуқуқбузарликни фото/видеога олиб, 48 соат ичида v-nadzor.gov.uz сайтига юборган фуқаролар рағбатлантирилади.

🎥 Видеода: ҳуқуқбузарлик ҳолати, манзил, сана, вақт ва (агар бўлса) шахс ҳақида маълумот бўлиши лозим. Видео 120 сониядан ошмаслиги керак.

Материаллар 10 кун ичида кўриб чиқилади. Қоидабузарга аввал огоҳлантириш, такрорланса — жарима.

💰 Жариманинг 25% видеони юборган шахсга 15 кун ичида мукофот сифатида тўлаб берилади.

👉 @r_kusherbayev

🎓 Лицензияга эга бўлмаган "университет"га алданган 250 нафар абитуриент!

Ижтимоий тармоқларда тарқалган мурожаатларга кўра, бир гуруҳ шахслар лицензияга эга бўлмаган ҳолда абитуриентларни ўқишга қабул қилган. Маҳаллий ҳокимият органларининг огоҳлантиришларига қарамасдан, ноқонуний қабул жараёнлари тўхтатилмаган.

Бундан ташқари, мурожаатда Олий таълим, фан ва инновациялар вазирлиги тизимида фаолият юритувчи мансабдор шахс лицензия олиб беришни ваъда қилиб, фуқаролардан пул олгани таъкидланган.

Мазкур ҳолат юзасидан тегишли идоралардан расмий муносабат кутиб қоламиз.

Фақатгина амалдаги лицензияга эга бўлган олий таълим муассасалари билан шартнома тузинг!

Республикада лицензия асосида фаолият олиб бораётган нодавлат ОТМлар рўйхати билан қуйидаги ҳавола орқали танишишингиз мумкин:
https://nodavlattalim.uz/non-governmental-universities

👉 @r_kusherbayev