group-telegram.com/toshkenttumanihokimligi/29363
Last Update:
#Sayyor_qabul
Sirgʻali mahallasida sayyor qabul oʻtkazildi
Bugun,Toshkent tumani hokimi Sardorbek Ergashev, Xalq qabulxonasi tuman boʻlimi mudiri Nigʻmat Mahamedov, tuman IIB boshligʻi Abdulaziz Mullajonov, tuman Soliq inspeksiyasi boshligʻi Sanjar Abduvaliyev hamda Respublika ishchi guruhi aʼzolari - Oʻzbekiston mahallalari uyushmasi viloyat boshqarmasi boshligʻi Furqat Xudoyberdiyev va Oʻzbekiston mahallalari uyushmasi masʼul xodimi Akbar Joʻrayevlar ishtirokida Toshkent tumani Sirgʻali mahallasi idorasida fuqarolar qabuli tashkil etildi.
Unda tumandagi barcha korxona-tashkilot rahbarlari qatnashdi.
Qabul davomida 40 dan ziyod murojaat va taklif tinglandi. Har bir murojaat diqqat bilan eshitilib, ayrim masalalarga joyida yechim topildi. Qolgan murojaatlar yuzasidan esa tegishli masʼullarga aniq topshiriqlar berildi. Barcha murojaatlarni tuman hokimi oʻz nazoratiga oldi.
Qabuldan soʻng, ishchi guruh rahbarlari va tuman hokimi mahalla hududini oʻrganib, dala chetlaridan foydalanish madaniyati, uzumzorlarni rivojlantirish, obodonlashtirish va koʻkalamzorlashtirish masalalarini oʻrganib, ushbu yoʻnalishlar boʻyicha oʻz taklif va tavsiyalarini bildirdilar.
