group-telegram.com/sputnik_apsny_info/7413
Last Update:
🔸Аԥсны Абанк амузеи аҿы ацәыргақәҵа "Леуарса Быҭәба. Амастер игәалашәара" аус ауеит.
Аԥсуа сахьаҭыхҩы, "Ахьӡ-Аԥша" аорден II аҩаӡара занашьоу Леуарса Быҭәба диижьҭеи 65 шықәса аҵра иазкыз ацәыргақәҵаҿы ахатә коллекциақәа рҟынтәи 20 инареиҳаны асахьақәа цәырган.
Амузеи адиректор Асҭамыр Ҭаниа инаҵшьны иазгәеиҭеит ас еиԥш иҟоу ацәыргақәҵақәа зылшамҭа рацәоу ауаа шаҳгәаланаршәо, ауаа шеиднакыло.
Ацәыргақәҵа акуратор Ельвира Арсалиаԥҳа илҳәеит Быҭәба иусумҭақәа иааукәыршаны иҟоу аԥшӡара агәаҭара шулдыршо.
Аԥсны асахьаҭыхыҩцәа реидгыла ахантәаҩы, аскульптор Витали Џьениа ишиҳәаз ала, Леуарса Быҭәба аԥсҭазаара бзиа избоз, згәы ҳалалыз, здырра ыҟаз уаҩын, уи исахьақәа иагьарааны иубаргьы, даҽа блак ала урыхәаԥшуеит ҳәа.
"Иахьа уажәраанӡа дыҟазар, шаҟа аԥиҵараны иҟази, шаҟа илшарызеи. Иара иаԥиҵаз адунеи иақәлахо убранӡа иҟазара ҳаракын, иуаҩра ҳаракын, зегь рыла дманшәалан", — иҳәеит Џьениа.
Ацәыргақәҵа февраль 28 рҟынӡа имҩаԥысуеит.
Леуарса Быҭәба изку анҵамҭа шәаԥхьар шәылшоит Sputnik Аԥсны асаит аҿы.
BY Sputnik Аԥсны
Share with your friend now:
group-telegram.com/sputnik_apsny_info/7413