НАША ВЕРА.
МУДРАСЦЬ НА ЎСЕ ЧАСЫ...

"Не сумуйце - калі просіце і не атрымліваеце; не думайце, што вока Божае адвярнулася ад вас. Лекар не заўсёды дае хвораму тое, чаго ён просіць, а прызначае яму тое, чаго не просіць. Ён не дае прыемнай для хворага ежы, каб потым усё дазволіць, калі той выздаравее».

Святы Аўгусцін.

Вялікая Вячэрня ў 2-ю нядзелю па Сьвятой Тройцы, 22 чэрвеня

http://cssr.by/2019-03-04-08-41-21/chasaslou/211-viacernia-ton1.html

ГРЭКА-КАТАЛІЦКАЯ ПАРАФІЯ МАЦІ БОЖАЕ ФАЦІМСКАЙ
вул. Гараднічанская 32а
РАСКЛАД НАБАЖЭНСТВАЎ
на 23-29 чэрвеня

23 чэрвеня, панядзелак
18.00 – Літургія св. Яна Залатавуснага

24 чэрвеня, аўторак
Нараджэнне св. Яна Прадвесніка
18.00 – Літургія св. Яна Залатавуснага

29 чэрвеня, нядзеля
Святых апосталаў Пятра і Паўла
10.00 – Літургія св. Яна Залатавуснага

📻 У новым выпуску перадачы “Хрысціянства і беларуская літаратура” айцец Андрэй Крот працягвае аналізаваць апавяданне Адама Бабарэкі “Трынаццатае чысло!”.
 
📖 Гэты твор – яскравы прыклад савецкай літаратуры 1920-х гадоў, якая часта выкарыстоўвала матывы рэлігіі для крытыкі духавенства. У цэнтры ўвагі – канфлікт паміж святаром і атэістам-настаўнікам, а таксама спроба паказаць святароў як карыслівых і бяздушных людзей.
 
✝️ Айцец Андрэй заўважае, што савецкія апавяданні таго гістарычнага перыяд цікавыя тым, што ў іх, акрамя прапаганды бязбожніцтва, можна раз-пораз знайсці цікавыя апісанні рэлігійных звычаяў нашых продкаў.

 Апрануцца ў стылі “у Хрыста”. Гал 3, 26–29

У Дванаццатую звычайную нядзелю падчас другога чытання чуем словы Апостала Паўла з Ліста да Галатаў: “Бо ўсе вы, хто ахрысціўся ў Хрыста, у Хрыста апрануліся”
The post Апрануцца ў стылі “у Хрыста”. Гал 3, 26–29 first appeared on ГРЭКА-КАТАЛІЦКАЯ ПАРАФІЯ МАЦІ БОЖАЕ ФАЦІМСКАЙ У ГРОДНЕ.

https://facimskaja.by/galounaya/apranuczcza-u-styli-u-hrysta-gal-3-26-29.html

Як адзін з сымбаляў перажытай беларускім народам трагедыі Архімандрыт Сяргей нагадаў прысутным вернікам пра Росіцу і подзьвіг каталіцкіх сьвятароў-марыянаў блаславёных Юрыя Кашыры і Антона Ляшчэвіча, якія прынялі там мучаніцкую сьмерць разам з сваімі парафіянамі. Невялікую памятку з Росіцы Апостальскі адміністратар грэка-католікаў Беларусі перадаў Папу Рымскаму Льву XIV падчас юбілейнай пілігрымкі ў траўні 2025 году прадстаўнікоў Усходніх Каталіцкіх Цэркваў у Рым у Год надзеі.

Таксама архім. Сяргей Гаек узгадаў першага грэка-каталіцкага экзарха Беларусі а. Антона Неманцэвіча, які за сваю дзейнасьць быў арыштаваны нацыстамі ў сваёй рэзідэнцыі ў Альбярціне пад Слонімам і загінуў як вызнаўца веры ў турме СД у Менску.

Памятаюць берасьцейскія грэка-католікі і пра трагедыю спаленых вёсак з уніяцкай парафіі ў Бабровічах, што ў Івацэвіцкім раёне, якія былі зьнішчаныя падчас карнай аперацыі нацыстаў. Пра гэта ім ня раз апавядалі ў Бабровічах мясцовыя вернікі, ахрышчаныя вядомым грэка-каталіцкім сьвятаром-асьветнікам Баляславам Пачопкам, якія цудам выжылі тады. Вечная памяць ахвярам вайны!

НАША ВЕРА.
МЕРКАВАННЕ...

"КАЛІ АДАБРАЛІ БОГА..."

"Ведаеце, нам скалечылі ўсё жыццё, адабраўшы ў нас Бога. Калі б я ведала, што раблю, то ніколі не пражыла б сваё жыццё так, як пражыла. Калі б я ведала пра Бога так, як ведаюць пра яго цяпер з дзяцінства мае ўнукі, то нічога з таго, што я рабіла, не зрабіла б - не пайшла б у актрысы, ні з кім не разводзілася б, нараджала б шмат дзяцей, наогул усё рабіла б па-іншаму.

Усё, што я рабіла, было ад бязбожнасці, ад самасці, ганарыстасці, пыхлівасці...

Мая пазіцыя - без Царквы выратавання няма. Толькі ў ёй мы атрымліваем ласку. І ў ёй здзяйсняюцца 7 сакрамэнтаў. Канчатковая мэта наша - выратаванне душы, і без царквы яна немагчымая.

#КацярынаВасільева
(былая савецкая і расійская актрыса, у цяперашні час манашка Васіліса)

#СвятаАўмросіеўскіМанастыр

 Казахстан: Адкрыты санктуарый, прысвечаны пераследаваным хрысціянам

Гэта першае такое месца малітвы ў Цэнтральнай Азіі. У Астане, сталіцы Казахстана, 20 чэрвеня 2025 г. інаўгураваны марыйны санктуарый, прысвечаны пераследаваным хрысціянам. Ён дзейнічае пры царкве Маці Божай Нястомнай Дапамогі ў казахстанскай сталіцы, дзе дзесяцігоддзямі савецкія ўлады змагаліся з каталіцтвм.

Як паведамляе National Catholic Register, новы санктуарый быў створаны па ініцыятыве амерыканскай арганізацыі Nasarean.org. Гэта ўжо шостае такое месца ў свеце, але першае ў рэгіёне, які асабліва зведаў рэлігійныя пераследы, асабліва ў камуністычныя часы.

Санктуарый паўстаў з блаславення мітрапаліта Астаны архібіскупа Томаша Петы і пры падтрымцы дапаможнага біскупа Атанасіуса Шнайдэра. Цэнтральным пунктам з'яўляецца ікона Марыі, Маці Пераследаваных Хрысціян, напісаная ліванскай мельхіцкай манахіняй с. Сурайяй Хера. Надпіс на арамейскай мове «Маці Пераследаваных» яднае сучасную Царкву, якая пакутуе, з часамі першых мучанікаў.

У гаміліі падчас інаўгурацыі біскуп Шнайдэр нагадаў словы св. Яна Паўла II з пілігрымкі ў Казахстан у 2001 г. Папа Рымскі тады казаў пра «невымоўныя досведы тых, хто пацярпеў, бо не адрокся ад веры».

Казахстан быў адным з галоўных месцаў савецкай сістэмы ГУЛАГаў. Сюды ссылаліся цэлыя народы — палякі, немцы, украінцы ці балты. Большасць з іх былі вернікамі, а рэлігійныя практыкі праводзілі ўтоена.