group-telegram.com/tealkramm/333
Last Update:
جار الزمان علينه
يمته الفرج مهدينه
ملينه تدرينه يبوصالح
_____________________
تعرف الواكف وياك وياهَو راد يخونك
الوادم بوجهين تمشي وترفس بماعونك
لجل عين احبابك ارجع والله ينتظرونك
بس يمهدي الدنيا حلوه كون بيها اعيونك
نقره سويه الندبه
ونطوف حول الكعبه
نتمنه ونتعنه يبوصالح
________________________
انتضرناك بصبرنه وكل صبر مابينه
طال يامهدي انتضارك ليمت اترد لينه
مانعوفك مانعوفك عل عهد ضلينه
حلوه انصارك يمهدي الوادم اتسمينه
طال الصبر يل غايب
حقه اليحب يعاتب
تانينه وحنينه يبوصالح
__________________________
كون اتبعك خطوه خطوه واسري وي انفاسك
انته اذا مجروح مني شلون اعيش حساسك
شيب قلبك من ذنوبي لو الحافر جاسك
حقه من يشيب كلبك كربلاء ابراسك
بين الدمع والونه
عمرك اشايف منه
بضلوعك بدموعك يبوصالح
__________________________
لومثل سلمان اصيرن وامشي خطوه بخطوه
هيج اتبعك يابوصالح انته واحد يسوه
وادم انباعت كصصها وماكو عدها مروه
شمر كلها وماكو عابس هيه هاي البلوه
يجري الخيانه بدمها
كون الوفه تعلمها
شحجيلك وشكيلك يبوصالح
___________________________
بل ثقه العمياء نمشي والبشر سجينه
الدنيا ماتوكف عل احد وكفت وحنينه
مشكله ابنادم يمهدي مايصير بعينه
الهل سبب انته يمهدي الهسه مملاكينه
قلبك يحب الفقره
واليمشي بس علفطره
عرفني وسامحني يبوصالح
_________________________
ابنادم اشماله يمهدي عل ذنب يتوازه
فشله منك انه اجرحك وانته وجهك عازه
الاعمه اخذه منه حياته وعوفله العكازه
ادعيلي اضل امشي بطريقك يل دعاك اعتازه
خليني امشي بدربك
يامهدي قلبي يحبك
حاجيني دليني يبوصالح
_________________________
محمود الساعدي
ياقائم ال محمد
BY محمود الساعدي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/tealkramm/333