group-telegram.com/youtube_by/12384
Last Update:
Кнопка-2024. Выбіраем найлепшы падкаст года
🕚 Пачынаем праз 10 хвілін. Вынікі сёння ў 23:00 па Менску.
Знаёмімся з сёлетнімі намінантамі:
🎧 Natatnik — скарбніца выбітных выпускаў пра беларускую мову і культуру, месца, дзе распавядаюць пра таямнічую і прыгожую Беларусь.
🎧 True Crime Hrodna — вы не памыліліся, сапраўдны беларускі тру-крайм на роднай мове ў YouTube. Тут Цёця Іра і Воля Новік абмяркоўваць рэальныя дзікія злачынствы, якія адбываліся ў Гародні.
🎧 Гісторыя на Свабодзе — падкаст, у якім беларускія і замежныя інтэлектуалы разважаюць пра самыя актуальныя пытанні гісторыі Беларусі і суседніх краін. Гэта адказ на «вайну гісторыяў», якую цяпер вядзе беларуская і расейская прапаганда.
🎧 Гістфак — відэападкаст, дзе вядоўцы Даша Палынская і Алесь Кіркевіч расказваюць пра важныя падзеі і цікавосткі ў гісторыі Беларусі, пра якія вы, магчыма, не ведалі.
🎧 Зроблена ў Польшчы — блогеры Кірыл і Максім займальна гутараць па-беларуску пра польскую палітыку. Вельмі актуальна для вялікай беларускай дыяспары ў Польшчы.
🎧 Медиажаба — падкаст пра беларускія медыя, дзе Аляксей Івашкевіч і Аляксей Карпека абмяркоўваюць зашквары і загніванне нашай медыяпрасторы.
🎧 Полчаса кардио — беларускі падкаст пра стасункі, у якіх ёсць секс. Вядучыя Аня Пярова, Ліна Цапава і Максім Паршута весела, інклюзіўна і з карысцю гавораць пра сексуальнае жыццё ў Беларусі.
🎧 Першы Гікаўскі — падкаст у якім блогеры Лёша і Вадзім размаўляюць пра рознае гікаўскае. За гэты год у гасцях пабывалі АйЦіБарада, Мікіта Мелказёраў і спявак Ap$ent.
🎧 Чарговы падкаст — Лёша Івашкевіч і Міхась Ільін весела і бадзёра абмяркоўваць беларускую "павестачку". Як кажуць самі блогеры "гэта як «Гадзіннічак цікае» толькі без Шрайбмана, Сугак і Астапені".
🎧 Цёмны лёс — навукова-гікаўскі падкаст па-беларуску ад Аляксея "АйЦіБарады" Картынніка, дзе сярод гасцей эксперты ў мове эсперанта і гравітацыйных хвалях. Таксама ў Аляксея ёсць круты падкаст пра штучны інтэлект AIA Podcast.
Выбар, які дакладна варта зрабіць
@youtube_by
