group-telegram.com/uoheebuluu/30715
Last Update:
#планерка
Санатар буоллахха, 2024 сыл тохсунньу 21 күннэригэр улуус баһылыгын быыбара ыытыллыбыта.
Дьаһалта дьыалаларын дьаһайааччы Михаил Егоров улуус баһылыгын сыллааҕы үлэтин отчуоттуур мунньаҕа нэһилиэктэринэн ыытыллар былаанын тэрилтэ салайааччыларыгар, нэһилиэк баһылыктарыгар билиһиннэрдэ.
Үөһээ Бүлүү улууһун нэһилиэнньэ дьарыктаах буолуутун киинэ үлэтин туһунан салайааччы Николай Петров иһитиннэрии оҥордо.
- 2024 сылга 470 киһи үлэ көрдөөн учуокка турбутуттан 321 киһи үлэ булбут. Бүгүҥҥү күҥҥэ 97 киһи учуокка турар эбит буоллаҕына, 63 киһи ыйдааҕы босуобуйанан туһанар.
4 үлэтэ суох киһи бэйэ дьыалатын тэринэн дьарыктаах буоларыгар анаммыт субсидиянан туһаммыт.
7 киһи быстах кэмҥэ үлэнэн хааччыллыбыт.
120 оҕо сайыҥҥы 3 ыйга үлэнэн хааччыллан хамнас аахсыбыт.
15 үлэтэ суох киһини араас хайысханан быстах кэмнээх куурустарга үөрэхтээһини аһардыбыттар. Маныаха айан, олорор миэстэтин ороскуота төлөнөр, ону тэҥэ үөрэнэллэригэр материальнай көмө оҥоһуллар.
Үлэ буларга ыарахаттары көрсөр дьону, чуолаан доруобуйатынан хаарчахтаах дьоҥҥо үлэ буларга көмө оҥоһуллар. Бу бырагыраама чэрчитинэн биир киһи үлэ булбут.
12 киһи промышленнай тэрилтэлэргэ үлэ булан үлэлии сылдьаллар.
Быйыл, 2025 сылга, Дьарыктаах буолуу киинигэр учуокка турар үлэтэ суох киһиэхэ төлөнөр биир ыйдаах босуобуйа алын кээмэйэ 2766 солк. тэҥнэстэ, оттон үрдээбитэ - 23587 солкуобай.
Анал байыаннай дьайыыга сулууспалаан кэлбит дьон уочарата суох үлэнэн хааччыллыахтаахтар. Улуустааҕы дьарыктаах буолуу киинэ судаарыстыбаттан көрүллэр көмөнү барытын оҥоро олорор. Маныаха ааспыт сылга биир байыас кэлэн үлэнэн хааччыллыбыт.
"Үөһээ Бүлүү" хаһыат
