group-telegram.com/varuzhandragoman/3013
Last Update:
Անպայման կարդացե՛ք այս պատմությունը։
Այն իր գրքում ներկայացնում է նախկին պատգամավոր Սամվել Ֆարմանյանը, սակայն ինձ ավելի մանրամասն պատմել են նաև Սիրիայում նախագահ Ասադի մարդիկ։
Կարծում եմ՝ շատ ուսանելի է։
«... Անմոռանալի է այն ոգևորությունը, որով 2009 թ. հունիսի կեսին ... Երևան ժամանած Սիրիայի նախագահ Բաշար ալ-Ասադը պատմում էր Թուրքիայի հետ բացվող բարեկամության նոր հեռանկարի մասին ու վկայակոչելով Դավութօղլուի «զրո պրոբլեմ հարևանների հետ» տեսությունը՝ Սերժ Սարգսյանին փաստարկում, թե ինչու Սիրիան չի կարող գնալ Հայոց ցե ղասպանության ճանաչմանը։
Նույնքան անմոռանալի էր այդ առանձ նազրույցի ժամանակ Սարգսյանի կանխատեսումը.
- Դուք թուրքերին լավ չեք ճանաչում։ Կգա ժամանակը, և արդյունքով կդատենք։
Ու ստացվեց այնպես, որ տարիներ անց՝ 2014 թ. մարտի վերջին, նախա գահ Սարգսյանի հանձնարարությամբ արդեն պատգամավորի կարգա վիճակում խորհրդարանական պատվիրակություն գլխավորեցի Սիրիա... ուղևորվեցինք պատերազմի, խառնաշ փոթի ու քաոսի երախը ներքաշված ու փլուզման եզրին հայտնված եր բեմնի ծաղկուն պետության՝ Սիրիայի մայրաքաղաք Դամասկոս ու կոնս պիրատիվ պայմաններում հանդիպեցինք Բաշար ալ-Ասադին՝ ճմռթ ված վերնաշապիկով ու գերհոգնած։
Բարձրահասակ, նրբամարմին Բա շարը, որ զրուցակիցների վրա ավելի շուտ վիրաբույժի, քան կործանարար պատերազմի ճիրաններում հայտնված պետության զինված ուժերի գե րագույն գլխավոր հրամանատարի տպավորություն էր թողնում... հանդիպման ավարտին խնդ րեց Սերժ Սարգսյանին փոխանցել.
- Ես շատ լավ եմ հիշում երևանյան մեր առանձնազրույցը։ Խնդրում եմ պարոն նախագահին փոխանցել, որ նա ճիշտ էր. մենք թուրքերին լավ չէինք ճանաչում»։
պ.գ.թ., թյուրքագետ Վարուժան Գեղամյան | @varuzhandragoman
